Chapter Title : അടയാളങ്ങൾ [സിമോണ]

കേൾക്കും വിധം അല്പം ഉറക്കെത്തന്നെ പറഞ്ഞുകൊണ്ട് അവൾ അവനോടായി തുടർന്നു...

"......അമ്മയ്ക്ക് വയ്യാതിരിക്കുവാണേ.... ആയിഷ പറഞ്ഞിരുന്നില്ലേ...
അത് കാരണം ഇപ്പൊ റൂമിൽ നിന്ന് അങ്ങനെ പുറത്തിറങ്ങാറില്ല...
സന്ദർശകരെ ആരെയും ഞങ്ങൾ മുറിയിലേക്ക് കയറ്റാറുമില്ല....
ഞാൻ മാത്രമേ അമ്മേടെ അടുത്ത് പോകൂ...
റിയാസ് ഇവിടെ നിന്ന് കണ്ടോളു ട്ടോ.... അകത്ത് കയറേണ്ട...
അല്ല.... ഈ കൊറോണ പ്രോബ്ലെംസ് ഒക്കെ കാരണമാണേ....
പാവം!!!...
അല്ലെങ്കിൽ വീട്ടിൽ വിരുന്നുകാരൊക്കെ വന്നാൽ എല്ലാ കാര്യങ്ങൾക്കും അമ്മ തന്നെയാ മുന്നിൽ നിൽക്കാറ്... ഭയങ്കര അതിഥിസൽക്കാരപ്രിയ ആണേ...
ഇപ്പൊ പിന്നെ നമ്മൾ ശ്രദ്ധിക്കണമല്ലോ...
അതുകൊണ്ടാ ട്ടോ... 'അമ്മ പുറത്തു വരാത്തതെ...
അമ്മയോടൊന്നും തോന്നല്ലേ!!!!!!!!!...."

പുറത്തുനിന്ന് മരുമകളുടെ കരുതലോടെയുള്ള സംസാരം കേട്ട അമ്മായിയമ്മയുടെ പാതി തളർന്ന ശരീരം അഭിമാനംകൊണ്ട് പൂത്തുലഞ്ഞു...
തന്റെ മകന് ഇത്ര ശ്രദ്ധയുള്ള ഒരു പെണ്ണിനെ ഭാര്യയായി ലഭിച്ചതിൽ അവർ മനസ്സാ ദൈവത്തിനു നന്ദി പറഞ്ഞു...

പാവം ദൈവം!!!!...
ഇളിഭ്യത മൂലം സ്വർഗ്ഗത്തിലിരുന്ന് തന്റെ ജടപിടിച്ച തലമുടിയിൽ കൈകൾ കടത്തി മാന്തിപ്പറിച്ചു...

കൊറോണയെ വിട്ട് ലോകത്തിന്റെ സകല കോണിലെ ജനങ്ങളെയും പാഠം പഠിപ്പിച്ചെന്ന അഹങ്കാരത്തിൽ സ്വർഗ്ഗത്തിലിരുന്നു അൽഫഹാം ചിക്കനും കുഴിമന്തിയും കടിച്ചുപറിച്ച് ഐ പി എല്ലും കണ്ട് പല്ലിടകുത്തി ഗ്വാ ഗ്വാ വിളിക്കുമ്പോൾ, കൊറോണയെ വിറ്റ കാശുകൊണ്ട് എഗ്ഗ് ബീറ്റർ വാങ്ങി യു ട്യൂബ് വഴി കേക്ക് കച്ചോടം നടത്തുന്ന വമ്പൻ മലയാളി സ്രാവുകൾ വരെ ഭൂമിയിലുണ്ടെന്ന കാര്യം പുള്ളിക്കാരൻ അത്രക്കങ്ങോട്ട് ഓർത്തില്ലായിരുന്നു....

ഇത്രയും കരുതലോടെ ഉന്നം വെച്ചുവിട്ട മഹാമാരിവൈറസിനെ ഈ ചീളുപെണ്ണ് വെറുമൊരു കള്ളവെടി ബ്രോക്കറാക്കി മാറ്റുന്നത് കണ്ടപ്പോൾ നാണക്കേടുകൊണ്ട് പോയി ആത്മഹത്യ ചെയ്‌താലോ എന്നുപോലും പുള്ളിക്കാരൻ ചിന്തിച്ചുപോയി...

"......ആരാ കുട്ട്യേ അവിടെ…
ആയിഷമോൾടെ ആങ്ങളക്കുട്ടി വന്ന്വോ????
ഒന്നു സ്വീകരിക്കാൻ പോലും വയ്യാണ്ടായല്ലോ നിക്ക്…
ന്റെ കാവിലമ്മേ???..."

തീർത്തും ഇഴഞ്ഞ സ്വരത്തിൽ, ആറന്മുള പൊന്നമ്മയെ അനുസ്മരിപ്പിക്കും വിധം അകത്തുനിന്ന് അമ്മായിയമ്മയുടെ മറുപടി കേട്ടപ്പോൾ രമ്യ അന്തിച്ചുപോയി...

"......ഹെന്റമ്മോ... എന്തൊരു മിമിക്രി!!!!...."
മനസ്സിൽ പറഞ്ഞുകൊണ്ട് അവൾ ചുണ്ടു കടിച്ച് ചിരിയമർത്തി...

"......ആ അമ്മേ... 'അമ്മ കിടക്കുവാണോ...
ഞാൻ വാതിലൊന്ന് തുറക്കട്ടെ... റിയാസിന് അമ്മയെയൊന്ന് കാണണമെന്ന് പറഞ്ഞേ...