Chapter Title : 🏘️ബോസ്റ്റൻ ബംഗ്ലാവ് 21 [Gladiator] [𝐂𝐋𝐈𝐌𝐀𝐗]

പിറകിലായി നിലത്ത് മുട്ട് കുത്തി ഇരുന്ന കത്രീനയുടെ അടുത്തേക്ക് പാസ്സ് ചെയ്തു.പൊതി കയ്യിൽകിട്ടിയ കത്രീന ഫെഡറിക്കിന് ചുറ്റും ലൈല വരച്ച അർദ്ധവൃത്തം ഞൊടിയിടയിൽ കയ്യിൽ കിട്ടിയ പൊടി കൊണ്ട് പൂർത്തിയാക്കി.

പൊടുന്നനെ അവന് ചുറ്റുമുള്ള വൃത്തത്തിൽ തീ പടർന്നു. ഫെഡറിക്ക് അനങ്ങാൻ സാധിക്കാതെ നിന്നു.

“നീ.. നീയെന്റെ ഭർത്താവിനെ എന്താ ചെയ്തത്…..?”മരവിച്ചു നിന്ന ഫെഡറിക്കിന്റെ അടുത്തേക്ക് ലൈല നടന്നു.

ഫ്രെഡറിക് അവളെ നോക്കി കണ്ണിറുക്കുകയല്ലാതെ മറ്റൊന്നും ചെയ്തില്ല.

“ബൈ ബൈ.. മൈ ഡിയർ ഹസ്ബൻഡ്...!”എന്ന് പറഞ്ഞുകൊണ്ട് ഫെഡറികിന്റ പിന്നിൽ നിന്ന കത്രീന അവന്റെ നെഞ്ചിലൂടെ അവളുടെ കൈ കടത്തിയതും ഫെഡറിക്കിനെ പൂർണ്ണമായും തീ വിഴുങ്ങി.അവനവിടെ നിന്നും ആവിയായിപ്പോയി. അപ്പോഴും അവന്റെ മുഖം കോപം കൊണ്ട് ജ്വലിക്കുകയായിരുന്നു.

“അവൻ.. അവൻ പോയോ…?” റിയയെ നിലത്തു നിന്നും എഴുന്നേൽപ്പിച്ചുകൊണ്ട് ഡാനിയേൽ ചോദിച്ചു.

“തൽക്കാലത്തേക്ക്” മറുപടി പറഞ്ഞുകൊണ്ട് കത്രീന നഗ്നയായി നിന്ന ലൈലയുടെ അരികിലേക്ക് ചെന്നവളെ കെട്ടിപ്പിടിച്ചു “താങ്ക്യു അവനൊരാളെ ത്യാഗം ചെയ്ത് കരുത്ത് കുട്ടിയ കാര്യം ഞാനറിഞ്ഞിരുന്നില്ല.അവൻ ഞാൻ വിചാരിച്ചതിലും ശക്തനാണ്. നിങ്ങളുടെ ഭർത്താവിൻ്റെ നഷ്ടത്തിൽ എനിക്ക് ദുഖമുണ്ട്.”

“അവനെത്തന്നെയാണോ ഫെഡറിക്ക് ബലി….?”ലൈലയുടെ കവിളിലൂടെ കണ്ണീർ ഒലിച്ചിറങ്ങി “അവൻ ശെരിക്കും പോയോ…?”കത്രീനയെ കൂടുതൽ ഇറുക്കി ആലിംഗനം ചെയ്തുകൊണ്ട് ലൈല ചോദിച്ചു.

“അത് സത്യമാക്കുന്നതാണ് ലക്ഷണങ്ങൾ.” കത്രീന അവളുടെ മുതുകിൽ തട്ടി സമാധാനിപ്പിച്ചു. “ പല കാഴ്ചകളും ഫെഡറിക്ക് എന്നിൽ നിന്നും മറച്ചു.എനിക്കൊന്നും കാണാൻ കഴിഞ്ഞില്ല.

കരഞ്ഞു കലങ്ങിയ ലൈലയെ കത്രീന ബെഡിലേക്ക് ഇരുത്തി. ബെഡിൽ കിടന്നു മയങ്ങുന്ന ജോർജിനെ കത്രീന നോക്കി.

“ജോർജ്…ജോർജ് ഓക്കേ ആണോ…? അവനെന്തെങ്കിലും…?”വല്ലാത്ത രീതിയിൽ ശ്വാസം