Chapter Title : 🏘️ബോസ്റ്റൻ ബംഗ്ലാവ് 19 [Gladiator]

ലൈല ഒരു തൊപ്പി തലയിൽ ഇരിക്കുന്നത് ശ്രദ്ധിച്ചത്.അവൾ അത് ഊരിമാറ്റി അത്ഭുതത്തോടെ നോക്കി. തുണികൊണ്ട് നിർമ്മിച്ച,പൂക്കൾ കൊണ്ട് അലങ്കരിച്ച മനോഹരമായ ഒരു തൊപ്പി.പെട്ടെന്ന് അവിടെയാകെ വല്ലാത്ത രീതിയിൽ കാറ്റടിച്ചു.

“ ആ തൊപ്പി തലയിൽ വയ്ക്കാൻ നോക്ക്. സൂര്യൻ കത്തി നിൽക്കുന്നത് കണ്ടുകൂടെ” പരുഷമായ ഒരു പുരുഷ ശബ്ദം ലൈല പിന്നിൽ നിന്നും കേട്ടു. “ ഈ വെയിൽ നിന്റെ പാല് പോലുള്ള തൊലിക്ക് സഹിക്കാൻ കഴിയില്ല പെണ്ണേ” പിറകിൽ നിന്നും കുതിരക്കുളമ്പടികളുടെ ശബ്ദവും അവൾ കേട്ടു.

തൊപ്പി തലയിൽ വച്ചുകൊണ്ട് തിരിഞ്ഞു നോക്കിയ ലൈല കണ്ടത് കുതിരപ്പുറത്ത് ഇരിക്കുന്ന ഭീമാകാരനായ കത്രീനയുടെ ഭർത്താവ് ഫെഡറക്കിനെയാണ്. ഒരു നിമിഷം കൊണ്ട് തൊണ്ടയിലെ അവസാന തുള്ളി ജലവും വറ്റിപ്പോയത് പോലെ അവൾക്ക് തോന്നി. അവന്റെ കട്ടി മീശയും നീളൻ താടിയും കറുത്ത കണ്ണുകളും കണ്ടാൽ ആരും ഒന്നും ഭയന്ന് പോകും. എങ്ങനെയൊക്കെയോ മനസ്സാന്നിധ്യം വീണ്ടെടുത്ത ലൈല ചോദിച്ചു “ എക്സ്ക്യൂസ് മി ആരാ.. ആരാ താൻ..?”

“ ഞാനാരാന്നുള്ളത് അവിടെ നിൽക്കട്ടെ നീയാരാ എന്നുള്ളത് നിനക്ക് അറിയാമോ..? മാസങ്ങൾക്ക് മുമ്പ് വരെ ആരാധിച്ചിരുന്ന ദൈവത്തെ തന്നെയാണോ നീ ഇപ്പോഴും ആരാധിക്കുന്നത്… നോ യു ആർ നോട്ട്…ചെകുത്താന് വേണ്ടിയാണ് നീ ഇപ്പോൾ ജോലി ചെയ്തുകൊണ്ടിരിക്കുന്നത്” ഫെഡറിക്ക് പറഞ്ഞു.

അപ്പോഴാണ് അവന്റെ കയ്യിലിരുന്ന ചെറിയൊരു തോക്ക് ലൈല കണ്ടത്.

“നോ..” ചെറുതായി ഭയന്ന് ലൈല പിറകിലേക്ക് രണ്ടടിവെച്ചു.ലൈല തിരിഞ്ഞുനോക്കി. ഇപ്പോഴാണ് താൻ എവിടെയാണ് ലൈല ശരിക്കും ശ്രദ്ധിച്ചത് ബംഗ്ലാവിൽ നിന്നും മാറി ഏകദേശം 100 മീറ്റർ അകലെയാണ് അവൾ നിൽക്കുന്നത്. സൂര്യപ്രകാശത്തിൽ