Chapter Title : അവനിൽ നിന്നും അവളിലേക്ക് 2 [Sunoj]

അവളതു പറഞ്ഞപ്പോൾ. വലതുകയ്യുകൊണ്ടവളെ എന്നിലേക്ക്‌ ചേർത്ത് പിടിച്ചു.. ചേട്ടാ... പണ്ടിങ്ങനെ എന്നെയൊന്നു ചേർത്ത് പിടിച്ചിരുന്നെങ്കിലോ... ഇതേ പോലെ എന്റെ വാക്കുകൾക്ക് ചേട്ടനെങ്കിലും കാതോർത്തിരുനെങ്കിൽ ഒരു പക്ഷെ... ഞാനിങ്ങനെയൊന്നും മായിത്തീരില്ലായിരുന്നു... അല്ലേ... ചേട്ടാ... എന്റെ നെഞ്ചിലേക്ക് മുഖം ചേർത്ത് പൊട്ടി കരഞ്ഞുകൊണ്ടവൾ പറഞ്ഞത് നെഞ്ചിലേക്ക് ഒരു കനൽ കോരിയിടുന്നപോലെയായിരുന്നു എനിക്കത്....

ചേട്ടൻ പോയിക്കോ... അധിക നേരം ഇവിടെ നിന്നാൽ ഗംഗാമയി മാ ചീത്തപറയും രണ്ടുപേരെയും... അവളുടെ കവിളിളിലേക്ക് ഒഴുകിയിറങ്ങിയ കണ്ണീരു തുടച്ചു.. യാത്ര പറഞ്ഞു ഇറങ്ങാൻ തുടങ്ങിയ എന്നോട്.. ചേട്ടാ... ചേട്ടൻ ഇനിയും വരുമോ എന്നെ കാണാൻ... ഞാൻ പ്രതീക്ഷിച്ചോട്ടെ... വരാമെന്നു അവൾക്കുറപ്പ് കൊടുത്തു ആ മരഗോവണിയിലൂടെ താഴെക്കിറങ്ങിയ ഞാൻ വരാന്തയിലൂടെ നടന്നു മുറ്റത്തേക്കുള്ള പടികൾക്കു അടുത്തേക്ക് എത്തിയപ്പോൾ പിറകിൽ നിന്നും സുനോജ് ഒന്ന് നിന്നേ....

തിരിഞ്ഞു നോക്കിയപ്പോൾ വരാന്തയുടെ അറ്റത്തുള്ള റൂമിന്റെ കട്‌ളയിൽ ചാരി നിൽക്കുന്ന ഗംഗാമയി മാതയെയാണ് കണ്ടത്.. സുനോജ് വായോ... എന്റെ പേരെങ്ങനെ ഇവറിഞ്ഞു എന്നാലോചിച്ചു അവർക്കരികിലേക്കു എത്തി.. വാതിൽക്കൽ നിന്നിരുന്നവർ ഉള്ളിലേക്ക് കടന്നു എന്നെയും റൂമിലേക്ക്‌ ക്ഷണിച്ചു.. മുകളിലത്തെ റൂം പോലെയല്ല ഇത്. നല്ല വൃത്തിയും വെടിപ്പുമുള്ള നിറയെ പൂക്കളുടെ ഡിസൈൻ ഉള്ള ബെഡ് ഷീറ്റ് വിരിച്ച ബെഡും അതിനരികിൽ ഒരു മേശയും കസേരയും.. റൂമിലേക്ക്‌ കടന്ന എന്നോട് ബെഡിലേക്കു ഇരിക്കാൻ പറഞ്ഞു വാതിൽ പതിയെ ചാരി അവിടെ കിടന്ന കസേര വലിച്ചു അതിലേക്കു അവരും ഇരുന്നു.. കൈ നിറയെ വളയും വലിയ ലോക്കറ്റുള്ള മാലയും വട്ടപ്പൊട്ടും സാരീയുടുത്ത ആ ശരീരത്തിനു ഒരാനച്ചന്തമായിരുന്നു..നേരത്തെ കണ്ടപ്പോൾ ഉടുത്ത സാരിയല്ലിത്. എന്തോ അവരുടെ നോട്ടത്തിന് ഒരു