Chapter Title : 🏘️ബോസ്റ്റൻ ബംഗ്ലാവ് 21 [Gladiator] [𝐂𝐋𝐈𝐌𝐀𝐗]

ബംഗ്ലാവാകെ നിശ്ശബ്ദത തളം കെട്ടി നിന്നു.താനെപ്പോഴും ബംഗ്ലാവിൽ കേട്ടുകൊണ്ടിരുന്ന അദൃശ്യമായ ക്ലോക്കിന്റെ ടിക്ക് ടിക്ക് ശബ്ദം പോലുമവൻ കേൾക്കുന്നില്ലായിരുന്നു.എന്നാൽ ഭയത്താലുള്ള സ്വന്തം ഹൃദയമിടുപ്പ് അവന്റെ കാതുകളിൽ പതിഞ്ഞു.

മുകളിലത്തെ നിലയിൽ ദിവാസ്വപ്നം കണ്ടുറങ്ങുകയായിരുന്ന റിയ ചേട്ടത്തി പെട്ടെന്ന് കണ്ണ് തുറന്നു ബെഡിൽ നിന്നും ചാടിയിറങ്ങി.ബെഡിൽ ഉറങ്ങുകയായിരുന്ന ഭർത്താവിനെ ഉപേക്ഷിച്ചുകൊണ്ട് റിയ താഴത്തെ നിലയിലേക്ക് നടന്നു. ബംഗ്ലാവിലെന്തോ പ്രശ്നം ഉണ്ടെന്ന് അവളുടെ മനസ്സില്ലിരുന്നു ആരോ പറഞ്ഞു.

“ ഹലോ..”റൂമിനകത്തേക്ക് കയറാൻ ഭയപ്പെട്ടിരുന്ന ഡാനിയൽ റൂമിന്റെ വാതിക്കൽ നിന്നു. റൂമിനുള്ളിൽ ഇരുട്ടായതിനാലും, താൻ നിന്ന ഭാഗം ബ്ലൈൻഡ് സ്പോട്ട് ആയതിനാലും ഡാനിക്ക് അകത്ത് എന്താണെന്ന് വ്യക്തമായി കാണാൻ സാധിച്ചില്ല. വിറയ്ക്കുന്ന കാലുകളുമായി ഡാനിയൽ സർവ്വധൈര്യവും സംഭരിച്ചുകൊണ്ട് വാതിലിന്റ മുന്നിലേക്ക് അല്പം കൂടെ കയറി നിന്നു. ഹലോ വിറയ്ക്കുന്ന സ്വരത്തിൽ ഡാനിയൽ റൂമിലേക്ക് നോക്കി ചോദിച്ചു.അവൻ തുറന്ന വാതിലിനടുത്തേക്ക് കയറി, അകത്തേക്ക് നോക്കി.

താൻ അവസാനമായി ഈ റൂമിനുള്ളിൽ കയറിയപ്പോൾ തന്നെ ആക്രമിക്കാനായി വന്ന ഫെഡറിക്കിന്റെ ആത്മാവിന്റെ വളർത്തുമൃഗമായ കരടി റൂമിന്റെ ഒരു മൂലയിൽ ആയി ഭയാനകമായൊരു പോസിൽ നിൽക്കുന്നതവൻ കണ്ടു. പക്ഷേ കരടിക്ക് ജീവൻ ഉണ്ടായിരുന്നില്ല. “അവസാനം കണ്ടപ്പോഴും ഇതുതന്നെയായിരുന്നു അവസ്ഥ. ഞൊടിയിടയിലായിരുന്നു പ്രതിമയെപ്പോലെ നിന്ന കരടിക്ക് ജീവൻവെച്ച് ആക്രമിക്കാനായി എത്തിയത്”ഡാനിയേൽ ഓർത്തെടുത്തു..ഡാനിയേൽ റൂമാകെ കണ്ണോടിച്ചതും റൂമിന്റെ ഒരുവശത്തായി കസേരയിൽ ആരോ ഇരിക്കുന്നത് അവന്റെ കണ്ണിൽപ്പെട്ടു. അവൻ കണ്ണു തിരുമ്മിക്കൊണ്ട് കസേരയിലിരിക്കുന്നത് ആരാണെന്ന് സൂക്ഷിച്ചു നോക്കി. കസേരയിലിരിക്കുന്നത് ആരാണെന്ന് മനസ്സിലാക്കിയ ഡാനിയൽ അക്ഷരാർത്ഥത്തിൽ ഞെട്ടിപ്പോയി. മുറിക്കുള്ളിൽ ഫെഡറിക്കിന്റെ ആത്മാവിനെ പ്രതീക്ഷിച്ച ഡാനിയൽ സ്വപ്നത്തിൽ പോലും കരുതാത്ത വ്യക്തിയെയാണ് അവിടെ കണ്ടത്.

“ആന്റണി….?” മുറിയിലെ കസേരയിൽ ഇരുന്നുകൊണ്ട് തനിക്കു നേരെ വിരൽചൂണ്ടുന്ന ആളെ കണ്ട ആശ്ചര്യത്തിൽ ഡാനിയേൽ പറഞ്ഞു.

ആഴ്ചകളായി കാണാനില്ലാ എന്ന് ലൈല അവകാശപ്പെട്ട അവളുടെ ഭർത്താവ് ആന്റണിയെ ഡാനിയേൽ ഈ മുറിക്കുള്ളിൽ എങ്ങനെ പ്രതീക്ഷിക്കാനാണ്…? പോലീസ് അന്വേഷിച്ചിട്ട് പോലും കണ്ടെത്താനാകാത്ത ആന്റണി എങ്ങനെയാണ് ആഴ്ചകളായ് പൂട്ടിക്കിടക്കുന്ന ഈ മുറിക്കുള്ളിൽ എത്തിയത് .? ഡാനിയേൽ ആകെ ആശയക്കുഴപത്തിലായി.

ഡാനിയെ കണ്ട ആന്റണി ഒരക്ഷരം പോലും മിണ്ടിയില്ല, എന്നാൽ അവനു നേരെ ചൂണ്ടിയ ആന്റണിയുടെ വിരൽ വിറച്ചുകൊണ്ടേയിരുന്നു. ആന്റണിയുടെ നെറ്റിയിലെ സിന്ദൂരക്കുറി ഡാനി കണ്ടു എന്നാൽ ആ കുറി ചോര കൊണ്ടുള്ളതാണെന്ന് മനസ്സിലാക്കാൻ അവന് അധികം ആലോചിക്കേണ്ടി വന്നില്ല. ആന്റണിയുടെ കണ്ണിനു ചുറ്റും ഇരുണ്ട പാടുകൾ പടർന്നിരിക്കുന്നു.

“അ…ആന്റണി…. ആർ യൂ ഓക്കെ…?”ഡാനിയൽ മുറിക്ക് ചുറ്റും