Chapter Title : 🏘️ബോസ്റ്റൻ ബംഗ്ലാവ് 21 [Gladiator] [𝐂𝐋𝐈𝐌𝐀𝐗]

മുറിയിൽ നിന്നും പുറത്ത് കടന്നെകിൽ ഇപ്പോൾ എവിടെയാകും…?” ഡാനിയേൽ സംശയത്തോടെ ചോദിച്ചു.

“മുകളിൽ….?” റിയ പറഞ്ഞു.

“മുകളിൽ…?” ഡാനിയും റിയ പറഞ്ഞ സമയം തന്നെ പറഞ്ഞു.

സമയം പാഴാക്കാതെ രണ്ടാളും മുകളിലെ നിലയിലേക്ക് ഓടിക്കേറി. ഫെഡറിക്കിന്റ ആത്മാവ് ദേഷ്യത്തിലാണ്…അവൻ ആരെ വേണമെങ്കിലും അപായപ്പെടുത്താം.ജൂലി, ഡെയ്സി, ഡേവിഡ്,ജോർജ്, ലൈലയെല്ലാം ഇപ്പോഴും ന്യൂ ഇയർ ആഷോഷത്തിന്റെ ക്ഷീണത്തിൽ മയക്കത്തിലാണ്.

🔸🔸🔸

ബംഗ്ലാവിലെ രണ്ടാം നിലയിലെ ഹാൾ മുറി. മുറിയിലെ ഒരു സോഫയിൽ ജോർജ് ഇരിക്കുകയാണ്. അയാൾക്ക് എതിരായി ഫെഡറിക്കിന്റെ ആത്മാവും ഇരിപ്പുണ്ട്. നേർക്കുനേർ ഇരുന്നുകൊണ്ട് മുന്നിലിരുന്ന കപ്പിലേക്ക് ചായ പകർന്ന ശേഷം സംസാരിക്കുകയാണ് ഇരുവരും. കറുത്ത കോട്ടും സൂട്ടുമായിരുന്നു ഫെഡറിക്കിന്റെ വേഷം.ജോർഗിന്റെത് സാധാ ബനിയനും ഷർട്ടും .

“ദാ.. ഇവിടെ…. അവർ ചെയ്ത് കൂട്ടുന്ന പാപങ്ങൾക്ക് ഈ മുറിക്കുള്ളിൽ വെച്ചായിരിക്കും ഞാനവരെ ബലി നൽകാൻ പോകുന്നത്..”ചായ കുടിച്ചുകൊണ്ട് ഫെഡറിക്ക് പറഞ്ഞു.

“ബലിയോ..?”ജോർജ് സംശയത്തോടെ ചോദിച്ചു.

“അതെ മിസ്റ്റർ ജോർജ്…ഒരുപാട് കാലങ്ങളായി ഞാൻ അവരുടെ തടവിലായിരുന്നു…ഞാൻ പുറത്ത് വന്നപ്പോഴേക്കുമീ ലോകം കൂടുതൽ അന്ധകാരത്തിലായി..ഈ അന്ധകാരത്തെ അകറ്റാൻ അത് പടർത്തുന്നവരെ എനിക്ക് ബലി നൽകണം…”ചിരിച്ചുകൊണ്ട് ഫെഡറിക്ക് പറഞ്ഞു.

“ഹും…. മനുഷ്യരെ കൊല്ലുന്ന നിന്നോട് ദൈവം പൊറുക്കുമെന്ന് തോന്നുന്നുണ്ടോ…?”വിറയ്ക്കുന്ന സ്വരത്തോടെ ജോർജ് ചോദിച്ചു.

“ജോർജ്…നിങ്ങൾ എന്നെ തെറ്റിദ്ധരിച്ചു. ഞാൻ ദൈവത്തിന് വേണ്ടിയാണ് ഇത് ചെയ്തത്…ഈ ബംഗ്ലാവിലെ എല്ലാ ദുഷ്ടജീവികളെയും ഞാൻ കൊല്ലും.. എല്ലാം ദൈവത്തിനു വേണ്ടിയാണു…. അവനായി എന്തെങ്കിലും ചെയ്തിരുന്നെങ്കിൽ എനിക്കിതിന്റ ആവശ്യമുണ്ടാകുമായിരുന്നില്ലല്ലോ..!

“സ്റ്റോപ്പ്‌ ഇറ്റ് ബിച്ച്…..യൂ ആർ ആൾസോ ഈവിൾ…സ്വന്തം തെറ്റുകൾ ന്യായീകരിക്കാൻ വെറുതെ ദൈവത്തെ കൂട്ട് പിടിക്കേണ്ട….”ചായ ഗ്ലാസ്സ് ടേബിളിൽ വെച്ചുകൊണ്ട്