Chapter Title : 🏘️ബോസ്റ്റൻ ബംഗ്ലാവ് 3 [Gladiator]

പൂക്കൾ പൂത്തിരിക്കുന്നു, കിളികൾ ചിലച്ചുകൊണ്ട് പാറി പറന്നു നടക്കുന്നു.ആരും കാണാൻ ആഗ്രഹിക്കുന്നത് പോലൊരു പ്രഭാതം.

നിലത്ത് ഇഴയുംവിധം ഒരു ചുവന്ന ഗൗൺ ആണ് ജൂലി ധരിച്ചിരുന്നത്.ആ ഗൗണിൽ തന്റെ വയർ തള്ളി നില്കുന്നത് അവൾ ശ്രദ്ധിച്ചു. അതേ.. താൻ ഒരു ഗർഭിണിയാണ്.ഗാർഡനു അടുത്തതായി 3-4 കുതിരകൾ നിന്നിരുന്നു. തന്റെ ഇടം കൈ കൊണ്ട് ഭർത്താവിന്റെ വലം കയ്യിൽ പിടിച്ചുകൊണ്ടു അവൾ കല്ലുകൾ പാകിയ ആ വഴിയിലൂടെ നടന്നു.പൂത്ത് നിന്ന ഓർക്കിഡ് പുഷ്പങ്ങളുടെ ഗന്ധം അവിടമാകെ നിറഞ്ഞു.

അവൾ തന്റെ ഭർത്താവിനെ നോക്കി.പക്ഷെ ഭർത്താവിന്റെ മുഖം അവൾക്ക് വ്യക്തമായില്ല.. ആ മുഖം എവിടെയോ കണ്ടിട്ടുള്ളത് പോലെ അവൾക് തോന്നി.നല്ല ഉയരമുള്ള, ഹാൻഡ്‌സം ആയ വ്യക്തി ആയിരുന്നു അവൻ.വിരിഞ്ഞ മാറും, മുറുക്കിയ മീശയും നല്ല കുറ്റി താടിയും അവനുണ്ട്. ഒരു ജാക്കറ്റ് ധരിച്ചു അവൻ അവളുടെ കൂടെ നിന്നു.അവന്റെ ചുണ്ടിൽ വലിച്ചു തീരാറായ ചുരുട്ട് കൂടി ഉണ്ട്.

“സത്യം പറ ജൂലി…കുഞ്ഞിന്റെ അച്ഛൻ ആരാണ്…?” സ്വപ്നത്തിലെ ജൂലിയുടെ ഭർത്താവ് ചോദിച്ചു.

ആ ചോദ്യം ചോദിച്ച മാത്രയിൽ അവൻ ജൂലിയുടെ കൈ മുറുക്കെ പിടിച്ചു ഞെരിച്ചു. അവൾക്ക് നന്നായി വേദനിച്ചു.

ജൂലി വേദന കൊണ്ട് നിലവിളിച്ചു. അവളുടെ കയ്യിലെ എല്ലുകൾ പൊട്ടിത്തെറിച്ചത് പോലെ അവൾക്കു തോന്നി.ജൂലി പൊട്ടിക്കരഞ്ഞു

"നീ എന്താണ് ഉദ്ദേശിച്ചതെന്ന് എനിക്കറിയില്ല, ഫ്രെഡറിക്ക്.”സ്വപ്നങ്ങളിൽ കാര്യങ്ങൾ ചെയ്യുന്നതുപോലെ അവൾ അവന് മറുപടി നൽകി., അവൻ്റെ പേര് ഫ്രെഡറിക് ആണെന്നവൾക്ക് വ്യക്തമായി.

ഇത് ഫ്രെഡറിക് ആണ്…കത്രീനയുടെ ഭർത്താവ്. ഈ ബംഗ്ലാവിന്റെ ആദ്യ അവകാശി.

ആ ചിന്ത ജൂലിയുടെ തലച്ചോറിൽ കയറി.

അതെ സമയം