Chapter Title : 🏘️ബോസ്റ്റൻ ബംഗ്ലാവ് 21 [Gladiator] [𝐂𝐋𝐈𝐌𝐀𝐗]

ഉണ്ടാക്കി വെച്ചിട്ടുണ്ട്.. അത് നിങ്ങൾ മനുഷ്യരെ സമ്മർദ്ധത്തിൽ ആക്കുകയയല്ലേ ചെയ്യുന്നത്…? എന്തോ.. എനിക്കിങ്ങനുള്ള നിയമങ്ങൾ ഇഷ്ടമേ അല്ല..അവൻ്റെ നിയമങ്ങളുടെ ഭാരം ലഘൂകരിക്കാൻ മാത്രമാണ് ഞാൻ ആഗ്രഹിക്കുന്നത്.ഞാൻ അവൻ്റെ നിയന്ത്രണങ്ങൾ ലഘൂകരിക്കുന്നു. ദൈവവും ഞാനും ഇതിനെച്ചൊല്ലി അൽപ്പം വഴക്കുണ്ടാക്കി, എന്തിനധികം…ആ തർക്കത്തെ തുടർന്ന് എന്നെ വീട്ടിൽ നിന്നുവരെ പുറത്താക്കി..”

“നീ.. നീ മറ്റുള്ളവരെ വഴി തെറ്റിക്കുയല്ലേ ചെയുന്നത്…?

“ഒരാൾക്ക് സന്തോഷം ലഭിക്കാനുള്ള മാർഗം പറഞ്ഞുകൊടുക്കുന്നതിനെ വഴിതെറ്റിക്കുക എന്നാണോ പറയുന്നത്..? അങ്ങനെയെങ്കിൽ നീ പറഞ്ഞത് ശെരിയാണ്.. ഞാൻ മറ്റുള്ളവരെ വഴി തെറ്റിക്കുന്ന വ്യക്തിയാണ്…” പുച്ഛം കലർന്ന ഭാവത്തിൽ ലൂസിഫർ പറഞ്ഞു.

"നിങ്ങൾ…നിങ്ങൾ എന്നെ ദുഷിപ്പിച്ചു." അത് പറഞ്ഞപ്പോൾ ജൂലിയുടെ നെറ്റി ചുളിഞ്ഞു.

“ഓ.. ജൂലി.. ഞാൻ നിനക്ക് ചോയ്സ് ആണ് നൽകിയത്. എല്ലാം തിരഞ്ഞെടുത്തത് നീ തന്നെയാണ്..” ലൂസിഫർ അരികിലെ കസേരയിൽ ഇരുന്നു. അയാളുടെ മുഖം സംഭാഷണത്തിൽ ഉള്ള അവന്റെ വിരസത എടുത്ത് കാണിച്ചു. “ ഈ ബംഗ്ലാവിന്റെ ആധാരം ഒപ്പിടാൻ സമയം ഈ ബംഗ്ലാവിന്റ മുൻ ഉടമസ്ഥൻ കൈമൾ നിനക്ക് ഈ ബംഗ്ലാവിനെപ്പറ്റി വാണിംഗ് തന്നത് ഓർമ്മയില്ലേ.. നിന്നെ ഞാൻ ആ ദിവസത്തേക്ക് കൂട്ടിക്കൊണ്ട് പോകാം.. ബംഗ്ലാവിന്റെ വില്പന തടയു.. ബോസ്റ്റൻ ബംഗ്ലാവിലേക്ക് താമസം മാറാതെ പുതിയൊരു ജീവിതം നിനക്ക് തിരഞ്ഞെടുക്കാം.. കഴിഞ്ഞ ചില മാസങ്ങളായി നിന്റെ കുടുംബജീവിതത്തിൽ നടന്നതെല്ലാം ഞൊടിയിടയിൽ ഞാൻ മാറ്റാം…” അവൻ വിരലുകൾ ഞൊട്ടാൻ പോകുന്ന പോലെ ഉയർത്തി ജൂലിയുടെ മറുപടിക്കായി കാത്ത് നിന്നു.

ജൂലിക്ക് എന്ത് ചെയ്യണമെന്ന് അറിയില്ലായിരുന്നു. അവൾ വളരെ നേരം ഒന്നും മിണ്ടാതെ നിന്നു.

“കണ്ടില്ലേ…..ഇനി പറ…ഞാനാണോ.. തെറ്റ് കാരൻ….?