Chapter Title : 🏘️ബോസ്റ്റൻ ബംഗ്ലാവ് 14 [Gladiator]

“ശെരിയാണ്.. ഈ മുറി അവന്റെത് ആണ്. ഫെഡറിക്കിന്റെ. ഈ മുറിയാണ് ഫെഡറിക്കിന്റെ പവർ സോഴ്സും…”ലൈല പറഞ്ഞു.അവൾ എന്തൊക്കെയോ മനസിലാക്കിയത് പോലാരായിരുന്നു സംസാരം.

“ഡാനിയേൽ…പറ… ലാസ്റ്റ് ടൈം നീ എപ്പോഴാ ഫെഡറിക്കിന്റെ ആത്മാവിനെ കണ്ടത്…?”

“ഞാൻ കണ്ടിട്ട് ഒരുപാട് ആയി. ബട്ട്‌ ഇന്നലെ അവൻ അമ്മയെയും ഡെയ്സിയെയും അറ്റാക്ക് ചെയ്യാൻ നോക്കി, പക്ഷെ നീ കൊടുത്ത മാന്ത്രിക പൊതികൊണ്ട് അമ്മ അവനെ തടഞ്ഞു”

ലൈല കണ്ണുകൾ അടച്ചു മനസ്സിൽ എന്തൊക്കെയോ ആലോചിച്ചു…ശേഷം അവൾ കണ്ണുകൾ തുറന്നുകൊണ്ട് പറഞ്ഞു.

“സോ.. ദാറ്റ്‌സ് ഇറ്റ്.. ഈ റൂം ഫെഡറിക്കിന്റെ ആത്മാവിന്റെ സ്ഥലം ആണ്. എന്റെ ഊഹം ശരിയാണെങ്കിൽ നിന്റെ അമ്മ ഉപയോഗിച്ച മാന്ത്രിക പൊതിയുടെ എഫക്റ്റിൽ അവന്റെ ശക്തി കുറഞ്ഞിരിക്കുന്നു. അല്ലെങ്കിൽ അവൻ എപ്പോഴേ നമ്മളെ കൊന്നേനെ…”

“വാട്ട്‌…?”

“അതെ ഡാനിയേൽ.

“നോ.. കത്രീന…കത്രീന നമ്മളെ ഹെല്പ് ചെയ്യും..

“എനിക്ക് തോന്നുന്നില്ല.. അവൾക് ഈ റൂമിൽ കയറാൻ പറ്റുമോ എന്ന് എനിക്ക് സംശയം ആണ്.

“ഇനി.. ഇനി എന്താ ചെയ്യുക…. ഈ കരടി നമ്മളെ കൊല്ലില്ലെ…

“നോ…അതിനുമാത്രം ഉള്ള കരുത്തു അതിനിപ്പോൾ ഉണ്ടെന്ന് തോന്നുന്നില്ല. ഫെഡറിക്കിന്റെ ആത്മാവിന്റെ ചെറിയൊരു ശതമാനം മാത്രമാണ് ഇപ്പോൾ ഈ കരടിയിൽ ഉള്ളത്. പക്ഷെ നമ്മൾ ഇവിടെ സമയം ചിലവഴിക്കും തോറും അതിന്റെ കരുത്തു കൂടി കൂടി വരും.

“ങേ.. ങേ…അപ്പോൾ അപ്പോൾ ഇനി ന്താ ചെയ്യുക…”ഡാനിയേൽ ഭയന്ന് തുടങ്ങിയിരുന്നു.

“ഈ മുറിയിൽ. ഫെഡറിക്കിന്റെ പവർ ഹൗസ് ആയ ഈ മുറിയിൽ വെച്ചു തന്നെ അവന് ഇഷ്ടമില്ലാത്ത ഒരു കാര്യം നടക്കണം..”

“അതെന്താ….?

“കത്രീന ഇവിടെ എത്തിയില്ലെങ്കിലും,