♥️അവിരാമം 3♥️

Aviramam Part 3 | Author : Karnnan

[ Previous Part ] [ www.kkstories.com]

💕നിബന്ധനകളുടെ പേരിൽ ഒന്ന് ചേർന്നവർ ഇത് അവരുടെ പ്രണയം ആണ്💕

മുൻഭാഗങ്ങൾ വായിച്ചതിനു ശേഷം തുടർന്ന് വായിക്കുക.......

...........റിൻസിയുടെ ഓർമകളിൽ ലയിച്ച് ഹിരൺ യാത്ര തുടർന്നു...

ഇപ്പൊ തന്നെ വൈകി. പതിനൊന്നു മണിക്ക് മുന്നെ എത്താം എന്ന് പറഞ്ഞതാ ഇപ്പോ പതിനൊന്നര കഴിഞ്ഞു. ഇനിയും ഉണ്ട് ഒന്നര മണിക്കൂർ ഓട്ടം.

ഉച്ചയ്ക്ക് കയറി ചെല്ലുന്നതിൽ ഹിരണിനു ചെറിയ ഒരു നാണക്കേടും തോന്നാത്തിരുന്നില്ല.

സമയം പോയത് പക്ഷെ തന്റെ പാപ്പുവിന് വേണ്ടി ആയിരുന്നു എന്ന് ചിന്തിച്ചപ്പോൾ അവന്റെ ചുണ്ടിൽ ഒരു മന്ദഹാസം വിരിഞ്ഞു.

ഗൂഗിൾ അമ്മച്ചി കാണിച്ച വഴിയിലൂടെ അവൻ ഹിമാലയം പറത്തി വിട്ടു.ട്രാഫികിനിടയിലൂടെ കുത്തി കയറ്റിയും ഓട്ടോക്കാരുടെ തെറിവിളിയും ഒക്കെ കേട്ടു ഒരു പന്ത്രണ്ടേ മുക്കാലോടെ ഹിരൺ നെടുമുടിയിലെത്തി.

നെടുമുടി പാലം ഇറങ്ങിയപ്പോളേക്കും അമ്മച്ചിയുടെ ആഞ്ജ എത്തി. ഗൂഗിൾ അമ്മച്ചിയെ 😜ഇടത്തേയ്ക്ക് തിരിഞ്ഞു പോകാൻ. പോകാതെ രക്ഷ ഇല്ലല്ലോ.... 🥴

മനുവുമായി 5 വർഷത്തെ പരിചയം. കോട്ടയം സിഎംസ് കോളേജിൽ ഡിഗ്രിയും പിജിയും ചെയ്യുമ്പോ ഒരു ക്ലാസ്സിൽ ആയിരുന്നു എന്നത് മാത്രം അല്ല ഹോസ്റ്റലിൽ ഒരേ റൂമിൽ തന്നെ ആയിരുന്നു.തലേ ദിവസം ചെല്ലണം എന്ന് പ്രത്യേകം പറഞ്ഞിരുന്നതാണ് അവന്റെ അച്ഛനും അമ്മയും. എന്നിട്ടിപ്പോ ഉണ്ണാൻ നേരത്താണ് കയറി ചെല്ലാൻ പോകുന്നത്.

എന്തായാലും ആട്ട് ഉറപ്പാണ്.

മനസ്സിൽ പലവിധ ചിന്തകളും ആയി അവൻ വണ്ടി ഓടിച്ചു. ഒരു പതിനഞ്ച് മിനിട്ടും കൂടി എടുത്തു അവൻ മനുവിന്റെ വീടിനു അടുത്ത് എത്താൻ.വണ്ടി നിർത്തി കൈ നടുവിന് കുറുകെ പിടിച്ച് ഒന്ന് മൂരി നിവർന്നു. ഗൂഗിൾ അമ്മച്ചിക്ക് മനസ്സിൽ ഒരു നന്ദിയും പറഞ്ഞു വണ്ടി സ്റ്റാൻഡിൽ വച്ചു ഇറങ്ങി. നന്ദി മറ്റൊന്നും കൊണ്ടല്ല റൂട്ട് തെറ്റിക്കാതെ ആദ്യമായിട്ടാണ് പറഞ്ഞ സമയത്തിലും മുന്നെ അമ്മച്ചി എത്തിച്ചത്.

നേരത്തെ എത്താം എന്ന് പറഞെങ്കിലും ഇത്രയും നേരത്തെ എത്തും എന്ന് കരുതിയില്ല .........

ആൾക്കൂട്ടത്തിനിടയിൽ നിന്നു വന്ന ഒളിയമ്പുകൾ.അത് തനിക്കു നേരെ