Chapter Title : അവൾ രുഗ്മിണി 5 [മന്ദന്‍ രാജാ]

അയാളുടെ മുഖത്തേക്ക് തള്ളി

...................

"'' വണ്ടിയെടുക്കടാ ..."'' ലോഡെടുക്കാൻ വന്ന ടിപ്പർ ലോറിയുടെ ഡ്രൈവറോട് സംസാരിക്കുകയായിരുന്നു രാജൻ പെട്ടന്ന് തന്റെ ട്രാക്റ്റർ സൈഡിലേക്ക് ഒതുക്കി .

"' ഇക്കാ ... റോഡ് ബ്ലോക്കാ ... "'' ടിപ്പറിന്റെ ഡ്രൈവർ ജമാലിനോട് പറഞ്ഞു

"' എന്നതാടാ പ്രശ്നം ?'''

"' ഒരു തള്ളേടെ ജഡം റോഡിൽ .. ചോരയൊഴുകുന്നുണ്ട് . വണ്ടിയിടിച്ചതാണോ അതോ കുത്തേറ്റതാണോ എന്നൊന്നുമറിയില്ല "'

"'എവിടെയാ കിടക്കുന്നെ ?''' ജമാൽ സിഗരറ്റ് ആഞ്ഞു വലിച്ചുകൊണ്ട് ബുള്ളറ്റ് വീണ്ടും സ്റ്റാർട്ട് ചെയ്തു

"' റോഡിലേക്കിറങ്ങുമ്പോ തന്നെയാ .. കോളനീൽ ഉള്ള ഏതോ സ്ത്രീയാ ' ആൾക്കാരോടി കൂടുന്നേന് മുന്നേ ഞാങ്കേറി പോന്നു "''

"'' ഹമ് "" ജമാലിന്റെ ബുള്ളറ്റ് അതിവേഗത്തിൽ പാറമടയിൽ നിന്ന് റോഡിലേക്കുള്ള വഴിയേ പാഞ്ഞു

"'മറടാ എല്ലാവനും .. മാറാൻ "' ജമാലിന്റെ മുരളുന്ന ശബ്ദം കേട്ടതും ആൾക്കാർ ചിതറി മാറി

"' വണ്ടീൽ കോണ്ടൊന്നിട്ടതാണന്നാ കണ്ടയൊരാൾ പറഞ്ഞെ ... "'

"'പോലീസിലറിയിച്ചിട്ടുണ്ട് "'' ആളുകളുടെ സംസാരം ജമാലിന്റെ ചെവിയിൽ പതിഞ്ഞു

"'ശാരദാമ്മെ ... അയ്യോ ...ശാരദാമ്മേ ..."' റോഡിൽ ചോരയൊലിപ്പിച്ച് കമിഴ്ന്നു കിടക്കുന്ന സ്ത്രീയുടെ മുഖം നേരെയാക്കി നോക്കിയ ജമാൽ അലറിക്കൊണ്ട് വിളിച്ചു .. "'ആരേലും ഇച്ചിരി വെള്ളം കൊണ്ടുവാടാ ...ഏതേലും വണ്ടി വിളിക്കടാ . വണ്ടി വിളിക്കടാ നായിന്റെ മക്കളെ "'' ജമാലിന്റെ അലർച്ച കേട്ട , പാറമടയിലേക്കുള്ള വഴിയരികിലുള്ള പെട്ടിക്കടക്കാരൻ ഒരു സോഡാ പൊട്ടിച്ചൊണ്ടോടി വന്നു .. ജമാൽ സോഡാ ശാരദാമ്മയുടെ മുഖത്തേക്കും തലയിലേക്കും ചീറ്റിച്ചു

"'ശാരദാമ്മെ...