Chapter Title : ഭാര്യക്ക് പകരം അമ്മ❤️ [True story maker]

പാലക്കാട് ജില്ലയിലെ ഒരു മലയോര പ്രദേശത്തെ വലിയ കൃഷിഭൂമിക്കിടയിലെ ഒരു കൊച്ചു വീട്, കാലത്ത് അഞ്ചര മണിക്ക് ആരുടെയോ ബഹളവും ഒച്ചയും കേട്ടാണ് ഞാൻ ഉണർന്നത്.

കണ്ണ് തുറന്നുനോക്കിയപ്പോൾ റൂമിനകത്ത് ഇരുട്ടാണ്. ഞാൻ ലൈറ്റ് ഇട്ടു എഴുന്നേറ്റു.

ഇന്ന് ഈ വീട്ടിലെ പ്രധാനപ്പെട്ട ഒരു ദിവസമാണ്. എന്റെ പേര് ജിത്തു . ഇന്ന് എന്റെയും എന്റെഅനിയൻ ശ്യാമിന്റെ യും വിവാഹമാണ്.

അനിയന് കോളേജിൽ പഠിക്കുന്ന കാലം മുതലേ ഒരുപ്രണയം ഉണ്ടായിരുന്നു, സത്യം പറഞ്ഞാൽ ഇന്ന് അവന്റെ വിവാഹം മാത്രം നടക്കേണ്ടതാണ്. അവന്റെജ്യേഷ്ഠനായ ഞാൻ ഇരിക്കുമ്പോൾ എങ്ങനെയാണ് അനിയന്റെ കല്യാണം നടത്തുക?

അങ്ങനെപെട്ടന്നുള്ള ഓട്ടപ്പാച്ചിലിനിടയിൽ എനിക്ക് വേണ്ടി വീട്ടുകാർ ഒരു പെണ്ണിനെ കണ്ടെത്തി. ശരിക്കും ഒന്ന്പരിചയപ്പെടാൻ പോലും നേരം കിട്ടാതെ ഞാൻ അങ്ങ് നിന്ന് കൊടുത്തു.

കാവ്യ എന്നാണ് അവളുടെപേര് ബിഎസ്സി നഴ്സിംഗ് കഴിഞ്ഞ് ടൗണിലെ ഒരു പ്രൈവറ്റ് ആശുപത്രിയിൽ നേഴ്സായി ജോലിചെയ്യുകയാണ്.

ഈ കൊച്ചു വീടിനുള്ളിൽ രണ്ടു മുറികൾ മാത്രമേ ഉള്ളൂ പിന്നെയൊരു ഹാളും അടുക്കളയും, കല്യാണമായതോടെ അനിയനും ഒരു മുറിയും എനിക്ക് മറ്റൊരു മുറിയും അച്ഛനും അമ്മയുംഹാളിലാണ് കിടക്കുന്നത് പൊതുവായി ഒരു ബാത്രൂം ആണുള്ളത്.

ഈ വീട്ടിലേക്ക് എങ്ങനെ ഒരുപെണ്ണിനെ കൊണ്ടുവരും എന്നുള്ള ചിന്തകളെല്ലാം എന്നെ അലട്ടിയിരുന്നു. അങ്ങനെകല്യാണത്തിനായി ഞങ്ങൾ പുറപ്പെട്ടു. അച്ഛന് ശാരീരികമായ ചില ബുദ്ധിമുട്ടുകൾ ഉണ്ടെകിലും അമ്മവളരെ ആരോഗ്യവതിയായിരുന്നു.

എന്നെ ശരിക്കും പരിചയപ്പെടുത്തിയില്ലല്ലോ. എന്റെ പേര് ജിത്തു . എനിക്ക് സ്വന്തമായി ഒരു കാർവർക്ക്ഷോപ്പ് ആണ് ഉള്ളത്. പ്രീമിയം കാറുകൾ മാത്രം നോക്കുന്ന ഒരു വലിയ വർക്ക്ഷോപ്പ് അതിൽ15 ഓളം ജോലിക്കാരും ഉണ്ട്.