Chapter Title : 🏘️ബോസ്റ്റൻ ബംഗ്ലാവ് 4 [Gladiator]

ബഗ്ലാവിന്റ ഉയർന്ന ടവറിൽ സ്ഥിതി ചെയുന്നത് കൊണ്ടാണ് ഈ മുറിയെ ടവർ റൂം എന്ന് വിളിക്കുന്നത്. ബംഗ്ലാവിന്റെ ഏറ്റവും ഉയർന്ന വശം.അവൻ റൂമിൽ നോക്കിയെങ്കിലും പെങ്ങളെ കണ്ടില്ല.

“ഡെയ്സി……. “അവൻ വീണ്ടും വിളിച്ചു.

റൂമിലെ ഒരുവിധം എല്ലാ ജനാലകളും തുറന്ന് കിടന്നിരുന്നു., അതിലൂടെ ഇളം കാറ്റ് റൂമിലേക്ക് അടിച്ചുകേറി.

“ഞാനിവിടെ ഉണ്ട്…”ജനാലയ്ക്ക് പുറത്തുകൂടി ഡെയ്സിയുടെ ശബ്ദം കേട്ടു.

ഡാനിയേൽ ശബ്ദം കേട്ട ഭാഗത്തെ ജനാലയിലൂടെ പുറത്തേക്ക് നോക്കി.

ടവറിൽ നിന്ന് ഏകദേശം നാലടി പുറത്തേക്ക് നീണ്ടു നിൽക്കുന്ന ഫിഷ് സ്കെയിൽ ഷിംഗിൾ റൂഫിൽ തന്റെ ഇരട്ട സഹോദരി കാലുകൾ കയറ്റി ചമ്പ്രം പടിഞ്ഞു ഇരിക്കുന്നത് അവൻ കണ്ടു.. അവളുടെ തവിട്ടുനിറത്തിലുള്ള മുടി കാറ്റിൽ പറന്നു. നോക്കെത്താ ദൂരത്തോളം നീണ്ടു കിടക്കുന്ന മലകളുടെയും മരങ്ങളുടെയും ഭംഗി ആസ്വദിച്ചു അവളിരിക്കുകയാണ്.

ബംഗ്ലാവിൽ എത്തിയ ശേഷം ജൂലിയുടെയും, ഡാനിയേലിന്റെയും സ്വഭാവം മാറിയത് പോലെ ഡെയ്സിയുടെ സ്വഭാവവും മാറിയിരുന്നു. മൊബൈൽ, ഫ്രണ്ട്‌സ് എന്ന് പറഞ്ഞു നടന്നവൾക്ക് ഇപ്പോൾ അധികവും ഏകയായി ഇരിക്കുന്നതിനും, പ്രകൃതി ഭംഗി ആസ്വദിക്കുന്നതുമാണ് പ്രിയം.

“ നീയവിടെ എന്ത് ചെയുവാ ?" ജന്നലിലൂടെ തല പുറവത്തേകിട്ട് അവൻ ചോദിച്ചു. പക്ഷെ പുറത്തേക്ക് നോക്കിയതും ഉയരം കണ്ടവന്  തലകറങ്ങി, ഡാനിയൽ മുറിക്കുള്ളിലേക്ക് തിരികെ ചാഞ്ഞു.തല ജന്നലിനു വെളിയിലേക്ക് ഇട്ട് നോക്കിയാലെ ഡെയ്സിയെ കാണാൻ കഴിയുള്ളു.

“ഇവിടിരുന്നു ദൂരേക്ക് നോക്കിയിരിക്കാൻ നല്ല രസമാ.. ഞാൻ ഇടയ്ക്ക് ഇങ്ങനെ ഇരിക്കും” തിരിഞ്ഞു ഡാനിയേലിനെ നോക്കുക പോലും ചെയ്യാതെ ഡെയ്സി പറഞ്ഞു. തന്റെ സഹോദരന് ഉയരം ഭയമാണെന്ന് അവൾക് നന്നായി അറിയാം.

“രാവിലെ പള്ളിയിൽ പറഞ്ഞ ആ വചനം നിനക്ക് ഓർമ്മയുണ്ടോ..?”ഡെയ്സി ചോദിച്ചു.

“ഏത് ?" അതിന് മറുപടി പറഞ്ഞുകൊണ്ട് ഇടത്തേക്ക് നോക്കിയ ഡാനിയേലിന്റെ മനസ്സ് ആസ്വസ്ഥമായി.ടവർ റൂമിലെ ഒരു ജനാലയിലൂടെ പുറത്തു നിന്നും കത്രീന ആ മുറിക്കുള്ളിലേക്ക് കയറി വരുന്നത് അവൻ കണ്ടു. ആദ്യം കൈകൾ കൊണ്ട് കട്ടളപടിയിൽ പിടിച്ച കത്രീന അവളുടെ ഗർഭിണിയായ വയർ താങ്ങിപ്പിടിച്ച ശേഷം വലതുകാൽ മുറിക്കുള്ളിൽ കുത്തി, ശേഷം ഇടം കാലും മുറിക്കുളിൽ ആക്കിയ കത്രീന മെല്ലെ ശബ്ദം ഉണ്ടാക്കാതെ ഡാനിയേലിന്റെ അടുത്തേക്ക് നടന്നു വന്നു.

“മനുഷ്യന് സാധാരണമല്ലാത്ത ഒരു പ്രലോഭനവും നിങ്ങളെ പിടികൂടിയിട്ടില്ല. ദൈവം വിശ്വസ്തനാണ്, നിങ്ങളുടെ കഴിവിനപ്പുറം പരീക്ഷിക്കപ്പെടാൻ അവൻ നിങ്ങളെ അനുവദിക്കുകയില്ല, എന്നാൽ പ്രലോഭനത്തോടൊപ്പം അവൻ രക്ഷപ്പെടാനുള്ള വഴിയും നിങ്ങൾക്ക് നൽകും.”  ഡെയ്സി രാവിലെ പള്ളിയിൽ കേട്ട വരികൾ