Chapter Title : 🏘️ബോസ്റ്റൻ ബംഗ്ലാവ് 13 [Gladiator]

അവനത് ഗവനിച്ചില്ല

“ഞാൻ ബംഗ്ലാവിൽ വന്നതിനു ശേഷം കത്രീന പറഞ്ഞത് പോലെ ഒരു കരാറിൽ ഏർപ്പട്ടു…അതിന് ശേഷമാണു എന്റെ ജീവിതം തന്നെ മാറി മറിഞ്ഞത്. സത്യം പറ.. ഞാൻ കരാറിൽ ഏർപ്പെട്ടത് നിങ്ങളോടൊപ്പം അല്ലേ…?” ഡാനിയേൽ മനസ്സിൽ തോന്നിയത് വെട്ടിത്തുറന്ന് ചോദിച്ചു.

Day star പൊട്ടിച്ചിരിച്ചു “അതെ, തീർച്ചയായും. കത്രീന എൻ്റെ സുഹൃത്തും പങ്കാളിയുമാണ്.”

“അപ്പോൾ ഈ സിനിമയിൽ കാണുന്നത്. പോലെ എന്റെ ആത്മാവ് നിന്റെ സ്വന്തം ആയോ…?” ആ ചോദ്യം ചോദിക്കുന്ന സമയം ആദ്യമായി ഡാനിക്ക് Day star നോട്‌ അടുത്ത് നിൽക്കാൻ ഭയം തോന്നി.

“ഹ ഹ.. ഇല്ലാ…ആരുടേയും ആത്മാവ് സ്വന്തമാക്കാൻ എനിക്ക് കഴിയില്ല.ആത്മാവ് എന്ന ചിന്ത പോലും എനിക്ക് അതീതമാണ്.. എനിക്ക് മാത്രമല്ല ഈ ലോകത്തിൽ ദൈവമെന്ന് പറഞ്ഞു നിങ്ങൾ ആരാധിക്കുന്നവന് പോലും ആത്‍മാക്കളുടെ മേൽ അധികാരം ഇല്ല.നിങ്ങൾ വിശ്വസിക്കുന്നതുപോലെ അവൻ ഇതെല്ലാം സൃഷ്ടിച്ചില്ല.മനുഷ്യമാരോട് തന്നെ ആരാധിക്കാൻ പറഞ്ഞു അതിലൂടെ സന്തോഷം കൊള്ളൂന്ന നിസ്സാരനായ വ്യക്തിയാണ് അവൻ.”

“കത്രീനയെ കൊണ്ട് നിങ്ങൾ ഞാനുമായി ഒരു ഡീൽ ഉണ്ടാക്കി.. അതിലൂടെ നിങ്ങൾക് എന്താ കിട്ടുന്നെ..?

“ഈ ലോകത്ത് ഒരുപാട് നിയമങ്ങൾ ഉണ്ട്…എന്ത് ചെയ്യണം ചെയ്യരുത് എന്ന് പറയുന്ന നിയമങ്ങൾ. നിയമങ്ങൾ ലംഗിക്കാൻ എനിക്ക് ഇഷ്ടമാണ്…..നിങ്ങൾ ഈ പ്രപഞ്ചത്തിലെ നിയമങ്ങൾക്ക് എതിരായി ചെയ്യുന്ന ഓരോ പ്രവർത്തിയും എന്നെ ശക്തനാക്കും..ഇതിലുണ്ട് നിനക്കുള്ള മറുപടി. പിന്നെ നമുക്ക് പിരിയാൻ സമയമായി…എന്നോട് ചോദ്യങ്ങൾ ചോദിച്ചതിന് നന്ദി.” Day star പറഞ്ഞു.

“വെയിറ്റ്..എനിക്ക് ഇനിയും ചോദിക്കാൻ ഉണ്ട്…” അവൻ പറഞ്ഞു തീരും മുമ്പേ അവനു മുന്നിലെ കടത്തീരവും, സൂര്യനും എല്ലാം മാഞ്ഞു.