Chapter Title : ലോകാവസാനത്തിലെ പ്രണയിനികൾ 1 [സിനിമാക്കാരൻ]

appocalyptic lovers (ലോകാവസാനത്തിലെ പ്രണയിനികൾ) - സിനിമാക്കാരൻ

കേരളത്തിലെ ശാന്തവും സുന്ദരവുമായ ഒരു ഗ്രാമത്തിൽ, മനോഹരമായ ഒരു വേനൽക്കാല പ്രഭാതമായിരുന്നു അത്. സൂര്യൻ ജ്വലിച്ചു നിൽക്കുന്നു, ആകാശത്ത് വെള്ളമേഘങ്ങൾ ഒഴുകിനടക്കുന്നു, ചെറിയൊരു തണുത്ത കാറ്റും വീശുന്നുണ്ട്. വരാനിരിക്കുന്ന വലിയൊരു ദുരന്തത്തെക്കുറിച്ച് ഓർക്കാൻ പോലും പറ്റാത്തത്ര ശാന്തമായിരുന്നു ആ ദിവസം.

അമിത എന്ന പെൺകുട്ടി ജോലിയിൽ മുഴുകി ഇരിക്കുകയാണ്. ലോകാവസാനത്തിൽ നിന്നും രക്ഷനേടാനായി നിർമ്മിച്ചിരിക്കുന്ന, ബോംബുകളെ പ്രതിരോധിക്കാൻ ശേഷിയുള്ള ഒരു ഭൂഗർഭ ബങ്കറിനുള്ളിൽ അവശ്യവസ്തുക്കളുടെ പെട്ടികൾ പെറുക്കി വെക്കുകയായിരുന്നു അവൾ. ആ സാധനങ്ങൾ ഉടൻ തന്നെ ആവശ്യമായി വരും. ഭൂമിയിലേക്ക് അടുത്തുവരുന്ന ഒരു ഉൽക്കയെക്കുറിച്ച് നാസയിലെ ശാസ്ത്രജ്ഞന്മാർ ലോകമെമ്പാടും മുന്നറിയിപ്പ് നൽകിയിരുന്നു. ഏതാനും ദിവസങ്ങൾക്കുള്ളിൽ ഭൂമിയിൽ പതിക്കുമെന്ന് പ്രവചിക്കപ്പെട്ടിരിക്കുന്ന ആ ഉൽക്ക വന്ന് വീഴാൻ സാധ്യതയുള്ളത് ഇന്ത്യയുടെ തെക്കേ അറ്റത്തുള്ള കേരളം പോലുള്ള ഏതെങ്കിലും പ്രദേശത്തായിരിക്കുമെന്നായിരുന്നു കണക്കുകൂട്ടലുകൾ.

അതുകൊണ്ടുള്ള ആഘാതം ഭൂമിയിലെ ജനസംഖ്യയുടെ വലിയൊരു ഭാഗത്തെ ഇല്ലാതാക്കും. ശക്തമായ സ്‌ഫോടനവും അതിനെത്തുടർന്നുണ്ടാകുന്ന ഭൂചലനങ്ങളുമാണ് ആദ്യഘട്ടത്തിൽ ജീവനപഹരിക്കുക. ഉൽക്ക പതിച്ച സ്ഥലത്തുനിന്ന് അന്തരീക്ഷത്തിലേക്ക് ഉയർന്നുവരുന്ന വലിയ അളവിലുള്ള പൊടിയും പുകയും കാരണം ദീർഘകാലത്തേക്ക് സൂര്യവെളിച്ചം കാണാൻ കഴിയാതെ വരും. അത് ലക്ഷക്കണക്കിന് ആളുകളുടെ മരണത്തിന് കാരണമാകും. കൃഷികൾ പൂർണ്ണമായി നശിക്കുന്നതിനാൽ ലോകമെമ്പാടും കടുത്ത പട്ടിണി ഉണ്ടാകുമെന്നും പ്രതീക്ഷിക്കപ്പെട്ടു.

നിരവധി സർക്കാരുകളും സ്വകാര്യ സംഘടനകളും ചില കോടീശ്വരന്മാരും, ദുരന്തത്തെ അതിജീവിക്കുന്നവർക്ക് വേണ്ടിയുള്ള ഭക്ഷണസാധനങ്ങളും മറ്റും സുരക്ഷിതമായ രഹസ്യ കേന്ദ്രങ്ങളിൽ ശേഖരിക്കുന്നുണ്ടായിരുന്നു. അത്തരത്തിൽ ഉൽക്ക വീഴ്ചയെ അതിജീവിക്കാൻ പദ്ധതിയിട്ട ഒരു ധനികനായിരുന്നു അരുൺ. ബോംബ് പ്രത്യാഘാതങ്ങളെ പ്രതിരോധിക്കാൻ കഴിയുന്ന ഒരു വലിയ ബങ്കർ