Chapter Title : 🏘️ബോസ്റ്റൻ ബംഗ്ലാവ് 3 [Gladiator]

എന്റെ ജീവിതത്തിൽ പുരുഷന്മാരോടുള്ള പല കാഴ്ചപ്പാടുകളും മാറ്റിയത് ഈ പുസ്തകമാണ്.. നീ ഇവിടേക്ക് വന്നത് കൊണ്ട് എനിക്ക് വീണ്ടും ഈ പുസ്തം വായിക്കാൻ പറ്റി.”

“നീയിത് എന്തൊക്കെയാ പറയുന്നത്..?നീയാരാ…”ജൂലി ഭയന്നുകൊണ്ട് ചോദിച്ചു.

“ഒരിക്കൽ ഞാനെന്നെ പരിചയപ്പെടുത്തിയത് അല്ലേ.. അഹ് അത് വിട്..നിനക്ക് ഞാനീ നോവലിലെ ഒരു പാസ്സേജ് വായിച്ചു കേൾപ്പിക്കാം….ഇതിലെ നായകനായ ടീനേജ് പയ്യന്റെ പോയിന്റ് ഒഫ് വ്യൂവിൽ ആണ് കേട്ടോ ഈ പാസ്സേജ്.. അത് പോലെ തന്നെക്കാൾ പ്രായം എറിയ സ്ത്രീയുമായി അവൻ പ്രണയത്തിൽ ആണെന്ന് മറക്കരുത്” കത്രീന പറഞ്ഞു.

((ഒരു ഇംഗ്ലീഷ് പാസ്സേജ് ട്രാൻസ്ലേഷൻ ആണ്.. ))

📖ഒരു ദിവസം, ഞാൻ ആ കൂറ്റൻ മതിലിൽ ഇരുന്ന് വിദൂരതയിലേക്ക് നോക്കി, പെട്ടെന്ന് എന്തോ എൻ്റെ മേൽ പാഞ്ഞുകയറി - കാറ്റല്ല, വിറയലല്ല, ശ്വാസം പോലെയുള്ള എന്തോ ഒന്ന്, അവളുടെ സാമീപ്യത്തെ കുറിച്ചുള്ള ബോധം…

ഞാൻ താഴേക്ക് നോക്കി. എനിക്ക് താഴെ, ഇളം ചാരനിറത്തിലുള്ള ഗൗൺ ധരിച്ച്, തോളിൽ പിങ്ക് പാരസോളുമായി, ‘സൈനൈദ” റോഡിലൂടെ തിടുക്കത്തിൽ നടന്നുപോകുന്നു . അവൾ എന്നെ കണ്ടു നിന്നു , അവളുടെ തൊപ്പി ഒരു വശത്തേക്ക് മാറ്റി , അവളുടെ വെൽവെറ്റ് കണ്ണുകൾ എന്നിലേക്ക് ഉയർത്തി. "ഇത്ര ഉയരത്തിൽ ഇരുന്ന് നീ എന്താ അവിടെ ചെയ്യുന്നത്?" വിചിത്രമായ ഒരു പുഞ്ചിരിയോടെ അവൾ എന്നോട് ചോദിച്ചു.

“നിനക്ക് എപ്പോഴും എന്നെ ഇഷ്ടമാണെന്ന് അല്ലേ പറയാറു.. അത്രക്ക് ഇഷ്ടമാണെന്ന് ആ മതിലിൽ നിന്ന് താഴേക്ക് ചാടു…”അവൾ പറഞ്ഞു.

സൈനൈഡയുടെ വായിൽ നിന്ന് വാക്കുകൾ പുറത്തേക്ക് വരുന്നതിന് മുമ്പ്, ആരോ എന്നെ പിന്നിൽ നിന്ന്