Chapter Title : അയൽപ്പക്കത്തെ ലീല ആന്റി 3 [MIghty രാജു.🔥]

ഒരു നോവലിൽ മുഴുകിയിരിക്കുകയായിരുന്നു.

അതിലെ നായകൻ നായികയെ ആശ്വസിപ്പിക്കുന്ന ഒരു രംഗമായിരുന്നു അത്. ആ വരികളിലെ ആർദ്രതയും കരുതലും വായിച്ചപ്പോൾ, ലീല അറിയാതെ മനുവിനെ ഓർത്തുപോയി. നോവലിലെ കഥാപാത്രമായിരുന്നില്ല അവളുടെ മനസ്സിൽ; പകരം, തനിക്ക് നഷ്ട്ടപെട്ടിരുന്ന ആ പരിഗണനയും സ്നേഹവും തിരികെ നൽകുന്ന ആ ചെറുപ്പക്കാരനായിരുന്നു. അവന്റെ വാക്കുകൾ, "എനിക്ക് ചേച്ചിയോട് തോന്നുന്ന ഈ ഇഷ്ടത്തിന് ക്ഷമ ചോദിക്കാൻ എനിക്ക് പറ്റില്ല," അവളുടെ കാതുകളിൽ വീണ്ടും മുഴങ്ങി.

ആ ഓർമ്മയിൽ അവളുടെ ചുണ്ടിൽ നേർത്തൊരു പുഞ്ചിരി വിടർന്നു. അതൊരു പ്രണയമായിരുന്നില്ല, അതിനേക്കാൾ ആഴമുള്ള എന്തോ ഒന്നായിരുന്നു. തന്റെ ജീവിതത്തിലെ ശൂന്യതയിലേക്ക് ഒരു ആശ്വാസമായി പെയ്തിറങ്ങിയ ഒരു സ്നേഹബന്ധം.

പെട്ടെന്ന് പുറത്തുനിന്ന് ജോയിച്ചേട്ടന്റെ ചുമ കേട്ടു.

അവൾ ചിന്തകളിൽ നിന്നുണർന്നു. മാഗസിൻ മടക്കിവെച്ച് അവൾ വരാന്തയിലേക്ക് നോക്കി. അവിടെ, മുറ്റത്തേക്ക് നോക്കി നിന്നുകൊണ്ട് ജോയിച്ചേട്ടൻ ഒരു സിഗരറ്റിന് തീ കൊളുത്തുന്നു.

ആ കാഴ്ച കണ്ടതും അവളുടെ മുഖം മാറി. "ചേട്ടാ..." അവളുടെ ശബ്ദത്തിൽ സ്നേഹത്തോടെയുള്ള ഒരു ശാസനയുണ്ടായിരുന്നു. "ഈ പുകവലി ഡോക്ടർ വിലക്കിയതല്ലേ? ഇപ്പോഴല്ലേ അല്പം ആശ്വാസം കണ്ടുതുടങ്ങിയത്."

അയാൾ അവളെ തിരിഞ്ഞുനോക്കാതെ, ആകാശത്തേക്ക് പുകയൂതിക്കൊണ്ട് പറഞ്ഞു, "ആഹ്... ഒരെണ്ണം വലിച്ചെന്ന് വെച്ച് ചത്തൊന്നും പോകില്ല . നീ പോയി നിന്റെ പണി നോക്ക്."

ആ മറുപടി ഒരു മുള്ളുപോലെ അവളുടെ ഹൃദയത്തിൽ തറച്ചു. അവൾ കൂടുതൽ ഒന്നും മിണ്ടിയില്ല. അവളുടെ ഉള്ളിൽ ഒരുതരം അമർഷം പുകഞ്ഞു.

'ഒരല്പം ആരോഗ്യം തിരികെ കിട്ടിയപ്പോൾ പഴയ സ്വഭാവം തുടങ്ങി.' അവൾ മനസ്സിൽ പറഞ്ഞു. 'രണ്ടാഴ്ച മുൻപ് ഒന്നെഴുന്നേൽക്കാൻ പോലും എന്റെ