Chapter Title : ഭർത്താവിന്റെ കൂട്ടുകാരൻ വിരിച്ച വല 2 [ഷംന]

അവൾ ഫോൺ കട്ട് ചെയ്ത് എന്റെ അടുക്കലേക്ക് വന്നു.

"പോകാം.. നിനക്ക് എന്തെങ്കിലും വാങ്ങാനുണ്ടോ? "

"ഇല്ല പോകാം"
ഞാൻ പറഞ്ഞു.

ഞങ്ങൾ റോഡിലേക്കിറങ്ങി. റോഡ് ക്രോസ് ചെയ്തു സ്കൂട്ടി പാർക്ക് ചെയ്തിരിക്കുന്നിടത്തേക്ക് ഞങ്ങൾ നടന്നു.

സിനി സ്കൂട്ടി റോഡിലേക്ക് ഉരുട്ടി ഇറക്കവേ ഒരു കാർ ഞങ്ങളുടെ അടുത്ത് വന്നു നിന്നു.
ആഷിക്കായിരുന്നു അതിൽ.

ഞാൻ ആഷിക്കിനെ കണ്ടതും പെട്ടെന്ന് സൈഡിലേക്ക് മാറി തിരിഞ്ഞു നിന്ന് കളഞ്ഞു.

ആഷിക് വിൻഡോ ഗ്ലാസ് താഴ്ത്തി, ഹോൺ അടിച്ചു.

സിനി സ്കൂട്ടി സ്റ്റാൻഡിൽ വച്ചിട്ട് കാറിനടുത്തേക്ക് ചെന്നു. അവർ എന്തോ സംസാരിച്ചിട്ട്, സിനി എന്നെ തിരിഞ്ഞു നോക്കി.

" ടീ ഇങ്ങോട്ട് വന്നേ..."
സിനി എന്നെ വിളിച്ചു.

ഇവൾക്ക് ഇതെന്താ. ഞാൻ ചൂളി നിൽക്കുവാണെന്ന് അറിഞ്ഞിട്ടും അവൾ എന്തിനാണ് എന്നെ കാറിനടുത്തേക്ക് വിളിക്കുന്നത്.
ഞാൻ മടിച്ചു മടിച്ചു കാറിനടുത്തേക്ക് ചെന്നു.

"കാറിൽ പോകാം ഷംനാ... വെയിലല്ലേ?
ആഷിക് കുനിഞ്ഞ് എന്നെ നോക്കി ചോദിച്ചു.

"സിനീ... വേണ്ട പ്ലീസ്...
ഞാൻ സിനിയോടാണ് അതിന് മറുപടി പറഞ്ഞത്.

"ആ എന്നാ ആഷി പൊയ്ക്കോ ഞങ്ങൾ അങ്ങ് വന്നേക്കാം."
സിനി ആഷിക്കിനോട് പറഞ്ഞു.

"എന്നാൽ ശരി ഞാൻ പോട്ടെ??
ആഷിക് ചിരിച്ചുകൊണ്ട് എന്നോടാണ് ചോദിച്ചത്.

മറുപടിയായി ഞാനൊന്ന് തലകുലുക്കി.

ഞാൻ ആഷിക്കിനെ നോക്കുമ്പോൾ എല്ലാം കുറച്ചു മുൻപേ നടന്ന കാര്യങ്ങൾ എന്റെ മനസ്സിലേക്ക് തികട്ടി വരുകയായിരുന്നു.

അതുകൊണ്ട് ഞാൻ പിന്നെയും പുറകിലോട്ട് മാറി തിരിഞ്ഞുനിന്നു.

ആഷി പിന്നെയും സിനിയോട് എന്തോ പറഞ്ഞിട്ട് കാർ മുന്നോട്ടെടുത്തു.

"ഈ പെണ്ണിന്റോരു നാണം"
ആഷിക് പോയിക്കഴിഞ്ഞപ്പോൾ സിനി എന്നെ