Chapter Title : അവൻ പറഞ്ഞ കഥ 3 [ജാസ്മിൻ]

സ്വിങ്സിനെ കുറിച്ചും അപ്പോൾ ഞാൻ അവൾക്ക് നൽകേണ്ട കെയറിനെക്കുറിച്ചും വിശദീകരിച്ചു തന്നതും.

എന്റെ ഹൈസ്കൂൾ കാലത്താണ് ഞങ്ങൾ മംഗലത്ത് തറവാട്ടിൽ നിന്ന് മാറി താമസിക്കാനായി ഇവിടെ വീട് വെച്ചത്. കൂട്ടുകുടുംബത്തിൽ അതേറെ വിവാദങ്ങൾക്ക് വഴിവെച്ചെങ്കിലും അമ്മയുടെ(ഇതിന്റെ രഹസ്യം വരും ഭാഗങ്ങളിൽ മനസ്സിലാകും) ഉറച്ച തീരുമാനം നടപ്പാക്കപ്പെട്ടു. അന്നുമുതൽ വല്ലപ്പോഴും വീട്ടിലെത്തുന്ന അതിഥിയുടെ റോൾ ആയി അച്ഛന്. തദ്ദേശ സ്വയം ഭരണ വകുപ്പിൽ യൂ ഡി ക്ലെർക്കായിരുന്ന അമ്മക്ക് ജോലിയും, നമ്മുടെ പഠനവും, വീട്ടു കാര്യങ്ങളുമായി കുന്നോളം പ്രശ്നങ്ങളെ അഭിമുഖീകരിക്കേണ്ടതായി വന്നിരുന്നു.അതുകൊണ്ട് തന്നെ വളരെ ചെറുതിലെ തന്നെ ഞങ്ങൾ രണ്ടുപേരും തങ്ങളുടെ കാര്യങ്ങൾ നോക്കാൻ തക്കവണ്ണം സ്വയം പര്യാപ്തരായിരുന്നു. അകന്ന ബന്ധത്തിൽ ഒരു ആന്റി കുറച്ചുകാലം ഞങ്ങളുടെ സഹായത്തിനായി എത്തിയിരുന്നെങ്കിലും ക്രമേണെ അവരുടെ ഭരണം കൊണ്ട് പൊറുതി മുട്ടിയ അമ്മ അവരോട് വരണ്ട എന്നും പറഞ്ഞു. അതിനെ തുടർന്ന് തുണിയലക്കലും വീടടിച്ചു വാരലുമൊക്കെ ഞങ്ങൾ വീതിച്ചെടുത്തു, അല്ല.., അമ്മ ഞങ്ങൾക്ക് വീതിച്ചു തന്നു..രേവതിയുടെ സ്കൂളിൽ പോക്കും വരവുമൊക്കെ സ്കൂൾ ബസിലായിരുന്നു, പുതിയ വീട്ടിൽ നിന്നും 5 മിനിറ്റ് നടക്കാനുള്ള ദൂരമേ ഞാൻ പഠിച്ചിരുന്ന സ്കൂളിനുണ്ടായിരുന്നുള്ളത് എന്നത് കൊണ്ട് എന്റെ യാത്രയൊക്കെ സൈക്കിളിലായിരുന്നു.

ഏകദേശം രേവതി എത്തുമ്പോൾ തന്നെ ഞാനും സ്കൂൾ കഴിഞ്ഞ് വീട്ടിൽ എത്തിയിട്ടുണ്ടാകും. പിന്നെയും ഒന്നര രണ്ട് മണിക്കൂർ കഴിഞ്ഞായിരിക്കും സാധാരണ അമ്മ വരിക. അപ്പോഴേക്കും രേവതി മുറ്റമൊക്കെ അടിച്ചു വിളക്ക് വെക്കുന്നതിനായുള്ള തയ്യാറെടുപ്പ് നടത്തി കഴിഞ്ഞിരിക്കും. എനിക്ക് വൈകുന്നേരങ്ങളിൽ ഉള്ള ഡ്യൂട്ടി രാവിലെ വാഷിങ് മെഷീനിൽ ഇട്ടിട്ട് പോയ വസ്ത്രങ്ങൾ വീടിന് മുകളിലെ ഓപ്പൺ ഹാളിൽ