Chapter Title : ഭാര്യ ഭർത്താക്കന്മാർ [P B]

ഉടൻ തന്നെ കോൾ ഡിസ്കണക്ട് ആയി. ഞാൻ ഫോൺ എടുത്ത് പ്രണവിനെ വിളിച്ചു, ഒരു നാലഞ്ചു വട്ടം റിംഗ് ചെയ്തിട്ടാണ് ഫോൺ എടുത്തത്.

പ്രണവ് : സോറി.

ഞാൻ : എന്തിനാ സോറി പ്രണവ്? കള്ളം പറഞ്ഞതിനോ? അതോ എന്നെ പൊട്ടൻ കളിപ്പിച്ചതിനോ?

പ്രണവ്: അത് ഞാൻ അറിഞ്ഞില്ല.

ഞാൻ: എന്ത് അറിഞ്ഞില്ല എന്ന്? അവളുടെ കൂട്ടുകാരി അവിടെ ഇല്ലെന്ന കാര്യമോ? അവളും കൂടെ അവിടെ ഉണ്ടായിരുന്നെങ്കിൽ നിങ്ങൾ രണ്ടുപേരും നല്ല ഫ്രണ്ട്സ് കളിച്ച് സംസാരിച്ച് ഫോൺ വെച്ചേനെ.
അതെല്ലാം കേട്ട് വിശ്വസിച്ച് ഞാൻ അവളെ വിളിച്ച് പഴയ ബന്ധം സ്ഥാപിച്ചിട്ട്. പിന്നെ നിങ്ങൾക്ക് സമയം പോലെ എന്തും ആകാമല്ലോ.

പ്രണവ്: അങ്ങനെ ഒന്നുമല്ല ബിജിഷ്. ഞാനെല്ലാം പറയണം എന്ന് തന്നെയാ വിചാരിച്ചത്. പക്ഷേ അവൾ എന്നോട് പറഞ്ഞത് വെച്ചിരിന്നത് നിങ്ങൾ ഭയങ്കര മുൻകോപം ആണെന്നാണ്. സംസാരിച്ച് കഴിഞ്ഞപ്പോഴാണ് അങ്ങനെയൊന്നുമല്ല എന്ന് എനിക്ക് മനസ്സിലായത് അപ്പോഴേക്ക്  ഞാൻ പറഞ്ഞു പോയി ഫ്രണ്ട്സ് ആണെന്ന്, പിന്നെ അത് മാറ്റി പറയാൻ അവസരം കിട്ടിയില്ല.

ഞാൻ: പ്രണവ് നിങ്ങൾക്ക് തമ്മിൽ എന്തും ആയിക്കോട്ടെ, അത് നിങ്ങളുടെ ജീവിതം. എനിക്കതിൽ യാതൊരു ബുദ്ധിമുട്ടുമില്ല. പക്ഷേ എന്തിനാണ് എന്നെ ഇതിനിടയിലോട്ട്  വലിച്ചിഴക്കുന്നത്?

പ്രണവ്: എനിക്ക് എങ്ങനെ പറഞ്ഞു മനസ്സിലാക്കണം എന്ന് അറിയില്ല.

ഞാൻ: ഒരു മനുഷ്യനോട് എന്ന പോലെ സംസാരിച്ചു നോക്കണം പ്രണവ്, ചിലപ്പോ എനിക്ക് മനസ്സിലാവും. അല്ലാതെ കള്ളത്തരവും കാപട്യവും ഇറക്കാൻ നോക്കാതെ.

പ്രണവ്: സത്യമായിട്ടും നിങ്ങളെ പറഞ്ഞു പറ്റിക്കാൻ എനിക്ക് യാതൊരു ഉദ്ദേശവും ഇല്ലായിരുന്നു. ആദ്യമേ ഇത് പറഞ്ഞാൽ നിങ്ങൾ