Chapter Title : അഴകുള്ള സെലീന 3 [Nima Mohan]

ചെഞ്ചായം പടർന്നു.. അവൾക്ക് നല്ല പോലെ ദേഷ്യം വരുമ്പോഴുള്ള മാറ്റമാണതെന്ന് ശൗരിക്കറിയാം.
ശൗരി ഒന്നും മിണ്ടിയില്ല.
"വന്നു വന്നു വഷളായി ചെക്കൻ.."
അവള് പിറുപിറുത്തു.
രാധികയെ നോക്കിയതിനു ഇവൾക്ക് എന്താണിത്ര ദേഷ്യമെന്നു ശൗരിയോർത്തു..
വീടെത്തുന്ന വരെ ഇരുവരും ഒന്നും മിണ്ടിയില്ല..
"മമ്മിയുണ്ടോ വീട്ടില്.."
ഗേറ്റിൻ്റെ അടുത്തെത്തിയപ്പോൾ അവൻ തിരക്കി.
"ഇല്ല.. ക്ലബിലെ പരിപാടിക്ക് തിരുവാതിര പഠിക്കാൻ പോയിരിക്കുവാ.."
അവള് ഗേറ്റ് തുറന്നു അകത്ത് കയറി.
"ഇനി മേലാൽ എൻ്റെ കൂട്ടുകാരികളെ ആരേലും നീ വായി നോക്കിയെന്നു അറിഞ്ഞാലുണ്ടല്ലോ.."
സെലീന അവനെ നോക്കി കൈ വിരൽ ചൂണ്ടി ചൊടി കോട്ടിയിട്ട് വീട്ടിലേക്ക് കയറിപ്പോയി. ശൗരി എന്തൊക്കെയോ ആലോചിച്ചു തൻ്റെ വീട്ടിലേക്കും പോയി.
എന്നാലും താന രാധികയെ നോക്കിയത് അവള് കണ്ടുപിടിച്ചു കളഞ്ഞല്ലോന്നോർത്തപ്പോൾ ശൗരിക്ക് തെല്ല് ജാള്യം തോന്നിപ്പോയി.
***** ***** *****
പിറ്റേന്ന് പുലർച്ചെ പതിവ് സമയത്ത് തന്നെ ശൗരി മേദിനിയുടെ വീട്ടിൽ കറവയ്ക്ക് ഹാജരായി.. ചന്ദന നിറമുള്ള ബ്ലൗസും നീല കള്ളിമുണ്ടുമായിരുന്നു അവളുടെ വേഷം.. പതിവിലും സുന്ദരിയായിരുന്നു മേദിനി ആ വേഷത്തിൽ..
"ഒന്ന് നിന്നേ ചെക്കാ.."
കറവ കഴിഞ്ഞ് കാപ്പി കുടിയും കഴിഞ്ഞ് തിരിച്ച് പോകാൻ പടികളിറങ്ങുമ്പോൾ മേദിനി വിളിച്ചത് കേട്ട് ശൗരി തിരിഞ്ഞു നോക്കി..
"എന്താ ചേച്ചീ.."
"ദാ ഇത് കൂടി കൊണ്ട് പൊയ്ക്കോ.."
അവൾ നിന്നിടത്ത് നിന്ന് പറഞ്ഞത് കേട്ട് ശൗരിക്ക് സംശയമായി.. കൈകൾ രണ്ടും പിന്നിൽ പിടിച്ചാണ് നിൽപ്പ്..
"എന്താ.."
തെല്ലു സംശയത്തോടെ അവൻ അവളുടെ അരികിലേക്ക് ചെന്നതും മേദിനി അവനെ ചേർത്ത് പിടിച്ചു നെറ്റിയിൽ മൃദുവായി ഒരുമ്മ നൽകി..
ഇളം തണുപ്പുള്ള അധരങ്ങൾ അവൻ്റെ നെറ്റിയിൽ അമർന്നു. ഒരു പൂവിൻ്റെ ചുംബനം പോലെ.. അപ്രതീക്ഷിതമായിരുന്നു അത്.. ശൗരി ഹിമമായി അലിഞ്ഞു.. അവൾ അവൻ്റെ മുഖത്തെ ഭാവമാറ്റങ്ങൾ കുസൃതിയോടെ നോക്കി നിന്നു.. ശൗരി അവളെ നോക്കി പുഞ്ചിരിച്ചു..
"ഞെട്ടിച്ചു കളഞ്ഞല്ലോ ചേച്ചി.."
മേദിനി ചിരിച്ചു.
"ഞാനൊന്ന് കെട്ടിപ്പിടിച്ചാൽ ചേച്ചിയെന്നെ വഴക്ക് പറയുമോ..."
മിഴികളിലേക്കുറ്റു നോക്കിക്കൊണ്ടുള്ള അവൻ്റെ നിഷ്കളങ്കമായ ചോദ്യം കേട്ടതും മേദിനിക്ക് വർഷങ്ങൾക്ക് ശേഷം തെല്ലൊരു നാണം തോന്നിപ്പോയി..
വേറെ വല്ലോരുമായിരുന്നേൽ അടിച്ചു കരണം