Chapter Title : 🏘️ബോസ്റ്റൻ ബംഗ്ലാവ് 21 [Gladiator] [𝐂𝐋𝐈𝐌𝐀𝐗]

എടുത്തു വച്ചു.കുറച്ചു കഴിഞ്ഞപ്പോൾ അവളുടെ വിരൽത്തുമ്പിലെ ഭിത്തി ചൂടുപിടിച്ചു. ഹൃദയമിടിപ്പ് പോലുള്ള ശബ്ദം അവളുടെ കാതിൽ പതിഞ്ഞു, പക്ഷെ അതാവളുടെ ഹൃദയമിടിപ്പല്ലെന്ന് അവൾക്കുറപ്പാണ്.

പടികൾ അവസാനിച്ചത് ഒരു കൽഭിത്തിക്ക് നേരെയാണ്. ഭിത്തിയിൽ വെച്ചിരുന്ന അവളുടെ കൈകൾ ഒരു ചെറിയ ബട്ടനിൽ അമർന്നു. പെട്ടെന്ന് മുൻപിലെ ഭിത്തി അപ്രത്യക്ഷമായി.ഇടുങ്ങിയ നേർരേഖയിൽ ഒരു വഴി അവളുടെ മുന്നിൽ തെളിഞ്ഞു വന്നു.

3 മീറ്റർ അപ്പുറത്തായി ഒരാൾ കയ്യിലൊരു പുസ്തകവും വായിച്ചിരിക്കുന്നത് ജൂലി കണ്ടു.അയാൾ വായിച്ചുകൊണ്ടിരുന്ന പുസ്തകത്തിൽ നിന്നും തലയുയർത്തി അവളെ നോക്കി പുഞ്ചിരിച്ചു. അയാളുടെ പിറകിലുള്ള ഭിത്തിയുടെ ഒരു സൈഡിലായി ഒരുപാട് കൂറ്റൻ ബ്രിട്ടീഷ് നിർമ്മിത പെണ്ടുലം ക്ലോക്ക് ഇരിപ്പുണ്ട്. ആ ക്ലോക്ക് നിറയെ രക്തം പുരണ്ടിരുന്നു, മനുഷ്യന്റെ ശരീര ഭാഗങ്ങൾ.പല അവയവങ്ങളും ക്ലോക്കിന്റെ പെൻഡുലത്തിലും അതിന്റെ തറയിലുമെല്ലാം കിടപ്പുണ്ട്. ക്ലോക്കിന്റെ പെണ്ടുലം ഇടത്തേക്കും വലത്തേക്കും ഓരോ തവണ ആടുമ്പോഴും ഹൃദയമിടിപ്പ് ശബ്ദം ക്ലോക്കിനുള്ളിൽ നിന്നും പുറപ്പെടുന്നത് ജൂലി ശ്രദ്ധിച്ചു.ഓരോ തവണ ഹൃദയസ്പന്ദന ശബ്ദം ക്ലോക്കിനുള്ളിൽ നിന്നും പുറത്തേക്ക് രക്തം ചീറ്റുന്നുണ്ടായിരുന്നു.

ക്ലോക്കിൽ നിന്നും ഇറ്റ് വീഴുന്ന ചോരകണ്ട് ജൂലിയുടെ മുഖം വിളറിവെളുത്തത് കണ്ടതും ക്ലോക്കിന്‌ മുന്നിൽ നിന്ന രൂപം പുഞ്ചിരിച്ചു. “പേടിക്കണ്ട…. അതിനുത്തരവാദി ഞാനല്ല…”ചെറുപുഞ്ചിരിയോടെ അയാൾ പറഞ്ഞു.

"ഞാൻ എവിടെയാണ്?" ജൂലി ആ മുറിക്ക് ചുറ്റും നോക്കി.ചുറ്റും പുസ്തകങ്ങൾ നിറഞ്ഞ അലമാരകൾ. “ഇത്.. ഇതൊരു ലൈബ്രറി ആണോ..?”

“ഗ്രേറ്റ്‌..യൂ ആർ എ ഷാർപ് വുമൺ..നിന്റെ ഈ സാമാർദ്യമാണ് എനിക്ക് നിന്നോടുള്ള സ്നേഹം കൂട്ടുന്നത്…”

ആ മുറിയും മുന്നിലെ വ്യക്തിയും ജൂലിയുടെ കണ്ണുകളിൽ നിന്നും മായാൻ തുടങ്ങി.

“അമ്മ….”ഡെയ്സിയുടെ ശബ്ദം ജൂലിയുടെ കാതിൽ മുഴങ്ങിക്കേട്ടു.

“എ.. എന്താ…” ഉറക്കത്തിൽ നിന്നും കണ്ണുകൾ തുറന്ന ജൂലി ഇരുട്ടിൽ ഇഞ്ചുകൾ അകലെമാത്രം നിൽക്കുന്ന മകളുടെ സുന്ദര മുഖം കണ്ടു.

“ഡാനിയെന്താ ഇവിടെക്കിടന്നു ഉറങ്ങുന്നത്…?” ബെഡിന്റെ അറ്റത്തായി ഡാനിയേൽ ചുരുണ്ട്കൂടി ഉറങ്ങുന്നത് നോക്കി ഡെയ്സി ചോദിച്ചു.

“ഓ.. ഞാൻ ഒറ്റക്ക് കിടക്കണ്ടെന്ന് കരുതി കൂട്ട് കിടക്കാൻ വന്നതാ…”കണ്ണ് തിരുമിക്കൊണ്ട് ജൂലി പറഞ്ഞു.

“അച്ഛൻ പോയ ഗ്യാപ്പിൽ, അമ്മയുടെ ഭർത്താവാകാൻ നിക്കുവാണോ അവൻ…?”

“ഒന്ന് പൊ പെണ്ണെ…