Chapter Title : അശ്വതി എന്റെ ഭാര്യ [Train Journey 1] [Subin]

ഗോപുവിനെ അവൾ പടിവാതിൽക്കൽ വെച്ച് തന്നെ അമർത്തി പുണർന്നു.. ഞൊടിയിൽ അവന്റെ കവിളുകളിലും ചുണ്ടിലും തുരുതുരെ ഉമ്മ വെച്ചവൾ കണ്ണീർ പൊടിച്ചു.. പരിസരം നോക്കാതെയുള്ള അവളുടെ ആ സ്നേഹാലിംഗനത്തിൽ അവൻ ഒന്ന് പരുങ്ങി ചുറ്റും നോക്കി.. "ഹോ ഭാഗ്യം ആരും കണ്ടില്ല"..

അവളുടെ നെറുകയിൽ ഉമ്മവെച്ചവൻ വികാരധീനനായി പറഞ്ഞു "സൂക്ഷിച്ചു പോയി വാ മോളേ"...

==================================

കെ ആർ പുരം റെയിൽവേ സ്റ്റേഷൻ:

ടാക്സിക്ക് കാശും കൊടുത്ത് അവർ സ്റ്റേഷനുള്ളിൽ കടന്നു.. ഗോപു ട്രാവൽ ബാഗ് ഒരു തോളിൽ ഇട്ടു, ട്രോളി ബാഗ് ഉരുട്ടി മുന്നിൽ നടന്നു.. വലത്തേ തോളിൽ കുഞ്ഞ് നന്ദുവിനെ കിടത്തി ഇടത്തെ തോളിൽ ലേഡീസ് ഹാൻഡ്‌ബാഗും തൂക്കി, കൈയിൽ ഒരു കുപ്പി വെള്ളവുമായി അശ്വതി ഗോപുവിന് പിന്നാലെ നടന്നു..

പ്രവർത്തി ദിവസമായതിന്നാലും നട്ടുച്ച നേരമായതു കൊണ്ടും തിരക്ക് തീരെ കുറവാണ് സ്റ്റേഷനിൽ...സ്പെഷ്യൽ ട്രെയിൻ അവിടുന്ന് തന്നെ തുടങ്ങുന്നത് കൊണ്ടും, അഞ്ചു പ്ലാറ്റ്ഫോം മാത്രമുള്ള ആ സ്റ്റേഷന്റെ അപ്പുറത്തെ തലക്കലാണ് ട്രെയിൻ നിറുത്തിയിട്ടിരിക്കുന്നത്.. അവർ നടപ്പാലം കേറിയിറങ്ങി തളർന്നു കിതച്ചു ട്രെയിനിനരികിലെത്തി..

സ്പെഷ്യൽ വണ്ടി ആയത് കൊണ്ട് കോച്ചുകൾ കുറവാണ്.. പിറകിലായിയാണ് 3 Tire AC..

എഞ്ചിനരികിലെ 3 ജനറൽ കമ്പാർട്മെന്റ് മറികടന്ന് പിന്നിലേക്ക് നടന്നവർ അതിശയിച്ചു..ആകെ വിരലിൽ എണ്ണാവുന്ന പോലെ കുറച്ചു പേർ മാത്രം.. 3-4 തമിഴന്മാർ പുറത്തു നിന്ന് സൊറ പറയുന്നു .. ഉള്ളിൽ കുറച്ചുപേർ സീറ്റുകളിൽ ഇരിപ്പുണ്ട് അതിൽ മലയാളികൾ ഉണ്ടാവാം...

"ഏട്ടോ.. ദന്നെയല്ലേ ട്രെയിൻ?" പിന്നിൽ നടക്കുന്ന അശ്വതി ചിരിച്ചുകൊണ്ട് തന്റെ സംശയം കളിയായി ചോദിച്ചു..

ആ ചോദ്യം