Chapter Title : 🏘️ബോസ്റ്റൻ ബംഗ്ലാവ് 21 [Gladiator] [𝐂𝐋𝐈𝐌𝐀𝐗]

മിനുട്ടുകളോളം ഡാനിയേൽ അവിടെ ഇരുന്ന് കരഞ്ഞു. അവിടെ നിന്നവരെല്ലാം കുറച്ച് നേരം തരിച്ചു നിന്നുപോയി.

ബംഗ്ലാവിന്റ മുകളിലത്തെ നിലയിൽ lucifer തന്നെ നോക്കി നിൽക്കുന്നത് ഡാനിയേൽ കണ്ടു.. “ ബൈ ഡാനിയേൽ.. ഈ ബംഗ്ലാവിലെ എന്റെ സമയവും അവസാനിച്ചിരിക്കുന്നു…ഞാൻ നിനക്ക് നൽകിയ സമ്മാനങ്ങൾ എല്ലാം ജീവിതകാലം മുഴുവൻ നീ സൂക്ഷിച്ചോ..all the best…” മുകളിൽ നിന്നുകൊണ്ട് ലൂസിഫർ പറഞ്ഞത് ഡാനിയുടെ കാതിൽ മാത്രം കേട്ടു. തന്റെ കണ്മുന്നിൽ നിന്നുകൊണ്ട് ലൂസിഫർ നീരാവിയായി പറന്നകലുന്നത് ഡാനിയേൽ ദുഖത്തോടെ നോക്കി നിന്നു.

🔸🔸🔸

3 വർഷങ്ങൾക്ക് ശേഷം. യൂറോപ്യൻ രാജ്യമായ സ്വിറ്റ്സർലാൻഡിലെ കൃഷിക്ക് പേരുകേട്ട സതേൺ ഏരിയ.അവിടെ 100ഏക്കറോളം ദൂരത്തിൽ വിശാലമായി വേലികെട്ടിത്തിരിച്ച പ്രൈവറ്റ് കൃഷിഭൂമി. 100 ഏക്കർ ഭൂമിയുടെ നടുക്കായി സ്ഥിതി ചെയുന്ന ഒരു പടുകൂറ്റൻ ഫാംഹൗസ്. സ്വിസ്സ് മാതൃകയിൽ തീർത്തൊരു സുന്ദരമായ ഫാംഹൗസ്. അതിന് ചുറ്റും വിശാലമായി പടർന്നു കിടക്കുന്ന പച്ചക്കറി തോട്ടം. ക്യാരറ്റ്, തക്കാളി, ക്യാബെജ്, വഴുതന തുടങ്ങി എല്ലാത്തരം പച്ചക്കറികളും അവിടെ വിളഞ്ഞു കിടക്കുന്നു. അല്പം മാറി മൃഗങ്ങൾക്കായി സെറ്റ് ചെയ്ത് ഏരിയ ഉണ്ട്. അവിടെ 50 ഓളം പശുക്കളും, ആടുകളും പാടത്തു മേയുകയാണ്.അത് പോലെ താറാവ്, കോഴികൾ, ഗൂസ് മുതലായ 50 ഓളം പക്ഷികൾ അൽപ്പം മാറി കൂട്ടിൽ കിടപ്പുണ്ട്.ഫാംഹൗസിന്റെ പ്രൗഡി കൂട്ടിക്കൊണ്ട് കുതതിര ലായത്തിൽ പത്തോളം ഉഷിരൻ കുതിരകൾ റൗണ്ട് അടിക്കുന്നു. അതിനടുത്തായി തന്നെ 10 ഓളം പന്നികൾ ചെളിയിൽ കിടന്നുരുളുന്നു, അവയ്ക്ക് അടുത്ത് തന്നെ 30 ഓളം ചെമ്മരിയാടുകൾ മേഞ്ഞു നടക്കുന്നു.

ഫാംഹൌസിനു അല്പ്പം മാറിയായി ചെറിയൊരു കുളമുണ്ട്. കുളത്തിലെ മീനുകളെ നോക്കി എന്തൊക്കെയോ ആലോചിച്ചു കൊണ്ടൊരു യുവാവ് ഇരിപ്പുണ്ട്. ഡാനിയേൽ ആയിരുന്നു അത്. 3 വർഷം കൊണ്ട് തന്നെ അവന്റെ മുഖമാകെ മാറി. 21 വയസ്സ് കടന്ന ഡാനിയുടെ മുഖത്തിൽ ചെറിയ രീതിയിൽ രോമങ്ങൾ മുളച്ചു തുടങ്ങിയിരുന്നു.. പൊടിമീശയും മുളച്ചിരിക്കുന്നു അവന്. ഒപ്പം അവന്റെ എലുമ്പൻ ശരീരം മാറി മസിലുകൾ വന്നിട്ടുണ്ട്.കുളത്തിന് അരികിലായി ഇരുന്ന ഡാനിക്ക് കാവലായി 3 നായ്ക്കളും ഇരിപ്പുണ്ട്.

അന്ന് കത്രീനയും ഫെഡരിക്കും ലൂസിഫറും ബോസ്റ്റൻ ബംഗ്ലാവിൽ