Chapter Title : ഭൂമിയിലെ ഗന്ധർവ്വൻ 1 [Mizmu-The copier]

അധികം ആളുകൾ ഇല്ല

എനിക്ക് ഉള്ളിൽ ചിരി വന്നെങ്കിലും പുറത്തേക്ക് അതൊരു പുഞ്ചിരി മാത്രം ആക്കി

''നമുക്കങ്ങോട്ട് പോകാം ''

ഞാൻ കൈ ചൂണ്ടി കാണിച്ചു പറഞ്ഞു

രുദ്രൻ എന്റെ മുഖത്ത് നോക്കിയശേഷം ഞാൻ കൈ ചൂണ്ടിയ ഭാഗത്തേക്ക് നോക്കി

അവിടെ ആളുകൾ കുറവാണെന്ന് കണ്ടത് കൊണ്ടാവാം കുതിരയെ പതുക്കെ അങ്ങോട്ട് തിരിച്ചു

പക്ഷെ ആ വാളിലെ പിടുത്തം ഇപ്പോഴും വിട്ടിട്ടില്ല

ഞാനും ഒപ്പം കുതിരയെ തിരിച്ചു അവന്റെ ഒപ്പം നടന്നു

അവിടെ ഉള്ള കച്ചവടക്കാരും ആളുകളും തൊഴു കയ്യോടെ പുഞ്ചിരിച്ചു എന്നെ നോക്കി നില്കുന്നു

എല്ലാവർക്കും  കൊടുത്ത പുഞ്ചിരി അവർക്കും സമ്മാനമായി നൽകി

ഞാൻ ആ പെൺകുട്ടിയുടെ അടുത്ത് എത്തി

ഞാൻ കുതിരയെ അവിടെ നിർത്തി

രുദ്രൻ എന്താ എന്ന ഭാവത്തോടെ എന്നെ നോക്കി

ഞാൻ കണ്ണ് കൊണ്ട് നോക്കി ആ പെൺകുട്ടിയെ കാണിച്ചു

രുദ്രൻ അവളെ ഒന്ന് നോക്കി എന്താ എന്ന രീതിയിൽ തിരിച്ചു എന്നെയും നോക്കി

ഞാൻ വീണ്ടും അവളിലേക്ക് എന്റെ കണ്ണുകളെ പായിച്ചു

ഇരുന്ന് കാൽ മടക്കി മുട്ടിലേക്ക് തല വെച് എന്തോ ചിന്തയിൽ താഴേക്ക് നോക്കിയിരിക്കുകയാണ് അവൾ

മുന്നിൽ എന്തോ ഒരു പഴം ഉണ്ട് അത് ഓരോ പൊതികളായി മുന്നിൽ വേറെയും വെച്ചിട്ടുണ്ട്

ഞാൻ കുതിരപ്പുറത് ഇരിക്കുന്നത് കൊണ്ടും അവൾ തല താഴ്ത്തി ഇരിക്കുന്നത് കൊണ്ടും എനിക്ക് മുഖം കാണുന്നില്ല

പക്ഷെ ഒരു ക്ഷീണിച്ച പ്രകൃതം

കയ്യും ,കാല്പാദങ്ങളും നല്ല ഭംഗിയുണ്ട് , തൂവെള്ള നിറം ,കറുത്ത വസ്ത്രം അതല്പം മുഷിഞ്ഞിരിക്കുന്നു

പതിയെ അവൾ തല പൊക്കി നോക്കി ആദ്യം