Chapter Title : 🏘️ബോസ്റ്റൻ ബംഗ്ലാവ് 3 [Gladiator]

ഒന്നും ചെയ്യരുതെന്നവൾ ആ നിമിഷം ദൃഡപ്രതിജ്ഞ എടുത്തു. എല്ലാം പഴയ രീതിയിലേക്ക് കൊണ്ട് വരണമെന്നവൾ ആ നിമിഷം തീരുമാനിച്ചു. ഓരോന്ന് ആലോചിച്ചു ആലോചിച്ചു എപ്പോഴോ അവൾ മയങ്ങിപ്പോയി.

കത്രീന തന്റെ മനസിന്റെ തോന്നൽ ആണെന്നും.. ആ കണ്ടുമുട്ടലുകൾ എല്ലാം ദുസ്വപ്‌നങ്ങൾ ആണെന്നും ആണ് ജൂലി വിശ്വസിച്ചിരിക്കുന്നത്.അതിനു കാരണം ദൈവത്തിനു നിരക്കാത്ത പ്രവർത്തി ചെയ്തിട്ടാണ് എന്നുമവൾ വിശ്വസിച്ചു.

🔸🔸🔸🔸🔸

ബുധനാഴ്ച ദിവസം കോളേജ് കഴിഞ്ഞു തന്റെ കാമുകനെ ഡെയ്സി ബംഗ്ലാവിലേക്ക് കൂട്ടികൊണ്ട് വന്നു.തന്റെ കോളേജ് സീനിയർ ആയ ആദം.ആദം ഒരു പാവം പയ്യനായിരുന്നു, മാത്രമല്ല കോളേജ് പ്രിൻസിപ്പലിന്റെ മകനും. മുൻപ് പലപ്പോഴും പയ്യന്മാരോട് അട്രാക്ഷൻ തോന്നിയിട്ട്ടുണ്ടെങ്കിലും ആദ്യമായിയാണ് ഡെയ്സി ഒരു റിലേഷനിൽ ചെന്ന് ചാടുന്നത്.തന്റെ പണക്കൊഴുപ്പ് കാണിക്കാൻ വേണ്ടിയാണ് അവനെ അവൾ ബംഗ്ലാവിലേക്ക് കൂട്ടിക്കൊണ്ട് വന്നത്.അവളുടെ റൂമിലെത്തിയപ്പോൾ തന്നെ റൂമിന്റെ പ്രൗടി കണ്ടു ആദം വായ പൊളിച്ചു നിന്നു.

“ഹൊ.. ഈ റൂമിൽ നിന്ന് നോക്കിയാൽ കിലോമീറ്ററോളം ദൂരം കാണാമല്ലോ,..നിങ്ങൾക്ക് അയൽക്കാർ ഒന്നുമില്ലേ…?”മൂന്നാം നിലയിലെ റൂമിൽ നിന്നു ജനാല വഴി പുറത്തേക്ക് നോക്കികൊണ്ട് ആദം ചോദിച്ചു.

“ദാ.. അവിടെ ആ കാണുന്ന മരങ്ങൾക്ക് പിന്നിലായി നെയ്‌ബേഴ്സ് ഉണ്ട്.. പക്ഷെ ഞങ്ങൾ ഇതുവരെ ആരെയും പരിചയപ്പെട്ടിട്ടില്ല.”തന്റെ കട്ടിലിൽ ഇരുന്നുകൊണ്ട് ഡൈയ്സി പറഞ്ഞു.

ആദം അങ്ങോട്ടേക്ക് നോക്കിയെങ്കിലും വീടുകൾ ഒന്നും കാണാൻ കഴിഞ്ഞില്ല.അല്പം ദൂരമുണ്ട്, മാത്രമല്ല മരങ്ങൾ നിൽക്കുന്നത് കൊണ്ട് ഒന്നും കാണാൻ സാധിച്ചില്ല.

“ആദം.. വാ.. ഇവിടെ വന്നിരിക്ക്”കട്ടിലിൽ തന്റെ അടുത്തായി തട്ടിക്കൊണ്ടു ഡെയ്സി പറഞ്ഞു.

ആദം അവളുടെ അരികിലായി വന്നിരിന്നു..

അവളുടെ തുടുത്ത കവിളുകൾ വല്ലാണ്ട് ചുമന്നിരുന്നു. കടുത്ത