Chapter Title : അയൽപ്പക്കത്തെ ലീല ആന്റി 3 [MIghty രാജു.🔥]

നടക്കുമ്പോൾ, അദ്ദേഹത്തിന്റെ ഭാരം മുഴുവൻ അവളുടെ തോളിലായിരുന്നു. ഇടയ്ക്കിടെയുള്ള ചുമയും കിതപ്പും ആ യാത്രയെ കൂടുതൽ പതിയെയാക്കി. ആ നിമിഷങ്ങളിൽ ലീലയെന്ന ഭാര്യ മാത്രമേ അവിടെയുണ്ടായിരുന്നുള്ളൂ.

വീട്ടിലെത്തി, വാതിൽ തുറന്ന് അകത്തു കയറിയ ഉടനെ ജോയിച്ചേട്ടൻ ക്ഷീണത്തോടെ കസേരയിലേക്കിരുന്നു. അവൾ അദ്ദേഹത്തെ സഹായിച്ച് കിടപ്പുമുറിയിലേക്ക് കൊണ്ടുപോയി. കട്ടിലിലേക്ക് അദ്ദേഹത്തെ ഇരുത്തുമ്പോൾ അവൾക്ക് ചെറുതായി ഒന്നാഞ്ഞു പിടിക്കേണ്ടി വന്നു. ആ ആയത്തിൽ അവളുടെ സാരിയുടെ മുന്താണി തോളിൽ നിന്ന് താഴേക്ക് ഊർന്നു വീണു. രണ്ടു ദിവസം മുൻപ് മനുവിന്റെ ചുണ്ടുകൾ അമർന്ന ആ കഴുത്തും തോളെല്ലും ഒരു നിമിഷം വെളിവായപ്പോൾ അവളുടെ ഉള്ളിലൂടെ ഒരു മിന്നൽ പാഞ്ഞുപോയി. അവൾ പെട്ടെന്ന് മുന്താണി നേരെയാക്കി.

അവൾ അദ്ദേഹത്തിനരികിൽ, കട്ടിലിന്റെ ഒരറ്റത്തായി ഇരുന്നു. മുറിയിൽ ഫാനിന്റെ ഇരമ്പൽ മാത്രം. ഇതാണ് അവളുടെ ലോകം, അവളുടെ ശരികൾ. സ്നേഹത്തേക്കാളുപരി കടമയായി മാറിയ ജീവിതം. പക്ഷെ, താൻ ഒരിക്കലും പ്രതീക്ഷിക്കാത്ത ഒരിടത്തുനിന്ന്, ഒരു സ്നേഹസ്പർശം കിട്ടുമ്പോൾ എന്തുചെയ്യും?

(വർഷങ്ങൾക്കു ശേഷം, ഒരു പുരുഷന്റെ സ്പർശനത്തിൽ എന്റെ ശരീരം പ്രതികരിക്കുന്നത് ഞാനറിഞ്ഞു. അരുതെന്ന് മനസ്സ് വിലക്കിയിട്ടും, ആ നിമിഷം വീണ്ടും ഓർക്കുമ്പോൾ ഒരു കുളിര് വന്നുപൊതിയുന്നു. എല്ലാം മറന്നു ജീവിക്കുന്ന എനിക്ക് എന്തിനാണ് ദൈവം ഇങ്ങനെയൊരു പരീക്ഷണം തരുന്നത്?)

"എന്താ നീ ആലോചിക്കുന്നേ ലീലേ? എന്തുപറ്റി?" ജോയിച്ചേട്ടന്റെ ശബ്ദം അവളെ ചിന്തകളിൽ നിന്നുണർത്തി.

അവൾ ഞെട്ടി, ഒന്നുമില്ലെന്ന് തലയാട്ടി. "ഏയ്, ഒന്നൂല്ല ജോയി ഏട്ടാ ..." അവൾ അദ്ദേഹത്തിന്റെ മെലിച്ച  കാലുകൾ പതിയെ തിരുമ്മാൻ തുടങ്ങി.

"ആ എനിക്ക് അറിയില്ല" അയാളുടെ മനസ്സിൽ ഭാര്യയുടെ തലോടലിനേക്കാൾ