Chapter Title : ഭദ്രദീപം [KKWriter 2024] [EXTENDED EDITION]

പൊട്ടിച്ചു വായിക്കാൻ തുടങ്ങി.

‘പ്രിയപ്പെട്ട ഭദ്രയും, ദീപനും അറിയാൻ
കേശവൻ മാമൻ എഴുതുന്നത്.
ആദ്യമായി നിങ്ങൾ അറിയേണ്ട ചില സത്യങ്ങൾ നിങ്ങളിപ്പോൾ അറിഞ്ഞു തുടങ്ങുകയാണ്, ഞെട്ടരുത് പതറരുത്.

ഞാനും ഗൗരിയും ദേവനും കൂടെ അന്ന് ആ രാത്രി മധുരമീനാക്ഷി ക്ഷേത്രത്തിലെ വര്ഷം തോറും അരങ്ങേറുന്ന നൃത്തസന്ധ്യ കഴിഞ്ഞു മടങ്ങുന്ന വഴിയാണ് ആ അപകടം സംഭവിച്ചത്.

അത് സത്യത്തിൽ അപകടം അല്ല, മനപൂർവം ചെയ്തതാണ്.
മറ്റാരുമല്ല, ഇപ്പോൾ മോളെ വിവാഹം ആലോചിച്ച അനന്തന്റെ അച്ഛൻ സാക്ഷാൽ ….വിശ്വനാഥൻ.’

ഒരു നിമിഷം മനസ് പതറിപ്പോയി ഭദ്രയും ദീപനും വാവിട്ടു നിലവിളിച്ചു.

ഇരുവരും പരസ്പരം പുണർന്നുകൊണ്ട് ഒന്നും മിണ്ടാതെ കുറെ നേരം ബെഡിൽ ഇരുന്നു. അവർക്കതു താങ്ങാൻ കഴിയുന്നതിലും അപ്പുറമായിരുന്നു. ഇത്രയും നാൾ തങ്ങൾ രണ്ടുപേരെയും അനാഥരെ പോലെ ജീവിക്കാൻ വിട്ടതും, ദീപനു നല്ലൊരു വിദ്യാഭ്യാസം നേടാൻ കഴിയാതെ പോയതും, എല്ലാം വിശ്വനാഥൻ കാരണമെന്ന സത്യം അറിഞ്ഞ ഇരുവരുടെയും കണ്ണുകൾ ചുവന്നു.

ദീപന്റെ മാറിൽ ചേർന്നുകൊണ്ട് കരഞ്ഞു കുതിർന്ന കണ്ണുകളോടെ അവൾക്ക് പ്രതികാരം ചെയ്യണം എന്ന് ദീപനോട് ശഠിച്ചു.

ദീപൻ സമാധാനിപ്പിക്കാൻ നോക്കിയെങ്കിലും അവളുടെ കൂർമ്മബുദ്ധിയിൽ അവളൊരു ഉപായം കണ്ടെത്തിയാണ് അന്ന് ഉറങ്ങിയത്.

***

പിറ്റേന്നു ക്ലിനിക്കിൽ വെച്ച് അനന്തനെ കാണാൻ ആയി ഭദ്ര മോഹിപ്പിക്കുന്ന കണ്ണുകൾ എഴുതി, സാരി പൊക്കിൾ കാണുന്നപോലെ ഉടുത്തു, അവന്റെ മുന്നിലേക്ക് ചെന്നു.

അനന്തൻ അതൊന്നും നോക്കുകപോലും ചെയ്യാതെ ഭദ്രയോടു എന്താണ് കാര്യമെന്ന് സമാധാനമായി ചോദിച്ചു.

“ദീപേട്ടൻ രേവതിയമ്മയുടെ അവസ്‌ഥ എന്നെ പറഞ്ഞു മനസിലാക്കി. ഞാൻ വരാം ഇന്ന് മുതൽ. എനിക്ക് സമ്മതമാണ്” എന്ന് ഭദ്ര ചിരിച്ചുകൊണ്ട് അനന്തനോട് പറഞ്ഞു.

അവന്റെ മനസ്സിൽ എരിയുന്ന തീക്കനലിനു ഒരല്പം ആശ്വാസം ആയിരുന്നു ആ വാക്കുകളപ്പോൾ. അമ്മയക്ക് ഈ പ്രായത്തിൽ എങ്കിലും ഒരു കൂട്ട് ആവശ്യമാണ് എന്ന്, അവനു ഇന്നലെയാണ് അമ്മ അവരുടെ വിഷമങ്ങൾ എല്ലാം തുറന്നു പറഞ്ഞപ്പോൾ സത്യത്തിൽ മനസിലായത്.

രേവതിയമ്മയുടെ വീട്ടിലേക്ക് ഭദ്ര ചെല്ലുമ്പോൾ അവരുടെ സന്തോഷം വിവരിക്കാൻ വാക്കുകൾ ഇല്ലായിരുന്നു. അവൾ മനസുകൊണ്ട് മകളെപ്പോലെ സ്നേഹിക്കാനും ലാളിക്കാനും ആഗ്രഹിച്ച ഒരു പെണ്ണാണ് ഭദ്ര.

അവൾ വലതുകാൽ