Chapter Title : 🏘️ബോസ്റ്റൻ ബംഗ്ലാവ് 19 [Gladiator]

മൊബൈൽ ഒക്കെ മാറ്റിവെചേ…നീ വേണം ഇത് കേൾക്കാൻ” മൊബൈൽ തോണ്ടികൊണ്ടിരുന്ന തന്റെ മൂത്തമകൻ ഡേവിഡ്നോടായി ജൂലി പറഞ്ഞു.

ഡേവിഡ് മൊബൈൽ മാറ്റിവെച്ച് അമ്മ എന്താണ് പറയാൻ പോകുന്നതെന്ന് ശ്രദ്ധിച്ചു.

“ ഒരു ഹാപ്പി ന്യൂസ് പറയാനുണ്ട്” ചിരിച്ചുകൊണ്ട് ജൂലി പറഞ്ഞു.

“ ഞങ്ങൾ പ്രഗ്നന്റ് ആണ്” ജൂലിയും റിയയും ഒരേസമയം കുടുംബങ്ങങ്ങളോടായി പറഞ്ഞു.

തന്റെ ഭാര്യയുടെ വാക്കുകൾ കേട്ട ജോർജ് ഒരു നിമിഷം ഞെട്ടിപ്പോയി. കേട്ടത് വിശ്വസിക്കാനാവാതെ അവൻ ജൂലിയെ അന്തം വിട്ടു നോക്കിയിരുന്നു.

“വാട്ട്‌..?” പറഞ്ഞത് വിശ്വാസമാകാതെ ഡേവിഡ് ചോദിച്ചു.

“ നി നീ നിങ്ങൾ രണ്ടും…?” ആ ചോദ്യം ചോദിക്കുമ്പോൾ ഡാനിയുടെ മുഖത്തെ അവസാനത്തുള്ളി ചോരയും വറ്റിപ്പോയിരുന്നു.അവന്റ മുഖം വിളറി വെളുത്തു.

ഡെയ്സി ഇതേസമയം തന്റെ ഇരട്ട സഹോദരനെ തന്നെ നോക്കിയിരിക്കുകയായിരുന്നു. അവന്റെ മുഖത്തെ ഭാവ വ്യത്യാസങ്ങൾ അവൾ കണ്ണിൽ ഒപ്പി എടുത്തു.ഡെയ്സി ഡാനിയുടെ അരികിലേക്ക് ചേർന്നു ഇരുന്നുകൊണ്ട് അവന്റെ കയ്യിൽ മുറുകെ അമർത്തി. അവൻ എന്താന്ന് ആലോചിക്കുന്നതെന്ന് അവൾക്ക് മനസ്സിലായിരുന്നു.

ജൂലിയുടെയും റിയയുടെയും വാക്കുകൾ സന്തോഷം പകർന്നെങ്കിലും വീട്ടിലെ പുരുഷന്മാരുടെ മുഖത്ത് വലിയ സന്തോഷം കാണാത്ത ലൈല കൺഫ്യൂഷനിൽ ആയിരുന്നു. “നല്ലൊരു കാര്യം പറഞ്ഞിട്ട് ഇവർക്കൊക്കെ എന്താ ഒരു സന്തോഷം ഇല്ലാത്തത്” ലൈല ചിന്തിച്ചു.

“വെൽ…ഇങ്ങനെയൊരു ക്രിസ്മസ് ഗിഫ്റ്റ് ഞാൻ പ്രതീക്ഷിച്ചതെ ഇല്ല…” ജോർജ് കഷ്ടപ്പെട്ട് മുഖത്തൊരു പുഞ്ചിരി വരുത്തി. “ കുടുംബത്തിലേക്ക് പുതിയ രണ്ട് അംഗങ്ങൾ കൂടി വരുന്നു അല്ലേ” ചിരിച്ചുകൊണ്ട് സോഫയിൽ നിന്നും എഴുന്നേറ്റ ശേഷം എതിരെയുള്ള സോഫയിൽ ഇരുന്ന തന്റെ ഭാര്യ ജൂലിയുടെ മുൻപിലായി വന്നു മുട്ടുകുത്തിയിരുന്നുകൊണ്ട് ജോർജ് ചോദിച്ചു “ ആർ യു ഹാപ്പി???”

“ വെരി മച്ച്” ജോർജിനൊരു പുഞ്ചിരി സമ്മാനിച്ചുകൊണ്ട് ജൂലി മറുപടി നൽകി. പ്രഗ്നന്റ് ആണെന്ന വിവരം ജോർജിത്ര കൂളായി സ്വീകരിക്കുമെന്ന് അവൾ സ്വപ്നത്തിൽ പോലും കരുതിയില്ല.

“ ഷിറ്റ് ഷിറ്റ്” ഡേവിഡ് ആകെ അസ്വസ്ഥനായിരുന്നു. അവന്റെ മുഖം ദേഷ്യത്തിൽ ചുമന്നു. “റിയ…വാട്ടീസ് ദിസ്…? നീയെന്താ ഗുളിക കഴിച്ചില്ലേ..?” റിയ പ്രഗ്നന്റ് ആയതിലുള്ള നീരസം ഡേവിഡ് പ്രകടിപ്പിച്ചു.

“ഡേവിഡ്… ഇത് സന്തോഷിക്കേണ്ട സമയമാണ്😡” തന്റെ മകനെ ദേഷ്യത്തോടെ നോക്കി ജോർജ് പറഞ്ഞു. “ നീ ഒരച്ഛൻ ആവാൻ പോവുകയാണ്. അല്പം എങ്കിലും മെച്ചൂരിറ്റി കാണിക്ക്” ജോർജ് കൂട്ടിച്ചേർത്തു.

“സോറി” റിയയെ നോക്കി ഡേവിഡ് പറഞ്ഞു.പക്ഷേ ആ സമയം റിയ തന്റെ അനിയൻ ഡാനിയെ തന്നെ നോക്കിയിരിക്കുന്നത് കണ്ട