Chapter Title : അടച്ചിട്ട മുറിയിലെ രഹസ്യം 2 [CA Topper]

നോട്ടത്തിൽ ഒരുതരം ആദരവും ഒപ്പം ഉള്ളിൽ അരിച്ചുകയറുന്ന ഒരു വന്യതയുമുണ്ടായിരുന്നു. "നിങ്ങൾ ടൂറിസ്റ്റ് ആണല്ലേ? എങ്ങോട്ടാ താമസിക്കാൻ പ്ലാൻ ചെയ്യുന്നത്?"

സംഗീത് വണ്ടിയുടെ ഗ്ലാസ് താഴ്ത്തി പറഞ്ഞു, "ഇവിടെ അടുത്തുള്ള ഏതെങ്കിലും ഒരു ഹോട്ടലിൽ നോക്കാം എന്ന് വിചാരിക്കുന്നു, സാർ."

പ്രസാദ് ഒന്ന് ചിരിച്ചു, എന്നിട്ട് പറഞ്ഞു, "ഹോട്ടലുകളൊക്കെ ഈ സീസണിൽ ഭയങ്കര തിരക്കായിരിക്കും. പിന്നെ അത്ര സുഖകരവും ആയിരിക്കില്ല. എനിക്കിവിടെ ഒരു 20 ഏക്കർ തോട്ടവും നല്ലൊരു ബംഗ്ലാവുമുണ്ട്. ഇടയ്ക്ക് റിലാക്സ് ചെയ്യാൻ ഞാൻ വരാറുണ്ട്. അവിടെ നല്ല സൗകര്യങ്ങളുണ്ട്, പാചകം ചെയ്യാനും മറ്റും ആളുണ്ട്. ഒരു ദിവസം കഴിഞ്ഞാൽ ഞാൻ തിരിച്ചുപോകും. നിങ്ങൾക്ക് വേണമെങ്കിൽ അവിടെ താമസിക്കാം, ഹോട്ടലിനെക്കാളും എത്രയോ നല്ലതാണ്."

സംഗീതിന്റെ കണ്ണുകൾ വിടർന്നു. 'ഫ്രീ താമസം!' പിശുക്കനായ അവന് ഇതിലും വലിയൊരു അവസരം കിട്ടാനില്ലായിരുന്നു.

"അത് വലിയൊരു ഉപകാരമായിരിക്കും സാർ. പക്ഷേ ഞങ്ങൾക്ക് അത് ബുദ്ധിമുട്ടാവില്ലേ?" സംഗീത് ചോദിച്ചു.

"ഒട്ടും ബുദ്ധിമുട്ടില്ല. എന്റെ ബംഗ്ലാവ് എപ്പോഴും ഒഴിഞ്ഞു കിടക്കുകയാണ്. അത് വൃത്തിയായിരിക്കണം എന്ന് മാത്രമേ എനിക്കുള്ളൂ. നിങ്ങൾക്കവിടെ എത്ര ദിവസം വേണമെങ്കിലും നിൽക്കാം," പ്രസാദ് വളരെ ലാഘവത്തോടെ പറഞ്ഞു.

സ്വാതി ഇത് കേട്ട് അല്പം അസ്വസ്ഥതയോടെ പ്രസാദിനെ നോക്കി. അയാളുടെ കണ്ണുകൾ സംഗീതിന്റെ മുഖത്തല്ല, മറിച്ച് തന്റെ ശരീരത്തിന്റെ ഓരോ വളവുകളിലും തറഞ്ഞു നിൽക്കുന്നത് അവൾ കൃത്യമായി കണ്ടു. സംഗീത് ആ താല്പര്യത്തിന്റെ പിന്നിലെ കാമന തിരിച്ചറിഞ്ഞില്ലെങ്കിലും, സ്വാതിക്ക് അത് വ്യക്തമായിരുന്നു.

"സംഗീതേ... നമ്മൾ ശരിക്കും അങ്ങോട്ട് പോകണോ?" സ്വാതി മെല്ലെ ചോദിച്ചു.

സംഗീത് അവളെ നോക്കി കണ്ണ് ചിമ്മി കാണിച്ചു.