Chapter Title : ലോകാവസാനത്തിലെ പ്രണയിനികൾ 1 [സിനിമാക്കാരൻ]

അരുൺ തനിക്കായി വലിയ തുക ചെലവഴിക്കുന്നത് കണ്ട് അമിത അത്ഭുതപ്പെട്ടു. അവൾ ചോദിച്ചപ്പോൾ അവൻ ചിരിച്ചുകൊണ്ട് പറഞ്ഞു, “നമ്മൾ ഇനി ഒന്നിച്ചാണ് ജീവിക്കാൻ പോകുന്നത്. എന്റെ പെണ്ണ് കാണാൻ ഏറ്റവും സുന്ദരിയായിരിക്കണം എന്ന് എനിക്ക് നിർബന്ധമുണ്ട്.”

അവർ ഷോപ്പിംഗ് കഴിഞ്ഞ് പുറത്തിറങ്ങാൻ നോക്കിയപ്പോഴാണ് വലിയൊരു പ്രശ്നം ഉണ്ടായത്. സെക്യൂരിറ്റിയുടെ ഭാഗമായി മാളിലെ എല്ലാ കൗണ്ടറുകളും ഒന്നിച്ച് പൂട്ടിയിരുന്നു. ആയുധധാരികളായ കുറച്ചുപേർ അവിടെ കാവൽ നിൽക്കുന്നുണ്ടായിരുന്നു. ക്യാഷ്യർ പണമോ ക്രെഡിറ്റ് കാർഡോ വാങ്ങാൻ തയ്യാറായില്ല. “ഹേയ് സുഹൃത്തേ, ഈ സാധനങ്ങൾക്കൊന്നും ഇനി രണ്ടു ദിവസത്തിനപ്പുറം ഒരു വിലയുമില്ല. നിങ്ങളുടെ കൈവശം വേറെ എന്താണുള്ളത്?”

അമിത പരിഭ്രാന്തയായി, എന്നാൽ അരുൺ ചിരിച്ചുകൊണ്ട് തന്റെ അരയിലെ ബെൽറ്റിൽ നിന്ന് സ്വർണ്ണ നാണയങ്ങളും വെള്ളിയും എടുത്തു കൊടുത്തു.

“ഓ വൗ! എനിക്ക് നല്ലൊരു ബോയ്ഫ്രണ്ടിനെയാണല്ലോ കിട്ടിയിരിക്കുന്നത്.”

അവളുടെ സംസാരം കേട്ട് അരുൺ ചിരിച്ചു. “ഇതിലും രസകരമായ കാര്യം നമ്മൾ സുരക്ഷിതമായി വീട്ടിൽ എത്തുന്നതാണ്. നിന്റെ കൈവശമുള്ള പാക്കറ്റുകളൊക്കെ നീ പിടിക്കണം. എന്റെ കൈകൾ എനിക്ക് ഫ്രീയായി വെക്കേണ്ടതുണ്ട്. നേരം വൈകി, ഞാൻ പറഞ്ഞ ആ കൊള്ളക്കാരൊക്കെ പുറത്തിറങ്ങിയിട്ടുണ്ടാകും.ലെറ്റസ്‌ ഗോ ഡിയർ ”

തുടരണോ ?