Chapter Title : അർത്ഥം അഭിരാമം 1 [കബനീനാഥ്]

അപ്പൻ ഉള്ളതെല്ലാം അടിച്ചു മാറ്റിയിട്ടാ ഞാനിത്ര പിശുക്കിയായേ ...."

അതിന് അജയ് മറുപടി പറഞ്ഞില്ല ... സത്യം അവനും അറിയാമായിരുന്നു ...

"നീ ഒരു സ്ഥലം പറ.... "

അവന്റെ കവിളിൽ തലോടി അവൾ പറഞ്ഞു ...

"കാശ് ചിലവാകരുത്.. ദൂരെയാവുകയും വേണം ... പൊന്നമ്മേ., ഞാനില്ല പറയാൻ ... "

അവൻ പിണക്കം ഭാവിച്ചു ..

"നീ പറഞ്ഞു നോക്ക് ... "

പെട്ടെന്ന് അജയ് ചാടിയെഴുന്നേറ്റു .

" ഒരു സ്ഥലമുണ്ട് അമ്മാ...."

"എവിടെ ....?" അവൾ ഉദ്വിഗ്നയായി ...

" സംഗതി നടക്കുമോന്നറിയില്ല ... "

" നടക്കാത്ത കാര്യം പറയണ്ട ... " അവളുടെ ഉദ്വേഗം അസ്തമിച്ചു.

" ജസ്റ്റ് മിനിറ്റ് ... "

അജയ് ഫോണെടുത്തു ...

" ഞാൻ മുൻപ് വന്നപ്പോൾ അമ്മയോട് ഒരു ജൂനിയർ ചെക്കന്റെ കാര്യം പറഞ്ഞിട്ടില്ലേ ...?" ഫോണിൽ ആരെയോ തിരയുന്നതിനിടയിൽ അവൻ പറഞ്ഞു.

"ആര് ...?"

" ക്ലീറ്റസ് ഡേവിഡ് എബ്രഹാം ... "

നീളമുള്ള ആ പേര് കേട്ടപ്പോൾ തന്നെ അവൾക്ക് കാര്യം ഓർമ്മ വന്നു ...

എൻ ആർ ഐ ഫാമിലിയിലെ ചെക്കൻ.

" അവന്റെ ഒരു വീടും സ്ഥലവും ഒഴിഞ്ഞു കിടപ്പുണ്ട് ... ഞങ്ങൾ ഈ പ്രാവശ്യം വെക്കേഷൻ അവിടെയാക്കിയാലോന്ന് ആലോചിച്ചതാ ..."

"എവിടെയാ സ്ഥലം ...?"

" വട്ടവട ... "

" വട്ടവടയോ ...?"

"അതേ മ്മാ ...."

" ഞാൻ ഒന്ന് വിളിച്ചു നോക്കട്ടെ ... അവന് നൈറ്റ് ആണെങ്കിൽ രക്ഷപ്പെട്ടു ... "