Chapter Title : 🏘️ബോസ്റ്റൻ ബംഗ്ലാവ് 20 [Gladiator]

കൈ വീശി കാണിച്ചു. താഴെ നിന്ന കത്രീനയും തിരികെ കൈ വീശി കാണിച്ചു.

അൽപനേരം കൂടെ ചുംബനം തുടർന്ന ശേഷം ഡെയ്സിയും ദിവ്യയും മെയിൻ ഹാളിലേക്ക് തിരികെ വന്ന് ന്യൂ ഇയർ പാർട്ടിയിൽ ജോയിൻ ചെയ്തു.

🔸🔸🔸🕣

“ടിക്…ടിക്…” ഹാളിൽ അത്രയും പേര് നിന്ന് സംസാരിക്കുകയായിരുന്നിട്ടും ബംഗ്ലാവിൽ ഇടയ്ക്ക് ഇടയ്ക്ക് കേള്കുന്ന ക്ലോക്കിന്റെ ശബ്ദം ഡെയ്സിയുടെ കാതിൽ പതിഞ്ഞു

“മ്മ്…ചെറുതായി ക്ലോക്കിന്റെ ശബ്ദം കേൾക്കുന്നുണ്ട്…എന്നാലും ഈ ക്ലോക്കിത് എവിടെയാ ഇരിക്കുന്നത്..?, ഇതുവരെ നേരിൽ കാണാൻ പറ്റിയിട്ടില്ല.”കണ്ണ് തുറന്നുകൊണ്ട് ഡെയ്സി പറഞ്ഞു.

ഡാനിയുടെയും ഡെയ്സിയുടേയം സംസാരം കേട്ട് അരികിൽ നിന്ന് ദിവ്യ തനിക്ക് എന്തെങ്കിലും ശബ്ദം കേൾക്കാൻ സാധിക്കുമോ എന്ന് അറിയാൻ വേണ്ടി കണ്ണുകൾ അടച്ച് കാത് കൂർപ്പിച്ചുനോക്കി.എന്നാൽ ഹാളിലെ അതിഥികളുടെ സംസാരവും,അരികിലായി ചിമ്മിനിയിൽ കത്തി കൊണ്ടിരിക്കുന്ന വിറക് പൊട്ടുന്ന ശബ്ദവും മാത്രമേ അവൾക്ക് കേൾക്കാൻ സാധിച്ചുള്ളൂ.

“ന്യൂയർ ആകാൻ 5 മിനുറ്റ് കൂടെ…” ഹാളിലെ അതിഥികൾ ആരവമിട്ടു.

“ഡെയ്സി…നീയൊന്ന് വന്നെ.. ഒരു കാര്യം പറയാനുണ്ട്..”ചേട്ടത്തിയുടെ കയ്യിൽ നിന്നും പിടി വിട്ടുകൊണ്ട് ഡാനിയേൽ ഡെയ്സിയോട് പറഞ്ഞു.

“ഓക്കേ…”ചേട്ടത്തിയുടെ കൈ വിട്ടതും ഡാനിയുടെ ആ കൈയിൽ ഡെയ്സി പിടിച്ചു.

“ഞങ്ങളിപ്പോൾ വരാം..” തന്നെ നോക്കി നെറ്റി ചുളിച്ച ചേട്ടത്തിയെ നോക്കി ഡാനിയൽ കണ്ണിറുക്കി. എന്തോ ഓർത്തെടുക്കാൻ ശ്രമിക്കുന്നത് പോലെ വിചിത്രമായ മുഖഭാവത്തിൽ നിൽക്കുകയായിരുന്നു ദിവ്യ.

ഡാനിയുടെ കൈ പിടിച്ചു മെയിൻ ഹാളിലെ അതിഥികളുടെ അരികിൽ നിന്നും നടന്നകന്ന ഡെയ്സി ദിവ്യക്ക് കമ്പനി നൽകാൻ കണ്ണുകൊണ്ട് ചേട്ടത്തിക്ക് നിർദേശം നൽകി.

“ന്യൂ ഇയർ ആകാൻ 5 മിനുട്ട് കൂടെ ഉള്ളു…. ന്യൂ