Chapter Title : അവൾ എന്റെ കാമുകി 2 [Sulthan]

ക്ലാസ്സിൽ ആള് കുറവാണ്. വെള്ളിയാഴ്ചയല്ലേ. ക്ലാസ്സിൽ ടീച്ചർ വന്ന് എന്തൊക്കെയോ പഠിപ്പിച്ചു അതൊന്നും ശ്രദ്ധിക്കാനുള്ള അവസ്ഥയിൽ ആയിരുന്നില്ല ഞാൻ. അല്ലെങ്കിലും ക്ലാസ്സിൽ ശ്രദ്ധിക്കുന്നതൊക്കെ കണക്കാ. മിക്ക സമയവും ക്ലാസ്സ്‌ നടക്കും എല്ലാവരും ശ്രദ്ധിച്ചിരുന്നാലും ഞാൻ മാത്രം വേറെതെങ്കിലും ലോകത്തായിരിക്കും. ഇന്നിപ്പോൾ അവളുടെ അടുത്തുനിന്ന് ഇങ്ങനെ കേട്ടപ്പോൾ എന്റെ ചിന്തകൾ ഇവിടെ ഒന്നുമല്ലായിരുന്നു. മനസ്സ് മുഴുവൻ അവളാണ്. അവൾക്കെന്താ പറ്റിയത് ഇനി വലിയ പ്രശ്‌നം എന്തെങ്കിലും ഉണ്ടാകുവോ.അവൾ എന്തായാലും പറയാം എന്ന് പറഞ്ഞല്ലോ അതൊരു ആശ്വാസം.

ഉച്ചക്ക് ഭക്ഷണം കഴിക്കാൻ അവളെ വിളിച്ചെങ്കിലും അവൾ വന്നില്ല. ഞാൻ വിനോദിനെയും കൂട്ടി കാന്റീനിൽ പോയി കഴിച്ചു. കഴിച്ചു കൊണ്ടിരിക്കുമ്പോൾ അവനും അതാണ് സംശയം.

: മാളവികയ്ക്ക് എന്താടാ പറ്റിയത്. ഒരു ഉഷാറില്ലാത്ത പോലെ.

: എനിക്കറിയില്ല.

: നിങ്ങൾ രണ്ടും നല്ല കൂട്ടല്ലേ. ഇന്നലെ അവൾ നിന്റെ കൂടെയല്ലേ വീട്ടിലേക്ക് പോയത്.

: ആട, അവളെന്തെങ്കിലും എന്നോട് പറഞ്ഞാലല്ലേ എനിക്കറിയൂ.

: ഞാൻ വിചാരിച്ചു നിന്നോട് എന്തേലും പറഞ്ഞിട്ടുണ്ടാവുന്ന്.

: നിനക്കെങ്ങനെയാ അവളെ പരിചയം.

: അവൾ എന്റെ കൂടെ പഠിച്ചതാ.

: അല്ല ഞങ്ങൾ വിചാരിച്ചു നിങ്ങൾ തമ്മിൽ എന്തെങ്കിലും ഉണ്ടോ എന്ന്.

അവനൊരു സംശയം.

: ഞങ്ങൾ തമ്മിൽ ഒരു കോപ്പും ഇല്ല.

: നിങ്ങൾ രണ്ടുപേരുടെയും മൂഡ് ശരിയല്ലാന്ന് മനസ്സിലായി. ഞാൻ പോന്ന നീ എപ്പോഴെങ്കിലും വാ.

: എടാ നിക്ക്. ഞങ്ങൾ എന്ന് പറഞ്ഞല്ലോ. നീ അല്ലാതെ വേറെ ആർക്കാ സംശയം.

: പറയാൻ സൗകര്യം ഇല്ല. ഞണ്ണീട്ട് എണീറ്റ് ക്ലാസ്സിലേക്ക് വാ.

ഇതും