Chapter Title : 🏘️ബോസ്റ്റൻ ബംഗ്ലാവ് 13 [Gladiator]

ഒടുവിൽ പാചകം ചെയ്ത് ചെയ്ത് അടുക്കളയിലെ സർവ്വ സാധന സാമാഗ്രഹികളും തീർന്നു.

“ഏയ്.. ജൂലി.. ജൂലി…എഴുനേൽക്ക്” മാസ്റ്റർ ബെഡ്‌റൂമിൽ ഉറങ്ങുക ആയിരുന്ന ജൂലിയെ കത്രീന തട്ടി ഉണർത്തി.അവൾ ജൂലിയുടെ തോളിൽ തലോടി. "വേഗം.. വേഗം എഴുന്നേൽക്ക്”.

“എന്ത്?" ജൂലി സ്വപ്നത്തിൽ നിന്ന് ഉണർന്നു,വിടർന്ന കണ്ണുകളോടെ ചുറ്റും നോക്കി.ബെഡ്‌റൂം കിടന്നു വിറക്കുന്നത് അവൾ അറിഞ്ഞു.വീടാകെ ഒരു മുഴക്കം ജൂലി കേട്ടു. അടുത്തിരുന്ന ടേബിൾ ലാമ്പ് അടക്കം വിറയ്ക്കുന്നു.മുന്നിൽ കത്രീനയെ കണ്ട ജൂലി നഗ്നമായ അവളുടെ മുലകൾക്ക് മുകളിലേക്ക് അറിയാതെ തന്നെ ബെഡ്ഷീറ്റ് എടുത്തു പുതച്ചു.വീട്ടിൽ നിന്നും പോയി എന്ന് കരുതിയ കത്രീന വീണ്ടും വന്നു എന്നറിഞ്ഞ ജൂലി ഞെട്ടിപ്പോയി.

“നിങ്ങളുടെ മക്കൾ അപകടത്തിലാണ്." കത്രീനയുടെ വിളറിയ മുഖത്ത് പതിവ് ചിരി ഇല്ലായിരുന്നു.കത്രീനയുടെ മുഖമാകെ ഭയം നിഴലിച്ചു. “നിന്റെ മകൾ ഡെയ്സി…കാമുകനെ രാസലീലക്കായി ബംഗ്ലാവിൽ വിളിച്ചു കയറ്റിയതോടെ അവളും ഫെഡറിക്കിന്റെ നോട്ടപ്പുള്ളി ആയിക്കഴിഞ്ഞു.” ഒറ്റ ശ്വാസത്തിൽ കത്രീന പറഞ്ഞു.അവൾ തന്റെ ഇടത് കൈ ജൂലിക്ക് നേരെ നീട്ടി, അവൾ കൈയിൽ പിടിച്ചു എഴുനേറ്റു.

“എ.. എന്റെ ഹസ്ബൻഡ്…???” വലിയ മുഴക്കത്തോടെ ഭൂമി കുലുക്കം പോലെ ഇളകി ആടുന്ന ബംഗ്ലാവിൽ നടക്കുന്ന കാര്യങ്ങൾ അറിയാതെ അവളുടെ അടുത്ത് കൂർക്കം വലിച്ചുകൊണ്ടിരുന്ന ജോർജിനെ ജൂലി നോക്കി.

“അയാളെ വിട്….. അവന്റെ ജീവനിൽ ഫെഡറിക്കിന് യാതൊരു താല്പര്യവും ഇല്ലാ” പറഞ്ഞത് പൂർണ്ണമായും സത്യം അല്ലെങ്കിലും ആത്മാർഥതയുടെ മുഖഭാവത്തോടെ കത്രീന പറഞ്ഞു “വാ സമയം കളയാതെ…”.

“ഓക്കേ..” മറ്റൊന്നും ചിന്തിക്കാതെ ജൂലി കത്രീനയുടെ കൈ പിടിച്ചു ഹാളിലേക്ക് പോയി. കത്രീനയെ അപ്പോൾ പ്രേതത്തെ പിടിക്കാൻ വന്നവർ