Chapter Title : അവിഹിത ഗര്‍ഭം [Smitha]

പരിസരത്തില്ല എന്ന്‍ കണ്ട്‌ അദ്ധേഹം ആശ്വസിച്ചു. "ഉം ..എന്താ?" അയാളുടെ പരിഭ്രമം കണ്ട്‌ വിനീത ചോദിച്ചു. "എന്‍റെ പൊന്നു ടീച്ചറേ ഇപ്പം ഭയങ്കര പേടിയാ," പ്രിന്‍സിപ്പാള്‍ ഫാദര്‍ ഉലഹന്നാന്‍ തറയില്‍ പറഞ്ഞു. "അച്ചന്മാരുടെ എന്തോരം പെണ്ണ്‍ കേസുകളാ ഇപ്പം പൊറത്ത് വന്നോണ്ടിരിക്കുന്നെ? സൂക്ഷിക്കണം ടീച്ചറെ. ദാണ്ടെ ഇപ്പം ഒരു ബിഷപ്പിനേം പറ്റി കേക്കുന്നു. കന്യാസ്ത്രീനെ ബലാല്‍സംഘം ചെയ്തെന്നും പറഞ്ഞു. ഈ വാര്‍ത്ത‍ ഒക്കെ കേട്ടു കേട്ടു എന്‍റെ ടീച്ചറെ എല്ലാരുടെം വിചാരം ഈ അച്ചന്മാര് എല്ലാരും പെണ്ണ് പിടുത്തക്കാരാന്നാ. അതുകൊണ്ട് പെണ്ണുങ്ങള്‍ ആരേലും മേത്ത് തൊട്ടാല്‍ പേടിയാ ടീച്ചറെ," അദ്ധേഹത്തിന്റെ വാക്കുകള്‍ വിനീതയെ വല്ലാതെ സ്പര്‍ശിച്ചു. "അതിന് അച്ഛനെ എല്ലാര്‍ക്കും അറിയാല്ലോ," അദ്ധേഹത്തിന്‍റെ വശ്യസൌന്ദര്യം തുളുമ്പുന്ന മുഖത്തേക്ക് നോക്കി അവള്‍ പറഞ്ഞു. "പല സ്ഥലത്തും ധ്യാനിപ്പിക്കാന്‍ പോകുന്ന ആളല്ലേ അച്ചന്‍. പിന്നെ എലിസബത്ത്‌ മാഡത്തിന്‍റെ കഥേം പലര്‍ക്കും അറിയാം," അവള്‍ പുഞ്ചിരിച്ചു. ഫാദര്‍ ഉലഹന്നാന്‍ തറയില്‍ ചിരിക്കാന്‍ ശ്രമിച്ചു. കഴിഞ്ഞ വര്‍ഷമാണ്‌ ആ സംഭവം. എലിസബത്ത്‌ കോശി മലയാളം വിഭാഗത്തിലാണ്. ആ ആഴ്ച്ചയാണ് അവരുടെ വിവാഹ ബന്ധം വേര്‍പെട്ടത്. സംശയ രോഗിയായ ഭര്‍ത്താവിനെ സഹിക്കാന്‍ പറ്റില്ലത്രേ. ഒരു ദിവസം ക്ലാസ് കഴിഞ്ഞ് ഒരു കൌണ്‍സിലിംഗ് വേണം എന്ന്‍ ആവശ്യപ്പെട്ടത് എലിസബത്ത്‌ തന്നെയായിരുന്നു. അച്ചന്‍ സമ്മതിച്ചു. കൂടെ ഒരാളെയും കൂട്ടിവരാന്‍ പറഞ്ഞു. എലിസബത്ത്‌ പക്ഷെ വന്നത് തനിച്ചായിരുന്നു. വന്നപ്പോള്‍ മുറിയില്‍ അച്ഛനെ കണ്ടില്ല. ബാത്ത് റൂമിലായിരുന്ന അച്ചന്‍ മുറിയിലേക്ക് വന്നപ്പോള്‍ കണ്ടത് മൊബലില്‍ രസകരമായ ഏതോ വീഡിയോയില്‍ മുഴുകിയിരിക്കുന്ന എലിസബത്തിനെയാണ്. "എന്ത്യേ ടീച്ചറെ കൂടെയുള്ള ആള്‍?" അച്ചന്‍ ചോദിച്ചു. "ഓ..കൂടെ ആരും വന്നില്ല അച്ചോ. ഓരോത്തര്‍ക്കും ഓരോ തെരക്ക്. അതുകൊണ്ട് ഞാന്‍ തന്നേയിങ്ങു പോന്നു," അത് പറഞ്ഞ് അവള്‍ വശ്യമായി ചിരിച്ചു. അച്ഛന് അവളുടെ ഇരിപ്പിലും നോട്ടത്തിലും പന്തികേട്‌പോലെ തോന്നി അച്ഛന്. "എലിസബെത്തെ, നേരം ഒരുപാടായി. എന്‍റെ മുറീല്‍ ഇങ്ങനെ ഒരുപാട് നേരം ഇരിക്കുന്നത് ശരിയല്ല. നമുക്ക് കൌണ്‍സിലിംഗ് ഒക്കെ നാളയാകട്ടെ. നാളെ കൊറച്ചുംകൊടെ നേരത്തെ വാ. തന്നെ വരണ്ട. വീട്ടീന്ന് ആരെയേലും കൂട്ടിവരണം," എലിസബത്ത് എഴുന്നേറ്റു. വാതില്‍ക്കലേക്ക് തിരിയുന്നതിന്