Chapter Title : ഭർത്താവിന്റെ കൂട്ടുകാരൻ വിരിച്ച വല 3 [ഷംന]

കൊണ്ടിരുന്നു.

" ഇതാരാ ബ്ലോക്ക് ലിസ്റ്റിൽ ഒരു നമ്പർ? "
ഇക്ക വീണ്ടും മൊബൈൽ എന്റെ നേരെ തിരിച്ചു കൊണ്ട് ചോദിച്ചു.

എന്റെ കയ്യും കാലും വിറക്കുന്നുണ്ടായിരുന്നു. ഞാൻ മിണ്ടാതെ നിന്നു.

"പറ ആരാ? "
ഇക്കയുടെ ശബ്ദം കനത്തു.

" ആരാണെന്ന് അറിയില്ല. ഇന്നലെ രാത്രി മെസ്സേജ് വന്നപ്പോൾ ബ്ലോക്ക് ചെയ്തതാ'"

" എന്താ മെസ്സേജ് വന്നത്? "

" അറിയില്ല എന്തൊക്കെയോ ഫോട്ടോസ്."

"എന്ത് ഫോട്ടോസ്?"

" അറിയില്ല. ഞാൻ ഡൗൺലോഡ് ചെയ്തില്ല."

ഞാൻ ഇക്കയുടെ മുഖത്തുനിന്നും നോട്ടം മാറ്റി കൊണ്ട് പറഞ്ഞു.

എനിക്ക് പിന്നെയും ഒന്നും മിണ്ടാതെ മൊബൈലിൽ തന്നെ പരതാൻ തുടങ്ങി.

ഞാൻ വെറുതെ അടുത്ത വീട്ടിലെ രണ്ടാമത്തെ നിലയിലേക്ക് നോക്കി.
പെട്ടെന്ന് ആ നിലയിലെ മുറിയിലെ ജനലിന്റെ പുറകിൽ നിന്നും ഒരാൾ സൈഡിലേക്ക് മാറിയത് പോലെ എനിക്ക് തോന്നി. .

തോന്നിയതല്ല, അത് ആ വീട്ടിലെ ഹംസ കാക്കയാണ്. അയാൾക്ക് ഈ അസുഖം പണ്ടേ ഉള്ളതാണ്.

ഞാൻ തുണി വിരിക്കാനോ, ഇക്കായോട് ഫോണിൽ സംസാരിക്കാനോ ടെറസിനു മുകളിൽ കയറിയാൽ ആ നിമിഷം അയാൾ ആ ജനലിന്റെ പുറകിൽ പ്രത്യക്ഷപ്പെടും.

ഇക്ക ഗൾഫിൽ നിന്ന് വിളിക്കുമ്പോൾ ഞാൻ ഇടയ്ക്ക് ഇവിടെ വന്ന് നിന്നാണ് സംസാരിക്കാറുള്ളത്.

എപ്പോഴൊക്കെ ഞാൻ ടെറസിനു മുകളിൽ കയറിയിട്ടുണ്ടോ അപ്പോഴൊക്കെ ഞാൻ അയാളെ ആ ജനലിന് പുറകിൽ കണ്ടിട്ടുണ്ട്.

ആള് ചെറിയൊരു ഞരമ്പാണ് എന്നാണ് പൊതുവേ എല്ലാരും പറയാറ്.

അയാളും ഭാര്യയും മാത്രമേ ആ വീട്ടിലുള്ളൂ.. മക്കളെല്ലാം ഗൾഫിലാണ്.

ഇവിടുത്തെ ഉപ്പയുടെ പ്രായമുണ്ട് അയാൾക്ക്.

ഞാൻ നോക്കി നിൽക്കെ അയാളുടെ തല വീണ്ടും ആ ജനലിൽ പ്രത്യക്ഷപ്പെട്ടു. ഞാൻ നോക്കുന്നുണ്ടെന്ന് മനസ്സിലായപ്പോൾ പെട്ടെന്നയാൾ തല വലിച്ചു.

"ഇതെന്താ?"

ഇക്കയുടെ പെട്ടെന്നുള്ള ചോദ്യം കേട്ട് ഞാൻ ഞെട്ടി ഇക്കായെ നോക്കി.

ഇക്കാ എന്റെ കാലിലേക്ക് നോക്കി കൊണ്ടാണ് ചോദിക്കുന്നത്.

"എന്തിക്കാ?"

ഞാനും എന്റെ കാലിലേക്ക് നോക്കിക്കൊണ്ട് ഇക്കയോട് ചോദിച്ചു.

"ഇത്."

ഇക്കാ കാലുകൊണ്ട് എന്റെ കാലിലെ പാദസരത്തിൽ ചവിട്ടിക്കൊണ്ട് വീണ്ടും ചോദിച്ചു.

"കൊലുസ്"

ഈ ചോദ്യം എങ്ങോട്ടൊക്കെ പോകുമെന്ന് മനസ്സിലാക്കി കൊണ്ട്