Chapter Title : 🏘️ബോസ്റ്റൻ ബംഗ്ലാവ് 21 [Gladiator] [𝐂𝐋𝐈𝐌𝐀𝐗]

നോക്കി പറഞ്ഞു “ നിന്നെ രക്ഷിക്കാൻ വേണ്ടിയായിരുന്നു ഞാൻ നിന്റെ അടുത്ത് പലപ്പോഴും വന്നിരുന്നത്… നീ വല്ലാതെ ദുഷിച്ചിരിക്കുന്നു…ഞാൻ എത്താൻ വൈകിപ്പോയി…നിന്നെ രക്ഷിക്കാൻ എനിക്ക് സാധിച്ചില്ല.. പക്ഷേ ഈ നാട്ടിൽ എനിക്ക് രക്ഷിക്കേണ്ട ഒരുപാട് പേർ ഇനിയും ഉണ്ട്” ഫെഡറിക്ക് ഡാനിയെ വലത്തേ തോളിൽ പിടിച്ചു ഉയർത്തി.. “ക്ദദക്…”അവന്റെ തോളെല്ല് തകരുന്ന ശബ്ദം പുറത്തേക്ക് വന്നു.

ഡാനിയൽ വേദനകൊണ്ട് പുളഞ്ഞു “ആഹ്ഹ്ഹ്.. അമ്മേ…വിടടാ…വിടാൻ…ആഹ്ഹ..” ഡാനിയൽ കയ്യെത്തിച്ചു തള്ളി മാറ്റാൻ നോക്കിയെങ്കിലും ഫെഡറിക്കിന്റ കരുത്തിനു മുന്നിൽ അവന്റെ കരുത്ത് ഒന്നുമല്ലായിരുന്നു. പച്ച മീൻ കയ്യിൽ കിടന്ന് പിടക്കുന്നത് പോലെ ഡാനിയേൽ വായുവിൽ കിടന്ന് പിടച്ചു.

“വിടെടാ അവനെ…” ഡെയ്സി സഹോദരനെ സഹായിക്കാനായി ഫെഡറിക്കിനെ മുഷ്ടി ചുരുട്ടി തല്ലാൻ തുടങ്ങി. അരികിലെത്തിയ ഡെയ്സിയുടെ ചെമ്പൻ മുടിയിൽ ചുരുട്ടിപ്പിടിച്ചുകൊണ്ട് അവളെയും ഫെഡറിക്ക് വായുവിൽ ഉയർത്തിപിടിച്ചു.ഡെയ്സിയും വേദനയിൽ പുളഞ്ഞു.

“ ശത്രുവാണെങ്കിലും എന്റെ ഭാര്യയുടെ ബുദ്ധിയെ സമ്മതിച്ചേ മതിയാവു… നിങ്ങൾ ഇരട്ട സഹോദരങ്ങളെ എന്റ ഭാര്യ തെറ്റിനായി ഉപയോഗിച്ച രീതി കൊള്ളാം…” ഒരു കൈയിൽ ഡാനിയേയും ഒരു കൈയിൽ ഡെയ്സിയെയും ഉയർത്തിപ്പിടിച്ചുകൊണ്ട് ഫെഡറിക്ക് താഴേക്ക് നടന്നു.

“ഡാ…വിടടാ അവളെ….”സ്റ്റെപ് ഇറങ്ങി വരുകയായിരുന്ന ഫെഡറക്കിന്റെ അരികിലേക്ക അലറിക്കൊണ്ട് ലൈലയും റിയചേട്ടത്തിയും ഓടിയെടുത്തു.

“പടക്ക്…” തന്റെ അരികിലേക്ക് ഓടിയെടുത്ത ലൈലയെയും റിയയെയും ഡാനിയുടെ ശരീരം ഉപയോഗിച്ച് ഫെഡറിക്ക് ആഞ്ഞടിച്ചു. പ്രതീക്ഷിക്കാതെയുള്ള ആക്രമണത്തിൽ ലൈലയും റിയയും നിലത്തേക്ക് വീണു. “തുഫ്ഫ്…. പിശാചിന്റെ സന്തതികൾ” നിലത്തുവീണു കിടന്നവരെ പുച്ഛത്തോടെ നോക്കി പറഞ്ഞ ശേഷം ഫെഡറിക്ക് മെയിൻ ഹാളിലേക്ക് നടന്നെന്തി.

“ഏയ്…എന്താ ഇത്…എന്റെ പിള്ളേരെ വിടടാ..” ശബ്ദം കേട്ട് ഓടിയെത്തിയ