Chapter Title : ബംഗ്ലാവിലെ പെണ്ണുങ്ങള്‍ 2 [Reloaded] [Master]

കപ്പയുടെ തോല് കളഞ്ഞുകൊണ്ടിരുന്ന അവര്‍ മുറുക്കാന്‍ കറ പിടിച്ച പല്ലുകള്‍ കാട്ടി എന്നെ നോക്കി ചിരിച്ചു.

“ഇതാണോ നിങ്ങള് പറഞ്ഞ ചെറുക്കന്‍..മണിയന്‍..” അവര്‍ അയാളോട് ചോദിച്ചു.

“ങാ..അവനാ എവന്‍..” അങ്ങേര്തലയില്‍ കെട്ടഴിച്ച് കുടഞ്ഞ്‌ തിണ്ണയില്‍ ഇരിക്കുന്നതിനിടെ പറഞ്ഞു.

ചെല്ലമ്മയാന്റി പാക്കരേട്ടന്‍ പറഞ്ഞത് പോലെ കാണാന്‍ ഒരു മെനയും ഇല്ലാത്ത സ്ത്രീ ആയിരുന്നു. കറുത്ത നിറം. ചുക്കി ചുളുങ്ങി തുടങ്ങിയ തൊലി. അവരെ കണ്ടാല്‍ കുളിച്ചിട്ട് ഒരാഴ്ചയായി എന്ന് തോന്നുമായിരുന്നു. എണ്ണ നാളുകളായി കണ്ടിട്ടില്ലാത്ത ചകിരി പോലെയുള്ള മുടി. ഒരു കൈലിയും ബ്ലൌസും ആയിരുന്നു വേഷം. വെറുതെയല്ല ബംഗ്ലാവിലെ പെണ്ണുങ്ങളെ കണ്ടു പാക്കരേട്ടന്‍ ഹാലിളകുന്നത് എന്നെനിക്ക് അവരെ കണ്ടപ്പോള്‍ ബോധ്യമായി.

“ആ പെണ്ണെന്തിയേടി? ചായ എടുക്ക്..”

“അവള് കുളിക്കാന്‍ പോയി..ചായ ഒടനെ ഇടാം..” അവര് പറഞ്ഞു. എന്നിട്ട് കപ്പ അവിടെ ഉപേക്ഷിച്ചിട്ട് ഉള്ളിലേക്ക് പോയി.

ഞാന്‍ വീടും പരിസരവും നോക്കി. ഓടിട്ട ഒരു പഴയ വീടാണ്. സാമാന്യം വലിപ്പമുണ്ട്. ഏതാണ്ട് പത്തിരുപത് സെന്റ്‌ സ്ഥലത്തിനു നടുക്കാണ് വീട്. പറമ്പില്‍ പലതും നട്ടിട്ടുണ്ട്. കപ്പ, ചേന, ചേമ്പ്, കുറെ പച്ചക്കറികള്‍ തുടങ്ങിയവ. വീടിന്റെ പിന്നില്‍ നിന്നും കോഴികളുടെ കലപില ഞാന്‍ കേട്ടു. ഒരു പൂച്ച വന്ന് എന്റെ കാലില്‍ മുട്ടിയുരുമ്മി നിന്നു കരഞ്ഞു.

“ഈ കൃഷിയൊക്കെ പാക്കരേട്ടന്‍ തന്നെ ചെയ്യുന്നതാണോ?” ഞാന്‍ പൂച്ചയെ തഴുകിക്കൊണ്ട് ചോദിച്ചു.

“എന്റെ പട്ടി ചെയ്യും..അവിടെ കിടന്നു മടച്ചിട്ട് ഇവിടേം കൂടി വന്നു മടയ്ക്കാന്‍ പോവ്വല്ലേ ഞാന്‍..എല്ലാം പെമ്പ്രന്നോത്തിയുടെ വകയാ..”

കാണാന്‍ മെനയില്ലെങ്കിലും വീട് നോക്കാന്‍ മിടുക്കിയാണ് ചെല്ലമ്മയാന്റി എന്നെനിക്ക് മനസിലായി. വീടും പരിസരവും ശ്രദ്ധിച്ചാല്‍