Chapter Title : അണുകുടുംബം [kuttu]

നടത്തുന്നത് അനിതയാണ്. കണക്കുകൾ നോക്കാനും SSLC REVISION സമയത്ത് ക്ലാസ്സെടുക്കാനും മാത്രമേ അവിടെ പോകാറുള്ളുവെങ്കിലും അനിതയാണ് അവിടുത്തെ അധികാരസ്വരം. വീട്ടിലെയും.

വീട്ടിൽ ആഴ്ചയിലൊരിക്കൽ കൗസല്ല്യ എന്നൊരു ജോലിക്കാരി വരുന്നതൊഴിച്ചാൽ അഭിയും അനിതയും മാത്രമാണ് കുറച്ചു കാലമായി വീട്ടിൽ ഉണ്ടായിരിക്കാറ്. നിതിൻ നവോദയ വിദ്യാലയയിലാണ് പഠിക്കുന്നത്.

അനിത അഭിയുടെ കിടക്കാവിരിയും പുതപ്പും നേരെയാക്കിവച്ചപ്പോഴാണ് അവന്റെ ഫോണിലേക്ക് രാഹുലിന്റെ ഫോൺ വന്നത്.

ഫോണെടുത്ത അനിത ഹലോ പറയുന്നതിന് മുൻപ് തന്നെ രാഹുലിന്റെ ശബ്ദം ഇപ്പുറത്തെത്തി.

" അഭീ ഇവിടെ ബ്ലോക്കാടാ, അമ്പലത്തിലെ ഉത്സവമാണെന്ന് തോന്നുന്നു. നീ നേരത്തെ വന്ന് പോസ്റ്റാവണ്ട, എത്താറാവുമ്പോ ഞാൻ വിളിക്കാം, അമ്മയോട് പറഞ്ഞേക്ക്, ഞാൻ വിളിച്ചിട്ട് അമ്മ എടുക്കുന്നില്ല. "

"ഫോൺ താഴെ വച്ചിരിക്കുകയായിരുന്നെടാ കണ്ണാ, അവനെ ഇപ്പൊ എഴുന്നേൽപ്പിച്ചു ഒരു കണക്കിന് ബാത്‌റൂമിലേക്ക് വിട്ടിട്ടേയുള്ളൂ. ഞാൻ നീ എത്തിക്കാണുമോ എന്ന് പേടിച്ചിരിക്കുവായിരുന്നു."

"ആ അമ്മേ, ഈ ബ്ലോക്ക്‌ ഒന്ന് മാറിയാൽ ഞാൻ പെട്ടെന്നെത്തും, അവനോട് ഒന്ന് പെട്ടെന്ന് റെഡിയാവാൻ പറ. അല്ലെങ്കിൽ അവൻ വേറെ വല്ല പണിയും തുടങ്ങിവെക്കും, പിന്നെ അമ്മയ്ക്കറിയാല്ലോ പിന്നെ അത് കഴിയാതെ അവനെ നോക്കണ്ട. "

"ഇല്ലെടാ അവൻ റെഡി ആയിക്കഴിഞ്ഞേ നീ ലേറ്റ് ആവുന്ന കാര്യം ഞാൻ പറയുന്നുള്ളൂ, പിന്നെ ഫോണും അത് കഴിഞ്ഞേ കൊടുക്കുന്നുള്ളൂ. പോരെ?"

"ആ അത് മതി, എന്നാൽ ശരിയമ്മേ, ഞാൻ വന്നിട്ട് നമ്മൾക്ക് പൊളിക്കാം. "

"നീ എന്നാൽ എത്തിയിട്ട് വിളിക്ക്. Okay ബൈ."

അപ്പോഴേക്കും അഭി കുളിച്ച് തോർത്തുമുടുത്ത് ബാത്‌റൂമിൽ നിന്നുമിറങ്ങിയിരുന്നു.

"ഏട്ടനാണോ അമ്മേ, എത്തിയോ?"

-"അവനെത്താറായി , നീ വേഗം