Chapter Title : ബോഡിഗാർഡ് 2 [Mrskin]

സെറ്റിലേക്ക് കടന്നു. കാറിൽ നിന്നും അതിസുന്ദരി ആയ ഒരു നായിക വെളിയിലേക്കിറങ്ങി.

മോഹിനി ഷെട്ടി..!!

മോഹിനി ഷെട്ടി ഇന്ത്യയിലെ തന്നെ ഏറ്റവും ബഹുമാനിക്കപ്പെടുന്ന നടിമാരിൽ ഒരാളാണ്. തെലുഗ് ഇൻഡസ്ട്രിയിൽ തുടങ്ങി ഇപ്പൊ ഇന്ത്യ ഒട്ടാകെ അറിയപ്പെടുന്ന താരാറാണി. മികച്ച അഭിനയതിനുള്ള നാഷണൽ അവാർഡ് ഉൾപ്പടെ പല അവാർഡുകളും ഈ 40 വയസ്സിനിടയിൽ കരസ്തമാക്കിയ അതുല്യ പ്രതിഭ. പ്രായം തോൽപിക്കാത്ത സൗന്ദര്യവും അതിനൊത്ത മനസ്സിനുമുടമ. ഞാൻ അവരുടെ ഒരു കട്ട ഫാൻ അല്ലെങ്കിലും ഒരുപാട് ബഹുമാനിക്കുന്ന ഒരു വ്യക്തിയാണ്. അവരെ നേരിൽ കാണാൻ തന്നെ കഴിഞ്ഞത് ഒരു ഭാഗ്യമാണ്.

കാറിൽ നിന്നിറങ്ങിയതും അണിയറ പ്രവർത്തകർ അവരെ ആദരവുകൾ കൊണ്ട് മൂടി. ചുണ്ടിൽ ഒരു ഹൃദ്യമായ പുഞ്ചിരിയോടെ അവർ എല്ലാരേയും വരവേറ്റു. മോഹിനി നടക്കുന്നത് കാണുവാൻ തന്നെ ഒരു രാജകീയത ഉണ്ടായിരുന്നു.

"വെയർ ഈസ്‌ മൈ ഗേൾ..??!!" മോഹിനി ചുറ്റും പരതി കൊണ്ട് ചോദിച്ചു.

"ഹായ് മാം..." സോഫി അവിടേക്ക് ചെന്നു.

"സോഫി മൈ ബ്യൂട്ടിഫുൾ ലിറ്റിൽ ഡോൾ " അതും പറഞ്ഞു മോഹിനി സോഫിയെ വാരിപ്പുണർന്നു.

"ഐ മിസ്സ്ഡ് യു മാം "

"മിസ്സ്ഡ് യു ടൂ ഡിയർ "

അവർ പിന്നീട് കന്നഡയിൽ എന്തൊക്കെയോ പറഞ്ഞു. കുറച്ചു നേരം സംസാരിച്ച ശേഷം അവർ റെഡി ആവാൻ ആയി കാരവാനിലേക്ക് പോയി. സോഫി അവളുടെയും.

ആ സമയത്തു സെറ്റിൽ നായകന്റെ എന്തോ സീൻ നടക്കുകയാണ്. പെട്ടന്നാണ് മോഹിനി സോഫിയുട കറവാനിന്റെ അടുത്തേക്ക് വന്നത്. ഒരു ചുവന്ന സാരി ആയിരുന്നു അവർ ഉടുത്തിരുന്നത്. നല്ല ഐശ്വര്യം ആയിരുന്നു അവരെ കാണാൻ