Chapter Title : 🏘️ബോസ്റ്റൻ ബംഗ്ലാവ് 21 [Gladiator] [𝐂𝐋𝐈𝐌𝐀𝐗]

എന്നാൽ ജോർജിന്റെ ചെവിയിൽ ഫെഡറിക്ക് സംസാരിച്ചുകൊണ്ടേയിരുന്നു.താൻ കാണുന്നത് സ്വപ്നമല്ല സത്യമാണെന്ന് ജൂലിക്ക് മനസിലായിരുന്നു.

“ഹേയ്…. ഏയ്…. പൊ…. പൊ…”ജൂലി ഫെഡറിക്കിനെ നോക്കി പേടിച്ചലറി.

“ഹ ഹ.. ഞാൻ എന്റെ വീട് വിട്ട് പോണമെന്നോ…ഹ ഹ.. നോ വേ…”നിവർന്നുനിന്നുകൊണ്ട് ഫെഡറിക്ക് പറഞ്ഞു.

അപ്പോഴേക്കും ജൂലിയുടെ ബെഡ്‌റൂം വാതിൽ തള്ളിത്തുറന്നു റിയയും ഡാനിയും വാതിൽക്കൽ വന്ന് നിന്നു.

ജൂലിയുടെ നിലവിളി വകവയ്ക്കാതെ ജോർജ് കൂർക്കം വലി തുടർന്നു.

“ഹും.. എന്റെ മുറിക്കു മുന്നിൽ ഒരു സിമ്പൽ വരച്ചാൽ ഞാനങ്ങു തളർന്നു പോകുമെന്ന് കരുതിയോ.. ആ മുറി ഒരിക്കലെനിക്ക് തടവറയായിരുന്നു.. മുള്ളുകളാൽ തീർത്ത തടവറ. അത്രത്തോളം വരിലല്ലല്ലോ ഒരു പീറ സിംബൽ..” അതും പറഞ്ഞു വെട്ടിത്തിരിഞ്ഞ ഫെഡറിക്ക് പിന്നിൽ നിന്നും അവനെ തള്ളിമാറ്റാനായി ഓടിയെത്തിയ ഡാനിയെ ബാത്‌റൂമിനടുത്തേക്ക് എടുത്തടിച്ചു.ഭിത്തിയിൽ ഇടിച്ചുനിന ഡാനിയേൽ നിലത്തേക്ക് വീണു.ഡാനിയുടെ പിന്നാലെ ഓടിയെത്തിയ റിയയുടെ ഗതിയും മറ്റൊന്നല്ലായിരുന്നു. ഡാനിയുടെ അരികിലായിത്തന്നെ അവളും വന്നു വീണു.

“ഹമ്മ…..”റിയയും ഡാനിയും വേദനയിൽ പുളഞ്ഞു.

“മോനേ…. ഡാനിയേൽ…..”ജൂലി അലറി.

“"പതിറ്റാണ്ടുകളായി ആ മുറിക്കുള്ളിൽ ഞാനവരുടെ തടവിലായിരുന്നു”ഫെഡറിക്കിന്റെ ശബ്ദം ശാന്തമായിരുന്നു.. “അവരുടെ ശക്തി ആശ്രയിച്ചിരുന്നത് മനുഷ്യരെ ദുർനടപ്പിലേക്ക് നയിക്കുന്നതിലൂടെ മാത്രമായിരുന്നു. അവളുടെ വലയിൽ പുതിയ ഇരകൾ വീഴാതെ വന്നതോടെ അവളുടെ ശക്തി കുറഞ്ഞു, ഒപ്പം എന്റ ശക്തി വർധിച്ചു” മുറിയിൽ നിന്ന എല്ലാരോടുമായി പറഞ്ഞുകൊണ്ട് ഫെഡറിക്കിക്ക് ശരീരമൊന്ന് ഫ്ലെക്സ് ചെയ്തു. “അങ്ങനെയാണ് വർഷങ്ങൾക്ക് മുൻപ് ആദ്യമായി ഞാനാ തടവറ തകർത്തു പുറത്തിറിങ്ങിയത്..”

“നീ.. നീ അവനെ എന്താ ചെയ്തത്…?” ഉറങ്ങികിടന്ന ഭർത്താവിനെ നോക്കി നിറകണ്ണുകളോടെ ജൂലി ചോദിച്ചു.

“ഹു…ഞാനവനെ ഒന്നും ചെയ്തില്ല.. ഞങ്ങൾ