Chapter Title : 🏘️ബോസ്റ്റൻ ബംഗ്ലാവ് 21 [Gladiator] [𝐂𝐋𝐈𝐌𝐀𝐗]

അവനും വന്നു.. കത്രീനേം തോമസും ചേർന്ന് പൂച്ചയായി മാറിയത് പോലെ ഫെഡറിക്ക് ഒരു ഭീമൻ ചെമ്പൻ കരടിയായി മാറി..

“ഗ്രാ……”ആ കരടി അലറി.

“ക്ക്രാ…..” ആ പൂച്ചയും അലറി.

കരടിയും പൂച്ചയും ആക്രമിക്കാനായി ഓടിയടുത്തു. അരികിലേക്ക് ഓടിയെത്തിയ പൂച്ചയുടെ വയർ നോക്കി ഫെഡറിക്ക് തല്ലി. പിറകിലേക്ക് പോയ പൂച്ച തിരികെ മുന്നിലേക്ക് ചാടി കരടിയുടെ നെഞ്ചാകെ നഖം കൊണ്ട് കീറി. രണ്ട് ഭീകര ജീവികളും ആ മുറ്റത്ത് കിടന്നു വാശിയോടെ പരസ്പരം ആക്രമിച്ചു.

എന്ത് സംഭവിക്കും എന്നറിയാൻ ഭയത്തോടെ ബോസ്റ്റൻ ബംഗ്ലാവിലെ അന്തേവാസികൾ ഭീകരജീവികളുടെ പോരാട്ടം നോക്കി നിന്നു.

“പടക്ക്…..” കരടിയുടെ അടിയിൽ പൂച്ച തളർന്നു ഭൂമിയിലേക്ക് വീണു. വീണ്ടും വീണ്ടും എഴുന്നേൽക്കാൻ ശ്രമിച്ചെങ്കിലും അതിന് സാധിച്ചില്ല. എങ്കിലും അവസാനം എങ്ങനെയൊക്കെയോ പൂച്ച എഴുനേറ്റ് നിന്നു. അടുത്ത ആക്രമണത്തിന് മുൻപ് പൂച്ച തല തിരിഞ്ഞു ഡാനിയെ നോക്കി. ആ കണ്ണുകൾ തന്നോട് യാത്ര പറയുകയാണെന്ന് ഡാനിക്ക് തോന്നി..

“ഗുഡ് ബൈ ഫ്രണ്ട്‌സ്.. ഗുഡ് ബൈ ബോസ്റ്റൻ ബംഗ്ലാവ്….” ആ ഭീകരൻ പൂച്ച ഉറക്കെ പറഞ്ഞു.

പൂച്ചയെ ആക്രമിക്കാൻ ഓടിയടുത്ത കരടിയുടെ മുകളിലൂടെ ചാടി പിറകിൽ എത്തിയ പൂച്ച കരടിയെ പിറകിൽ നിന്നും ലോക്ക് ഇട്ട് മുറുകെ പിടിച്ചു. ഒറ്റ വലിക്ക്‌ ഫെഡറിക്കിനെയും കൊണ്ട് തോമസും കത്രീനയും മരത്തിനുള്ളിലെ മാന്ത്രിക വാതിലിനു ഉള്ളിലൂടെ അകത്തേക്കു പോയി. അവർ മൂവരെയും എന്നന്നേക്കുമായി തടങ്കലിൽ ആക്കിക്കൊണ്ട് ആ മാന്ത്രിക വാതിൽ അടഞ്ഞു.

“നോ…….. കത്രീന…..”ഡാനിയേൽ അലറി വിളിച്ചു. മിനുട്ടുകളോളം ഡാനിയേൽ അവിടെ ഇരുന്ന് കരഞ്ഞു. അവിടെ നിന്നവരെല്ലാം കുറച്ച് നേരം തരിച്ചു