Chapter Title : അവരുടെ രാവുകൾ [ടീസർ] [ഉടയോൻ]

ഇരിപ്പുണ്ട്… എന്നെ നോക്കി ഇരിക്കണ്ട, സമയത്തിനു രണ്ടാളും ഭക്ഷണം കഴിച്ചോളണം… ങാ.. വന്ന് വന്ന് ചെക്കനേം പെണ്ണിനേം ഒന്നും കാണാൻ പോലും കിട്ടാതായി, പെണ്ണ് രാവിലേ തന്നെ അവളുടെ കാര്യം നോക്കി, ഇനി മഷി ഇട്ട് നോക്കിയാൽ പോലും കാണാൻ കിട്ടില്ല, അവൻ പിന്നെ കമ്പ്യൂട്ടറിൻ്റെ മുന്നിലാണെന്ന് വക്കാം, ഇവൾക്ക് ഈ അടച്ചിട്ട മുറിയിൽ എന്താ പരിപാടി എന്നാ മനസ്സിലാകത്തത്. ഞാൻ അവളുടെ മുറിയുടെ അടുത്തേക്ക് നീങ്ങി.. പെണ്ണേ നിനക്ക് കൂടി എൻ്റെ കൂടെ വന്നാൽ എന്താ, വാതിൽ തുറന്നുകൊണ്ട് ഞാൻ ചോദിച്ചു. ഞാനില്ല, എനിക്കിവിടെ വേറെ ഒരു പരുപാടി ഉണ്ട്.. മൊബൈലിലും നോക്കിക്കൊണ്ട് കാലിന്മേൽ കാല് കയറ്റി മലർന്ന് കിടക്കുകയാണ് പെണ്ണ്. എന്തു പരിപാടി..? എൻ്റെ ഒരു കൂട്ട്കാരി വരും, അവളോടൊപ്പം ഷോപ്പിങ്ങിനു ചെല്ലാം എന്ന് ഏറ്റിട്ടുണ്ട്…

ങും.. പോയിട്ട് ഉച്ചയ്ക്ക് മുന്പ് ഇങ്ങോട്ട് പോരണം.. ങാ… മൊബൈലിൽ നിന്നും കണ്ണെടുക്കാതെ മറുപടി വന്നു.. ഒരാൾ കമ്പ്യൂട്ടറിൻ്റെ മുന്നിലാണെങ്കിൽ മറ്റൊരാൾ മൊബെലിൻ്റെ മുന്നിൽ, രണ്ടും കണക്കാണ്, മനസ്സിൽ പിറുപിറുത്തുകൊണ്ട് ഞാൻ എൻ്റെ റൂമിലേക്ക് നടന്നു... ഏകദേശം പത്തേ കാലോടെ വീട്ടിൽ നിന്നും ഇറങ്ങി.. ഞായറാഴ്ച ആയതുകൊണ്ടാവണം വലിയ ട്രാഫിക് ഒന്നും ഇല്ല, മുഹൂർത്തം പതിനൊന്ന് മണിക്കാണ് എന്നാണ് പറഞ്ഞിരുന്നത്, കൃത്യം ആ സമയത്തോട് അടുത്ത് എത്തിയാൽ മതി, നേരത്തേ ചെന്നിട്ടും വലിയ കാര്യം ഒന്നും ഇല്ല. ഞാൻ പതിവിലും സാവധാനം വണ്ടി ഓടിച്ചു. പോകുന്ന വഴിയിൽ ഇടയ്ക്ക് ഒരു കടയിൽ നിറുത്തി അവൻ പറഞ്ഞ മാഗസിൻ മേടിച്ച് വണ്ടിയിൽ വച്ചു, തിരിച്ച് വരുമ്പോൾ എങ്ങാനും മറന്നാലോ...