Chapter Title : അർദ്ധപ്രാണസഖി 2 [Lee child]

തല്ലിക്കെടുത്തുന്ന ഒരു നിമിഷം പ്ലസ് ടു പരീക്ഷ കഴിഞ്ഞ ദിവസങ്ങളിൽ എനിക്കായി കാത്തിരിപ്പുണ്ടായിരുന്നു.

​ഒരു ദിവസം വൈകുന്നേരം, ട്യൂഷൻ കഴിഞ്ഞ് ഞാൻ വരുണിന്റെ കൂടെ സൈക്കിളിൽ വരികയായിരുന്നു. വീടിന് കുറച്ചകലെ എത്തിയപ്പോൾ വിശ്വനാഥന്റെ കാർ റോഡരികിൽ പാർക്ക് ചെയ്തിരിക്കുന്നത് കണ്ടു. സാധാരണ അയാൾ വീട്ടുമുറ്റത്താണ് കാർ ഇടാറുള്ളത്, ഇവിടെ എന്തിനാണ് നിർത്തിയിരിക്കുന്നത് എന്ന് ഞാൻ അത്ഭുതപ്പെട്ടു.

​ഞാൻ വരുണിനോട് അവിടെ നിൽക്കാൻ പറഞ്ഞു പതുക്കെ കാറിനടുത്തേക്ക് നടന്നു. കാറിന്റെ ചില്ലുകൾ കറുത്തതായിരുന്നു, പക്ഷേ പുറകിലെ സീറ്റിലെ അനക്കം എനിക്ക് മനസ്സിലാക്കാമായിരുന്നു. ഞാൻ പതുക്കെ ചില്ലിനടുത്തേക്ക് നീങ്ങിനിന്നു.

​അകത്ത് ഞാൻ കണ്ട കാഴ്ച എന്റെ ഹൃദയം നുറുക്കുന്നതായിരുന്നു...

​വിശ്വനാഥന്റെ മടിയിൽ എന്റെ അമ്മ ഇരിക്കുന്നു. എന്റെ അച്ഛനെ ചതിച്ചവരുടെ രക്തം വീണ അതേ കൈകൾ കൊണ്ട് അയാൾ എന്റെ അമ്മയെ പുണരുകയായിരുന്നു. അമ്മയുടെ കണ്ണുകൾ അടഞ്ഞിരുന്നു, മെല്ലെ അവരുടെ ചുണ്ടുകൾ കൂട്ടിമുട്ടി…​ഞാൻ അവിടെ തറഞ്ഞുനിന്നുപോയി. എന്റെ കണ്ണുകൾ നിറഞ്ഞു. എന്നെക്കാൾ വേദനിച്ചത് എന്റെ കൂടെ വന്ന വരുണിനായിരുന്നു. അവൻ ഓടിവന്ന് എന്റെ കൈ പിടിച്ചു മാറ്റി.

​വരുൺ (വിറയ്ക്കുന്ന ശബ്ദത്തിൽ): "ദേവാ... വേണ്ട. ഇത് നീ കാണണ്ട. നമുക്ക് പോകാം..."

​പക്ഷേ ഞാൻ അനങ്ങിയില്ല. വിശ്വനാഥൻ അമ്മയുടെ കഴുത്തിൽ ചുംബിക്കുമ്പോൾ അമ്മയുടെ ചുണ്ടുകളിൽ വിരിഞ്ഞ ആ ചിരി... അത് എന്നെ നോക്കി പരിഹസിക്കുന്നതുപോലെ തോന്നി.ലോകത്തുള്ള ഒരാളെയും വിശ്വസിക്കാൻ പറ്റാത്ത അവസ്ഥ….

അന്ന് വൈകുന്നേരം വരുൺ എന്റെ അടുത്തേക്ക് വന്നത് വല്ലാതെ പരിഭ്രമിച്ചുകൊണ്ടായിരുന്നു. അവന്റെ കയ്യിൽ പഴയൊരു ഫോട്ടോ ഉണ്ടായിരുന്നു. അവന്റെ അച്ഛൻ പണ്ട് പങ്കെടുത്ത ഏതോ ഒരു ബിസിനസ് പാർട്ടിയുടെ ചിത്രമാണത്.

​"ദേവാ... ഇത് നോക്ക്," അവൻ ഫോട്ടോ എന്റെ നേരെ നീട്ടി.

​ആ ഫോട്ടോ കണ്ടതും എന്റെ ശ്വാസം നിലച്ചുപോയി.

അതിൽ വിശ്വനാഥും എന്റെ അമ്മയും അത്രമേൽ അടുത്താണ് നിൽക്കുന്നത്. വിശ്വനാഥൻ അമ്മയുടെ അരക്കെട്ടിലൂടെ കൈ ചുറ്റി അവളെ ചേർത്തുപിടിച്ചിട്ടുണ്ട്. അമ്മയുടെ വയർ അന്ന് നന്നായി തള്ളി നിൽക്കുന്നുണ്ടായിരുന്നു…. അവർക്ക് തൊട്ടടുത്തായി ഒരു ആൺകുട്ടിയും ഒരു പെൺകുട്ടിയും നിൽക്കുന്നു. അവർ വിശ്വനാഥന്റെയും ശാലിനിയുടെയും മക്കളാണെന്ന് ആ മുഖത്തെ സാമ്യം