Chapter Title : അവിചാരിതം [ഏകലവ്യൻ] [Remastered]

അടുത്തേക്ക് വരുന്നത് തടയാൻ ഞാൻ വേഗം അങ്ങോട്ടേക്ക് നടന്നു. ശ്വാസം കിട്ടാതെയുള്ള കിതപ്പ് മാറ്റാൻ ഞാൻ നന്നായി പാടുപെട്ടു.

“നാരായണിയേച്ചി ഇന്ന് കറക്കാൻ വൈകി അമ്മേ. അതോണ്ടാ സമയം പിടിച്ചേ.. ഞാനും തൊഴുത്തിലേക്ക് പോയിരുന്നു..!”

അല്പം ഇരുട്ടായത് കൊണ്ടു എന്റെ മൊത്തത്തിലുള്ള പന്തികേട് അമ്മക്ക് മനസിലായില്ല.

“അമ്മ ഇവിടെ നിന്നോ. അവിടെ ചളിയാണ്. ഞാൻ വാങ്ങിട്ടു വരാം. “

അമ്മയെ വരമ്പിൽ നിർത്തി ഞാൻ തിരിച്ചു നടന്നു. പാല് തരുമ്പോൾ നാരായണി ഒരു നോട്ടം.

“അമ്മയെന്താ പറഞ്ഞേ..?”

അവർ ചോദിച്ചു.

കാരണം ഞാൻ ഇപ്പൊഴാണ് പാല് വാങ്ങാൻ വന്നതെന്ന് നാരായണിക്കല്ലേ അറിയൂ.

“വീട്ടിൽ വിരുന്ന്കാരുണ്ടായിരുന്നു എന്ന് പറയുവാരുന്നു.”

“ഓ..അങ്ങനെ..!”

പാല് തന്ന് അവർ ഉള്ളിൽ പോയി. ഞാൻ തിരിച്ചും.

അമ്മയുടെ പുറകെ വരമ്പിലൂടെ നടന്നു.

ആ സമയം കൊണ്ട് ഞാൻ പാല് അമ്മയുടെ കയ്യിൽ കൊടുത്ത്, സാരി ശെരിയാക്കി മുടിയഴിച്ചു കെട്ടി.

പിന്നാമ്പുറത്തു തന്നെ സുശീലേട്ടൻ ഉണ്ടായിരുന്നു.

“എന്താ ശ്യാമേ വൈകിയേ??”

“കറക്കുന്നെ ഉണ്ടായുള്ളൂ ചേട്ടാ..!”

പറഞ്ഞിട്ട് ഞാൻ ടാപ്പിൽ നിന്നു മുഖം കഴുകി.

“എടി.. നീ ഷെഡിലെ ലൈറ്റ് ഓഫ്‌ ആക്കിയിട്ടില്ല..!”

സുശീലേട്ടൻ പറഞ്ഞത് കേട്ടു ഞെട്ടി കൊണ്ട് ഞാൻ ഷെഡിലേക്ക് നോക്കി.

“നീ കേറിക്കോ ഞാൻ ഓഫ്‌ ആക്കിക്കോളാം.”

“ഇനി ചേട്ടൻ ഇറങ്ങേണ്ട. ഞാൻ നോക്കിക്കോളാം..”

അതും പറഞ്ഞ് ഞാൻ ഷെഡിലേക്ക് നടന്നു. ഇവർ ഇതുവരെ പോയില്ലേന്നു ചിന്തിച്ചു കൊണ്ട്.