Chapter Title : ബെന്നിയുടെ പടയോട്ടം – 14 (സ്മിത-മരുമകള്‍ 1,2,3 ഫെയിം)

ക്ഷണിക്കാന്‍ കൂടിയാണ് വന്നത്?’

“അവന്‍ ഗള്‍ഫില്‍ അല്ലെ..പണമൊക്കെ ആയി ചെക്കന് അല്ലെ?” കമലമ്മ ചോദിച്ചു.

“ഓ..അത്ര ഒന്നുമില്ല. വീട് വിറ്റാലെ കാര്യം നടക്കൂ. അതിനും ആളെ നോക്കുന്നുണ്ട്..”

“നല്ലത്..ആ നാട് എനിക്കും അത്ര ഇഷ്ടമല്ല..ആളനക്കം ഇല്ലാത്ത സ്ഥലത്തുള്ള ആ പഴയ വീട് വില്‍ക്കുന്നത് നല്ലതാ” കമലമ്മ പറഞ്ഞു.

സ്മിത മൂവര്‍ക്കും ചായ നല്‍കി. മകള്‍ മുന്‍പ് കണ്ടതിനേക്കാള്‍ ഒന്നുകൂടി തുടുത്തു സുന്ദരിയായത് സുശീലാമ്മ ശ്രദ്ധിച്ചു. എങ്കിലും അവള്‍ക്ക് എന്തോ ഒരു ടെന്‍ഷന്‍ ഉള്ളത്പോലെ അവര്‍ക്ക് തോന്നി.

“ങാ പിന്നെ കമലമ്മേ ഒരു സഹായം ചോദിയ്ക്കാന്‍ കൂടിയാണ് ഞങ്ങള്‍ വന്നത്” നായര്‍ ചായ കുടിച്ച ശേഷം പറഞ്ഞു. പണമോ മറ്റോ ആണ് ഉദ്ദേശിക്കുന്നത് എങ്കില്‍ കുറെ തരും എന്ന് കമലമ്മ മനസ്സില്‍ പറഞ്ഞു.

“എന്ത് സഹായം?”

“വീടുപണി തുടങ്ങിയാല്‍ പിന്നെ സൈറ്റില്‍ ഞങ്ങള്‍ കൂടി നിന്നാലേ പറ്റൂ. ആ സമയത്ത് വീട്ടില്‍ ആരും കാണില്ല. അതുകൊണ്ട് വീടുപണി തീരുന്നത് വരെ മോളെ ഞങ്ങളുടെ കൂടെ നില്‍ക്കാന്‍ സമ്മതിക്കണം”

പണം ചോദിക്കാനുള്ള പുറപ്പാടാണ് എന്ന് കരുതിയ കമലമ്മ ഈ ആവശ്യം കേട്ടപ്പോള്‍ ഉള്ളില്‍ ആശ്വസിച്ചു. ഇവള്‍ പോകുന്നെങ്കില്‍ പൊക്കോട്ടെ എന്ന് മനസ്സില്‍ പറയുകയും ചെയ്തു. സ്മിതയാണ് സത്യത്തില്‍ ഏറ്റവും സന്തോഷിച്ചത്. കാരണം അവിടെ നിന്നും ഒന്ന് മാറി നില്ക്കാന്‍ അവള്‍ വല്ലാതെ ആഗ്രഹിക്കുന്നുണ്ടായിരുന്നല്ലോ.

“അതിനെന്താ..അവളെ കൊണ്ട് പൊക്കോ..ഇവിടെ ഞങ്ങള്‍ രണ്ടുപേര്‍ക്കും ദൈവാധീനം കൊണ്ട് കുഴപ്പം ഒന്നുമില്ലാത്തത് കൊണ്ട് കാര്യങ്ങള്‍ ഒക്കെ നടന്നു പൊക്കോളും..”

“വളരെ നന്ദി കമലമ്മേ” നായര്‍ സന്തോഷത്തോടെ പറഞ്ഞു. അങ്ങനെ അവര്‍ സ്മിതയെയും കൂട്ടി വീട്ടിലെത്തി. അവളുടെ വീട് ഒരു ഒഴിഞ്ഞ കോണിലാണ്. വീടിന്റെ അപ്പുറത്ത് കൂടി ഒരു പുഴ ഒഴുകുന്നുണ്ട്. അടുത്തെങ്ങും വീടുകള്‍ ഇല്ല. മിക്കതും ഒഴിഞ്ഞു കിടക്കുന്ന പറമ്പുകളാണ്. അറയും പുരയും ഒക്കെയായി പഴയ മോഡലില്‍ ഉള്ള ഒരു വീടായിരുന്നു അത്. അവിടെ എത്തിയപ്പോള്‍ സ്മിതയ്ക്ക് നല്ല ആശ്വാസവും സന്തോഷവും തോന്നി.

വീടുപണി തുടങ്ങി. മകള്‍ വന്നതോടെ സാധാരണ ആഹാരരീതി മാത്രം ഉണ്ടായിരുന്ന നായരും സുശീലയും അവളെ കരുതി മീനും ഇറച്ചിയും ഒക്കെ വാങ്ങാന്‍ തുടങ്ങി.