Chapter Title : അവൾ എന്റെ കാമുകി 2 [Sulthan]

എന്നോട് ചേർന്നിരുന്ന് എന്നെ കെട്ടിപ്പിടിച്ചെങ്കിൽ എന്നൊക്കെ ഒരു നിമിഷം കൊണ്ട് ആശിച്ചു പോയി.അവൾ ഒന്നും സംസാരിക്കുന്നില്ല.ഇനി ഇങ്ങനെ ഇരുന്നാൽ ശെരിയാവില്ല എന്നു തോന്നിയിട്ട്.ഞാൻ തന്നെ അങ്ങോട്ട് ചോദിച്ചു.

: നീ എന്താ മൂഡോഫായി ഇരിക്കുന്നത്. എന്തേലും പ്രശ്നം ഉണ്ടോ.

: ഒന്നുമില്ല. നീ വേഗം പോകാൻ നോക്ക് സമയം ഇപ്പൊ തന്നെ വൈകി.

അവളുടെ ശബ്‌ദം ഇടറിയിരുന്നു. കണ്ണാടിയിൽ കൂടി നോക്കിയപ്പോൾ കണ്ണ് കലങ്ങിയിട്ടുണ്ട്. ഇനി എന്തെങ്കിലും ചോദിച്ചാൽ ചിലപ്പോൾ അവൾ കരഞ്ഞു പോകുമെന്ന് തോന്നി. അതുകൊണ്ട് ഞാൻ ഒന്നും ചോദിച്ചില്ല. അവൾക്ക് തോന്നുമ്പോൾ പറയട്ടെ. പിന്നെ ഞാൻ ഒരാളെയും ഒന്നിനും നിർബന്ധിക്കാറില്ല അവർക്ക് ആഗ്രഹമുണ്ടെങ്കിൽ ചെയ്യട്ടെ എന്നെ വിചാരിക്കാറുള്ളു. വണ്ടി പാർക്ക്‌ ചെയ്ത് അവളെയും കൂട്ടി ക്ലാസ്സിലേക്ക് നടന്നു. അവൾ ഒന്നും മിണ്ടുന്നില്ല.ക്ലാസ്സിൽ പോയി ബാഗ് വച്ച് പുറത്തേക്കിറങ്ങി. ഞാൻ മാത്രം അവൾ വന്നില്ല. ഇന്ന് കുട്ടികൾ കുറവാണ് കാരണം ഇന്ന് വെള്ളിയാഴ്ചയാണ്. എവിടെന്നും ഇല്ലാത്ത ഒരു പ്രതേക മടി എല്ലാരിലും എത്തുന്ന ഒരു പ്രതേക ദിവസം. ഞാനും ഏറെക്കുറെ അങ്ങനെയാണ് കേട്ടോ. ഇന്ന് വന്നു മാളൂനെ കാണാലോ എന്നോർത്തിട്ട്. ഒരു സംശയം ഞാൻ എന്തിനാ അവളെ കാണാൻവേണ്ടി വരുന്നത്. ഇനി വല്ല പ്രേമവും ആയിരിക്കുവോ. ഏയ് അങ്ങനെ ഒന്നും ആവാൻ വഴിയില്ല. ഇനി ചിലപ്പോൾ. ഇങ്ങനെ ഓരോന്ന് ആലോചിച്ച് ഒന്നോ രണ്ടോ ആളുകൾ മാത്രമുള്ള വരാന്തയിൽ കൂടി നടന്നു. നോക്കുമ്പോൾ ലൈബ്രറിയിൽ നിന്നും ഒരു ടീച്ചറാണോ അതോ വേറെ ഏതെങ്കിലും സ്ഥാനത്തുള്ളവരാണോ അത് മനസ്സിലായില്ല. എന്തായാലും എന്നെ കണ്ടതും ലൈബ്രറിയിലേക്ക് വിളിച്ചു.ഒരു 45 വയസ്സ്