Chapter Title : അവളുടെ ആദ്യാനുഭവം [Athirakutti]

മുഴുവൻ ടീമിന്റെയും കൂടെ സംസാരിക്കുമ്പോൾ അവൾ എന്നെ മാത്രം തുറിച്ചു നോക്കുന്നത് ഞാൻ ശ്രദ്ധിച്ചിട്ടുണ്ട്. ആദ്യമൊക്കെ ഞാൻ ചോദിക്കുമായിരുന്നു എന്താണെന്ന്. പിന്നെ പിന്നെ അത് കണ്ണുകൊണ്ടുള്ള ആംഗ്യം മാത്രമായി. അത് പിന്നെ ഒരു കള്ളാ ചിരി മാത്രമായി മാറി.

അങ്ങനെ ആ വർഷത്തെ കേരളപ്പിറവി ദിനം വന്നു. എല്ലാവരും ട്രഡീഷണൽ വേഷം ഇടാൻ ആയിരുന്നു തീരുമാനം. ഞാൻ ഉള്ളതിൽ നല്ല ഒരു കസവു മുണ്ടും മെറൂൺ ഷർട്ടും ഇട്ടായിരുന്നു വന്നത്.

അന്നാണ് ആദ്യമായി ഈ പെങ്കൊച്ചെന്റെ മനസ്സിനെ പിടിച്ചു കുലുക്കിയത്. ഒരു പച്ച നിറത്തിലുള്ള ബ്ലൗസും അതെ നിറത്തിലെ ചെറിയ കരയുള്ള കാസവുസാരിയും, മുടിയിൽ മുല്ലപ്പൂവും ചൂടി, ചന്ദനക്കുറിയും ചാർത്തി, ഒരു ചെറു പുഞ്ചിരിയോടെ അവൾ എന്റെ ജീവിതത്തിലേക്ക് കടന്നു വന്നു.

ഞാൻ ക്യാബിനിൽ എത്തിയ ഉടനെ തന്നെ എന്നും റൂമിൽ പെർഫ്യൂം അടിക്കുക പതിവാണ്. അതും ഓരോ ദിവസത്തെ മൂഡനുസരിച്ചു ഓരോ സുഗന്ധം. ഒപ്പം ഏതെങ്കിലും ഒരു പാട്ടു കേൾക്കും രാവിലെ തന്നെ. ചില ദിവസങ്ങളിൽ അത് ഭക്തി ഗാനമാവും, ചിലപ്പോൾ എഴുപതുകളിലേതോ എൺപതുകളിലേതോ ആവും.

അന്നും അതുപോലെ എന്റെ പ്രിയപ്പെട്ട പാട്ടുകളിലൊന്നായ എന്നെന്നും കണ്ണേട്ടന്റെ എന്ന സിനിമയിലെ ഒരു പാട്ടും കേട്ട് അല്പം ജാസ്മിൻ സുഗന്ധവും മുറിയിൽ അടിച്ചു, ചെറിയ തണുപ്പിൽ എസിയും ഇട്ടു ഞാൻ കസേരയിൽ അങ്ങനെ പഴയകാല ഓർമകളെ അയവിറക്കി കിടന്നു. എന്റെ സ്കൂൾ ജീവിതകാലഘട്ടത്തിലെ ആദ്യ പ്രണയവും ഒക്കെ മനസ്സിൽ കൂടി കടന്നു പോയി.

അപ്പോഴേക്കും എന്റെ ക്യാമ്പിന്റെ വാതിൽ തുറന്നു ഒരു മധുരസ്വരം. "ഗുഡ് മോർണിംഗ് സർ". ഞാൻ കണ്ണുതുറന്നു നോക്കിയപ്പോൾ അതാ മുന്നിൽ ഒരു സുന്ദര രൂപം. എന്റെ പഴയകാലങ്ങളെ തൊട്ടുണർത്തിയ ഏതോ ഒരു മുഖം പോലെ. "ഗുഡ് മോർണിംഗ് അമ്പിളി..." ഞാൻ അവളെ കണ്ണിമവെട്ടാത്ത നോക്കിക്കൊണ്ടു കസേരയിൽ നിന്നും മുന്നോട്ടാഞ്ഞു ഇരുന്നുകൊണ്ട് പറഞ്ഞു.

"സുരേഷ് സാറെന്താ എന്നെ ആദ്യം കാണുന്ന പോലെ നോക്കുന്നെ? എങ്ങനുണ്ട് എന്നെ കാണാൻ?" അവൾ ചിണുങ്ങിക്കൊണ്ടു ചോദിച്ചു. അവളുടെ കുട്ടിത്തരവും ചിണുങ്ങലുമെല്ലാം എനിക്ക് ഇഷ്ടമാണെന്നു അവൾക്കു നല്ലപോലെ അറിയാം.

"ആദ്യമായിട്ട് തന്നെയാ കൊച്ചെ