Chapter Title : അർച്ചനയുടെ പൂങ്കാവനം 16 [Story like]

പറഞ്ഞ് ഒഴിഞ്ഞ് മാറുകയായിരുന്നു പതിവ്... അനുവിനെ കണ്ട് ആൽബിന്റെ മുഖത്ത് സന്തോഷം വരുന്നത് കണ്ടപ്പോൾ ആയിഷക്ക് മനസിലായി.. കോളേജിലെ പല തരുണീ മണികളും പിന്നാലെ നടന്നിട്ടും.. ആരോടും തോന്നാത്ത ഇഷ്ടം അനുവിനോട് അവന് തോന്നിതുടങ്ങിയിട്ടുണ്ടെന്ന്.... അവന്റെ ചങ്കിലേക്ക് അവൾപടർന്നു കഴിഞ്ഞെന്ന്... അനുവിനും അവനോട് ഒരു പ്രത്യേക താല്പര്യം ഉണ്ടെന്ന് ആയിഷക്ക് പലപ്പോഴും.. തോന്നിയിട്ടുണ്ട്.. അത്രയധികം അടുത്താണ് അനു ആൽബിനോടും പെരുമാറിയിരുന്നത്.. അനു അവരുടെ അടുത്തേക്ക് വന്നപ്പോൾ ആൽബിച്ചൻ മനഃപൂർവം അവളെയൊന്നു മൈൻഡ് പോലും ചെയ്തില്ല... അനുവിന് അത് ചെറിയ സങ്കടം തോന്നിയെങ്കിലും... അവൾ നേരേ ആയിഷയോടും ശ്രേയയോടുമൊക്കെ സംസാരിച്ച് നിന്നു...

അനുവും. ആൽബിയും തമ്മിൽ മിണ്ടാതെ നിൽക്കുന്നത് അവളുമാർ രണ്ടും ശ്രദ്ധിക്കുന്നുണ്ടായിരുന്നു... എന്നാ നിങ്ങളിവിടെ നിക്ക് ഞങ്ങൾ പോകുവാണെന്നും പറഞ്ഞ് അനുവിനെയും ആൽബിയെയും തനിച്ചാക്കി അവർ അവിടുന്നും പോയി... അപ്പൊഴും തന്നോട് സംസാരിക്കാതെ ആൽബിൻ സിഗററ്റ് എടുത്ത് കത്തിക്കുന്നത് കണ്ട് അവളവന്റെ അടുത്തേക്ക് ചെന്നു... അവൻ തന്നോട് സംസാരിക്കില്ലാന്ന വാശിയിൽ നിക്കുന്ന പോലെ അവൾക്ക് തോന്നി... അതേ വാശി താനും കാണിച്ചു അവനെ സങ്കടപെടുത്താൻ അവൾക്കാകുമായിരുന്നില്ല... എന്താ ആൽബിച്ച.. ഒരു മൈൻഡും ഇല്ലാതെ നിക്കുന്നേ...

ഓ നിനക്കല്ലേ എന്നെ മൈന്ഡ് ഇല്ലാത്തത്.. ഇവിടുന്ന് പോയിട്ട് ഇത്രയും ദിവസമായിട്ടും നിനക്കെന്നെ ഒന്നു വിളിക്കാൻ പോലും പറ്റില്ലാരുന്നല്ലോ.... കണ്ട കിളവന്മാരെയൊക്കെ കിട്ടിയപ്പോൾ നമ്മളെ വേണ്ടാതായല്ലേ... കാര്യമറിയാതെ അവനതു പറഞ്ഞതും ദേഷ്യവും സങ്കടവും കൊണ്ട് അവളുടെ കണ്ണുകൾ നിറഞ്ഞു.. ആൽബിച്ചൻ എന്നെ കുറിച്ച് അങ്ങനെയാണോ.. കരുതിയേക്കുന്നേ... എന്റെ ഫോൺ പോയതും കൊണ്ടാ ഞാൻ വിളിക്കാതിരുന്നത്.... എന്നിട്ടും ഇവിടെ എത്തിക്കഴിഞ്ഞ് ആദ്യം ഞാൻ ആൽബിച്ചനെയ വിളിച്ചത് അറിയോ... ആയിഷയിത്താട് ചോദിച്ചു നോക്കൂ ആൽബിച്ചനെയും തിരക്കി ഞാൻ വിളിച്ചോന്ന്... അവളുടെ കണ്ണുകൾ എപ്പോൾ നിറഞ്ഞൊഴുകാൻ തുടങ്ങി.. വേറെ ആരേലും കാണുമ്പോൾ ഞാൻ ആൽബിച്ചനെ മറക്കുമെന്നാണോ കരുതിയേക്കുന്നേ... എന്നെ അത്രേ മനസിലാക്കിയിട്ടുള്ളല്ലേ... എന്റെ പൊന്നേ ഞാൻ അറിയാതെ പറഞ്ഞതാ... സോറിയെന്നും പറഞ്ഞ് അനുവിന്റെ കയ്യിൽ പിടിക്കാൻ പോയതും അവൾ ഞാൻ പോകുവാന്നും പറഞ്ഞ് കൈ തട്ടിമാറ്റി... അവനവളുടെ കൈയിൽ വീണ്ടും പിടിച്ചു വലിച്ച് തന്നിലേക്കടുപ്പിച്ചൂ...

എന്നെ വിട്ടിട്ട്